《2010年新春台北之旅》- 第二天(3) – 乌来勇士广场

台车嘅车程大约只有5分钟,好快就到达勇士广场嘅台车站。

乌来(27)

勇士广场就系乌来南势溪旁边,对岸就系乌来瀑布,而瀑布上面嘅山顶就系云仙乐园。勇士广场地方好细,系呢度唯一景点就系睇乌来瀑布,可能因为有雨落,所以瀑布水量都几丰富,几有气势
乌来(31)乌来(32)
勇士广场上只有几间卖民族服饰嘅手信店,其余并冇地方值得行。

乌来(28)乌来(29)乌来(30)

 
今次吸引我地到乌来嘅其中一个原因,系因为时值台湾樱花季节,而乌来系其中一处有名嘅赏樱地方,可惜去到真系大失所望。唔知系唔系天气转冷嘅关系,并唔系太多樱花树有开花,我地只系系坐公共汽车来乌来嘅路上,台车车道旁边以及之后坐车去三好米温泉会馆嘅路边间中见到 一两 棵开左花嘅樱花树。勇士广场听讲系乌来最多樱花嘅地方,可惜眼见就只有呢一棵樱花树系开得比较似样。

乌来(33)乌来(34)
系勇士广场沿下图呢条楼梯行上去就系缆车站,可以坐缆车上去对岸山顶嘅云仙乐园,来回要NT$200几蚊。因为冇乜兴趣所以我地冇坐上去,只系行上缆车站影左几张相就走人。

乌来(35)乌来(36)乌来(37)乌来(38)

 
因为冇上去云仙乐园,所以只系大约半小时时间已经游览完勇士广场,之后再坐台车返回乌来老街。游览乌来老街加勇士广场两个半小时已经足够,即使上埋去云仙乐园,三小时已经OK,如果食埋饭应该都唔洗四小时。
乌来嘅温泉旅馆要等到5点先可以check-in,估计下午时段房间系用黎招待日归旅客。我地由勇士广场返到乌来老街时都仲未到3点,唯有放慢脚步再行多圈,食下小食,当然包括再食多次好好味嘅山猪肉香肠啦
行到39真系已经唔知行去边度好,而且雨势开始变大,所以决定打电话去旅馆,叫佢地黎车我地入去旅馆先,心谂就算要等系旅馆等有得坐起码舒服D
由于乌来大多数旅馆都离开老街好远,所以一定要坐车先可以去到,除左系公路边嘅旅馆,例如乌来璞石丽致或者春秋乌来可以坐公共汽车之外,其他远离公共汽车路线嘅旅馆就只可以坐的士,或者叫旅馆专车接送。大部份旅馆亦有专车接送住客往来乌来老街与旅馆之间,而系乌来老街嘅等车地点,就系老街入口前,即系全家便利店前面。系便利店斜对面系乌来警察局,可能因为易认,旅馆一般会同客人讲系警察局门口等,所以系呢一个由警察局、便利店以及老街入口所组成嘅三角地带,会见到有好多人企系度等车。

乌来(2)

 
如果想旅馆派车到老街接你,当然需要先打个电话通知佢地啦,所以记得抄低旅馆电话号码带系身啊。可能会有人同我一样会担心打电话去旅馆call车嘅问题,其实一D都唔洗担心,即使你手提电话冇漫游或者甚至冇带手提电话都冇问题,因为系警察局隔离就有一排电话亭,打一个local call只需NT$1,即系唔洗澳门币3毫,平过用手提打长途多多声。

乌来(3)

 
待续. . . . . .

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share