2012年双台风夹击下的台湾之旅(Day 1[下篇] – 台中一中街商圈、台中火车站、干城车站、逢甲夜市)

上篇讲到我地到左高铁台中站之后，就坐接驳巴士去碧根行馆。酒店位置好易揾，系逢甲大学站落车就见到。关于碧根行馆嘅介绍同住宿评价，可以参考呢篇《住@台中碧根行馆(Beacon Hotel)》，呢度唔再重复。

日头嘅逢甲夜市冇咩行，讲明系夜市当然系要等到夜晚先热闹啦。所以我地系附近兜左一阵就决定先去台中火车站果边睇下。

原来悠游卡系台中嘅公共汽车上都可以用，而且用卡乘坐短距离系免费架。其实就算坐南投客运嘅公共汽车去清境、日月潭咁远嘅地方都一样可以用悠游卡，不过就要确定张卡有足够余额。

由逢甲夜市坐车去台中火车站都差唔多要半个钟，我地仲上左架系市区入面不断兜圈嘅公共汽车添，搅到落又唔系唔落又唔系，唯有当系游车河，系车上睇下台中市风景。

行行下当架公共汽车去到台中科技大学嘅时候，发觉周围人头涌涌，于是当然即刻落车睇下啦，原来呢度就系台中另一个行街shopping热点 – 一中街商圈。呢度附近有几间学校，所以系度行衔嘅都系以年青人为主。

一中街商圈地方唔大，很完一圈食下小食，跟住又上返公共汽车去火车站，呢程路程好短，只系三个站，用悠游卡唔洗扣钱。

台中车站嘅建筑好古式古香，所以唔系搭火车都要入去睇睇。

车站入面

车站里面仲设有呢部自动借车还书机，唔知点用呢

离开台中火车站果阵个天已经入黑，商店已经关晒门，人都唔多个，周围静英英，冇咩好行，于是行过去台中公园附近嘅干城车站睇下，呢度系去日月潭、埔里同清境等地嘅南投客运公共汽车系台中嘅总站，所有公共汽车都系由呢度开出，再去高铁台中站，然后再驶去日月潭、埔里或者清境。

在较大的地图上查看干城车站的位置

干城车站睇落并唔似系一个车站，只系系路边有D车站牌，而售票处亦只系一间小小嘅舖位，完全唔起眼。

去干城车站嘅目的，系想睇下环境系点，因为day 2坐车去日月潭仲未决定系干城车站坐定去台中高铁站坐。睇完干城车站之后，我们就坐的士返去逢甲夜市，车程都要20几分钟，车费NT$200。个司机知我地要去日月潭之后，全程不断sale我地包佢架车去，一日8小时收费NT$2,400，话会去晒日月潭所有景点，仲会去多一两个其他景点添，不过我地只系打算系日月潭hea下，而且听日去唔去得成都要睇个天，所以冇兴趣帮衬佢。

返到逢甲夜市街上嘅景况同火车站果边完全唔同，虽然话打风，又间中有少少雨，不过依然系人头涌涌，如果系weekend可能会人多到行都行唔到。

呢间烧元贝好好味

呢档烧虾都唔错

呢档大肠包小肠好出名架，就系我地住嘅碧根行馆向逢甲大学正门方向行冇几远嘅巷口。

逢甲夜市的主要范围是逢甲大学出面的文华路至福星路之间的街道组成。

在较大的地图上查看逢甲夜市的位置

– Day 1 完 –