《2010年新春台北之旅》- 第二天(2) – 乌来老街

从乌来公共汽车总站向前行大约150米就系乌来老街入口，街口有一间全家便利店。

由全家便利店转入去，过左呢条桥就系乌来老街啦。

乌来老街大约只有100米左右，街道两边集中左好多食店、小食档、手信店同埋平价温泉旅馆。

系乌来老街入口附近，有一间乌来泰雅博物馆，就系乌来婆婆美食店隔离。里面展出泰雅族原住民嘅生活，展品虽然唔一定会吸引到你，但系佢入面有一样好重要嘅嘢，你可能会有需要. . . . .就系洗手间。乌来老街一带嘅公厕并唔系好多，我见过系览胜桥近老街嘅桥口有一间，另外系台车站内亦有一间，不过卫生只系一般，女士可能会唔惯。而系乌来泰雅博物馆里面亦有厕所供游客使用，但卫生情况就好好多，好干净。博物馆系免费入场架，大家可以好好利用，女厕系地下，男厕就系二楼。

乌来其中一样出名嘅小食系山猪肉香肠，系老街靠近览胜桥一边有几档卖烧香肠嘅小食档，不过多数冇乜人帮衬，但系唯独以下呢档就排晒长龙。

佢嘅山猪肉香肠真系超超好味，尤其是系层皮烧到好香，就连我一向唔中意食香肠嘅人都觉得佢好好食，我地仲前后买左三次黎食。

乌来老街嘅尽头系览胜桥，过左桥沿楼梯行上去就系台车车站，可以系呢度坐台车上去勇士广场睇乌来瀑布。

台车单程车费NT$50，去勇士广场除左坐台车之外亦可以行路上去，不过路程都唔短，所以最好都系坐台车，唔洗咁辛苦之余仲可以试下呢种咁特别嘅交通工具。台车车速虽然只得40公里，不过因为架车冇门，所以都几刺激架。

待续. . . . . .