2012年京阪之旅(Day 4[上篇] – 有马温泉)
今日一早起身,先去浸多次温泉,之后就去食早餐。
食完早餐,9点半左右就Check-out走人啦。因为仲要去温泉街行下,所以将行李放上车度先,架车继续泊系有马温泉 御幸荘 花结び个停车场,我地就由小路步行去温泉街。
图中蓝色线就系我地步行路线。
因为沿途都有景点,所以行行下唔觉好远,好快就去到温泉街啦。
行冇几耐就见到个炭酸泉源公园,应该系其中一个温泉眼黎架,不过冇咩睇。
再行一段就系一间叫极乐寺嘅寺院
另一个泉眼,不过好似冇出水嘅。
呢个系纪念第一个开发有马温泉嘅人 – 行基和尚嘅纪念像
再行
就会见到银之汤,可以俾钱入去浸温泉架
之后就到温泉寺,呢度应该有樱花架,不过仲未开囉。
系温泉寺旁边有条石级,行上去就系温泉神社,冇力行,冇上到去
过左温泉寺有两条路,我地行右边条路,可以去到有马町嘅一D小舖头。
之后就会去到有马玩具博物馆同佢出面嘅足汤场,
路口左边系金之汤,同银之汤一样,都系可以俾钱入去浸温泉
右边经过呢间好古式古香嘅旅馆,穿出去就到大街啦。
大衔上嘅阪急巴士有马案内所,如果由大阪坐巴士过黎,就系呢度落车。
条街其实好短,只有十间八间手信店
再过去就系六甲川
有马温泉街地方唔大,唔洗个半钟已经行晒,买埋手信我地就离开有马温泉返大阪啦。今次行高速公路,唔洗一个钟已经去到心斋桥。
To be continued……
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!