2012年双台风夹击下的台湾之旅(Day 3 – 返回台北)
朝早嘅日月潭被一层雾气覆蓋,感觉比日头靓好多,而且有一种平静、安详嘅feel。因为冇咩行程要去,冇任何planning,所以起身睇左阵景之后,又再训过。
日月潭Spa Home嘅住宿包埋早餐,不过只系简单早餐,食得健康。
食完早餐趁未够钟check-out,再行出码头散下步。今朝天气仲算唔错,不过可能台风真系已经迫近,今日游览船全部停航,好彩我地寻日已经游览晒日月潭,不过今日黎到嘅游客就扫兴囉。
酒店11点就要check-out,离开酒店之后本黎打算行去水社游客中心等车,不过行一阵啱啱有架返台中嘅公共汽车驶过,原来半途截车都可以架㖞,不过就要准备定散纸,上车之后将车资放入钱箱就可以。大约一个钟之后我地已经返到高铁台中站啦。
排队买高铁车飞返去台北啦。
上车前买定个台铁便当上车食。
等车中…
车到啦…
车上开餐…
一个钟多D就由台中去到台北,我地今晚会住西门町一间新开嘅精品酒店,叫薆悦酒店(inHouse Hotel),呢间酒店系今次旅程中最满意嘅酒店,如果想睇关于inHouse Hotel嘅介绍同住宿评价,可以参考呢篇《住@台北西门町薆悦酒店(inHouse Hotel)》。
由台北车站坐的士去酒店只系5分钟,原来而家台北车站嘅的士站搬左落地下,就算落雨上车都唔怕狼狈啦。去到酒店时虽然仲好早,不过好彩已经有房,所以俾我地早check-in。
今次旅行只系日月潭果part有做功课,台北嘅行程冇点度过,只系打算行下街买下嘢,他他条条咁过。今日台北嘅雨势虽然唔大,但系全日都冇停。
系西门町行左一阵揾唔到嘢食,最后决定坐的士去永康街鼎泰丰食嘢,呢度好似冇时冇刻都有咁多人等位。
好似每次都系食呢D嘢㖞…
食完鼎泰丰再行去永康街睇下,原来新开左间维格。
呢间诚记嘅葱抓饼好好食架,不过今日冇肚食啦,迟两日再返黎食过。
由于天雨关系,今日余下时间决定去行室内商场,所以成个下午就只系市政府站附近间阪急百货同诚品度过。
而家可以直接由捷运市政府站行去阪急百货同诚品,唔洗行出街。
行到5点几,趁未到放工繁忙时间,快D返西门町。
– Day 3 完 –
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!