2011年冲绳快闪观礼之旅(Day 2[下篇] – 冲绳中部:道の駅かでな、琉球村)

我地系冲绳中部嘅第一个目的地系位于冲绳市,旅游书介绍话可以望美军基地嘅汽车休息站:道の駅かでな

道の駅かでな

 

自驾游参考

道の駅かでなTel.: 098-957-5678 | 道の駅かでなMapcode: 33 708 633

 

道の駅かでな其实只有三层楼高,系顶楼天台设左个展望台,对面系美军系冲绳嘅军事基地,因为基地内主要系平地,所以即使系三楼都可以望到入面嘅环境。不过其实又冇咩好睇,只系空地一片,好彩D可能有机会见到一两架飞机停系度囉。其实美军系冲绳嘅军事基地有好多几处,呢度只系其中一个,系Google Map上灰色一片冇任何标记嘅范围都系美军基地黎架。

道の駅かでな

 

 

系道の駅かでな只系停留左一阵,休息完就再次上路,向下一站残波岬进发啦。由于沿途见唔到有合心水嘅食店,所以今日中午果餐只系求其系Lawson买左D关东煮同饭团黎食,不过都好好味架。开怀大笑

 


在较大的地图上查看2011年冲绳自驾之旅行车路线和景点位置

 

岬系指向海洋突出嘅陆地尖端,系冲绳岛有好多处岬,而残波岬就系岛上突出海洋最入嘅一个海岬,可以睇到壮丽嘅太平洋景色,而且残波岬周围有壮观嘅断崖景观,所以系冲绳一个重要嘅旅游景点,不过由于位置偏僻,冇公共交通工具可以直接到达,如果唔系自驾,想去呢度就比较麻烦啦。

 

由道の駅かでな去残波岬大约距离13公里,开车需时约半个钟。

 

系残波岬附近嘅路边有一间叫Aquagrace Chapel嘅教堂,呢间都系冲绳举行婚礼嘅热门教堂之一,不过地点就偏僻左D。

Aquagrace Chapel

 

总于到左残波岬啦,呢度有个好大嘅停车场,免费任泊,其实系那霸之外其他地方,基本上泊车都系免费架。

 

自驾游参考

残波岬Tel.: 098-982-9216 | 残波岬Mapcode: 1005 685 317

 

残波岬周围其实都好荒芜下,基本上乜都冇,只系得座灯塔。

残波岬_图1残波岬_图2残波岬_图3残波岬_图4残波岬_图5

 

如果想睇靓景,就要用D脚力爬上灯塔上面啦,上灯塔需要俾150円嘅入场费。

残波岬_图6残波岬_图7

 

由灯塔上影落黎嘅风景

残波岬_图8残波岬_图9残波岬_图10

 

残波岬度仲有呢部用旧巴士改装而成嘅小卖店

残波岬_图11

 

 

参观完残波岬时间已经系下午4点半,跟住我地又向下一站,冲绳嘅民俗文化村-琉球村进发啦。由残波岬去琉球村路程大约10公里,开车需时约20分钟,去到果阵都已经接近5点,而琉球村嘅关门时间系5点半,只得半个钟时间应该都睇唔晒,所以决定费事买飞入村,净系系外面嘅商店扫下手信。

 

自驾游参考

琉球村Tel.: 098-965-1234 | 琉球村Mapcode: 206 033 098

 

琉球村_图1琉球村_图2琉球村_图3

 

离开琉球村嘅时候天色都开始入黑,系时候返酒店Check-in啦。

 

To be continued…

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share