2011年冲绳快闪观礼之旅(Day 2[租车篇] – 万士得租车那霸久米店、冲绳自驾游Go)

呢次旅程虽然得果短短四日，不过除左第一日之外，其余三日我地都会自驾。今次因为人多所以需要租用七人车先够坐，我地总共有8个大人3个细路，所以租左两部七人车。

为左租到指定车款，今次选择系万士得租车店嘅官方网站直接租车。除左希望租到确定车款之外，选择系万士得租车仲有两个原因，第一系佢做紧Promo，Premacy七人车只系4,876円一日，仲要送埋价值1,050円一日嘅免责补偿制度保费；第二系万士得租车店嘅那霸久米店超近的地住嘅酒店Okinawa Nahana Hotel and Spa，由酒店后门直去100米就到。

注：呢张系响Google Map度嘅万士得久米店门口实景图片，挂住取车自己冇影到相

因为迟左book车，所以我地只可以订到一部R1 Class嘅Premacy，另一部唯有订高级D嘅R2 Class嘅MPV，呢部要7,115円一日，都系包埋价值1,050円一日嘅免责补偿制度保费。

呢架就系我地租嘅Mazda Premacy

呢架就系我地租嘅Mazda MPV

MPV比Premacy高级D，座位系皮做，感觉上亦比Premacy有力，但系就比Premacy食油，我地行左三日，最后入油时Premacy唔洗4,000円，而MPV就要5,000円。车厢空间两架车差别唔大，不过MPV中间果排座位系两张有独立扶手嘅座椅，虽然高级D，但系就只可以坐到2个人，而Premacy就系一排过，坐3个大人都冇问题，如果有5个人，租Premacy啱D。

今次旅程因为人多太多嘢要兼顾，所以搅到冇时间去影酒店同车辆呢D相。

To be continued…