2012年京阪之旅(Day 5[下篇] – Osaka Station City、通天阁)
上回讲到系黑门市场买左D草莓返酒店试味,试完味抖左一阵,就开始出去行下啦。第一站先去梅田,主要系去大阪駅上面新开嘅shopping mall – Osaka Station City。不过都只系购物商场一个,对我冇乜吸引力。
系10楼有一个空日花园 – 风之广场,听讲好似种左几棵楼花,不过仲未开囉。
行左一阵之后我地就转去梅田其他地方行下,首先去左梅田阪急百货同新阪急酒店之间嘅新梅田食道街门口档舖头食章鱼丸。间舖就位于食街入口,由大阪駅过左斑马线就见到,好易揾。
08年黎嘅时候住梅田呢边,所以发现左呢间好嘢,佢嘅章鱼丸好好味架,食过都冇乜兴趣去食道顿堀果D。
食完章鱼丸跟住系阪急百货行下,又买左少少手信。之后就转去另一个未去过嘅地方 – 通天阁。坐地铁去到动物园前駅落下,行10分钟左右就到。
呢区几乎间间食店都系食炸物,我地是旦揾左间试,不过味道麻麻地。
咁多人排队唔通有好嘢?原来系等撘lift上去通天阁。
通天阁附近并唔系咁多舖头啱行,所以好快行完。
由通天阁沿堺筋向北行大约一公里多D就系难波,而呢段路集中左好多售卖电子产品同动漫产品嘅店,叫做电电城,所以我地亦沿呢条路行返去心斋桥。
行到累坐低食个Donut先
电电城大约去到日本桥3个路口就完,再向北行就冇乜特别嘢睇,所以可以系呢个路口转左入返去难波嘅步行街。
小弟至爱系日本嘅红豆汤,虽然道顿堀嘅夫妇善哉并唔算系好味,起码同京都果D相比差好远,不过每次都忍唔住要试下试。
跟住之后嘅行程,又系系心斋桥行街shopping,冇乜特别嘢好写。
Day 5 End…
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!