2011年冲绳快闪观礼之旅(Day 1[下篇] – 那霸国际通、第一牧志公设市场)

去国际通除左行街买手信之外,另一个重点就系去第一牧志公设市场。第一牧志公设市场就系国际通中段,系国际通同冲映大通嘅交界处,有一条叫市场本通嘅横街,里面系售卖冲绳特产、杂货嘅地方,由呢度行入去就系第一牧志公设市场。

那霸第一牧志公设市场_Pic01_thumb[2]

那霸第一牧志公设市场_Pic07

 

第一牧志公设市场其实只系一个好细嘅市场仔,感觉上同日本本土嘅市场好唔同,反而有D似台湾嘅街市,所以并冇乜嘢特别好睇。

那霸第一牧志公设市场_Pic02

那霸第一牧志公设市场_Pic03

 

市场分为两层,下层主要卖海产,而上层系食店,可以系度食嘢,亦可以系下层买左D海产上黎叫食店帮你整。

那霸第一牧志公设市场_Pic04

 

虽然就到食晚餐嘅时间,不过我地都系下层海产店买左D海鲜黎试下,有帆立贝、甜虾、海胆同海螺微笑,不过唔知系唔系太晏,D刺身并唔系太新鲜。

那霸第一牧志公设市场_Pic05那霸第一牧志公设市场_Pic06

 

食完刺身做点心,我地再系附近行下。每次去日本都习惯行下药房,不过系冲绳就好少见到药房嘅踪影,行晒成条国际通,都只系系第一牧志公设市场附近呢条平和通商店街入面见到有一间。

那霸国际通_Pic07_thumb[3]

 

虽然系12月冬天,不过冲绳天气都唔会好冻,气温大约都系15度左右,日头只需要著一件薄薄地嘅长袖衫,甚至短袖都OK,入夜之后只要著多年薄褛就已经可以。而天黑嘅时间就同日本其他地方差唔多,大概5点半就开始天黑啦。

 

因为系那霸只留一晚,而且今晚又系系冲绳嘅第一餐,所以打算食好D。听讲冲绳嘅石垣牛同Aguu猪都出名,而呢间叫"守礼"嘅食店,旅游书介绍系那霸食石垣牛同Aguu猪最好嘅一间,见佢介绍得咁正,就试一试啦,虽然价钱几贵下。不过,经验又一次证明,信旅游书有六成机会撞板嘅呢个定律系冇错架,尤其系关于食方面。嚎啕大哭

 

"守礼"系国际通有两间分店,一间系国际通入口附近,而我地食果间位于平和通商店街斜对面,即系旅游书介绍果间。

那霸守礼_Pic01

 

"守礼"嘅餐牌有中文版,唔怕会点错菜,因为主打系石垣牛同Aguu猪,所以我地点左一人一个set,总共8个set,一半系石垣牛烤肉套餐,另一半系Aguu猪涮涮锅套餐。Set嘅份量其实唔多,一个set未必够一个人食得饱,不过价钱就超贵,最平果种一个set都要4,200円。最大问题系食物嘅味道只系麻麻,石垣牛完全冇牛肉味,口感亦差,Aguu猪口感好D,不过味道亦唔好得去边。总概黎讲:唔值。很逊

那霸守礼_Pic02那霸守礼_Pic03那霸守礼_Pic05那霸守礼_Pic04那霸守礼_Pic06

 

– Day 1 完 –

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share