2012年双台风夹击下的台湾之旅(Day 6 – 旅程完结)

终于黎到旅程最后一日，今日嘅主要任务，系买手信，因为好多食物只可以keep几日，所以一定要等到上机前呢日先可以买。航空公司早一日打黎话飞机延迟，要到晚上7点先起飞，即系仲有大半日时间可以用。

今日嘅早餐食鸭肉扁，其实我对佢嘅鹅肉唔系太大兴趣，反而觉得佢碗米粉好有口感。

食完再去饮杯白苦瓜汁解下毒。

跟住行过去港记买第一批手信，之后返酒店check-out同寄存行李。

游行？

跟住再次去永康街，呢度起紧捷运站，迟D有捷运黎到方便好多。

第二批手信系去醉的小品买醉土鸡，不过其实味道只系一般，同普通醉鸡冇咩分别。

跟住去永康街食葱抓饼，呢间诚记嘅葱抓饼真系好好味架，每次去台北都会专登去食。

之后再行去信远斋，旅游书介绍佢嘅燻鸡好出名，但睇样一般，最后买左一D黎试下，味道果然只系一般。

最后又返返西门町买最后一样手信。

今日系星期六，天气又放晴，西门町人流明显多过早两日好多。

洗唔洗咁多人？原来系拍紧戏。

最后食埋杨桃冰，系时候出发去机场啦。

桃园机场

侯机大楼

因为飞机餐太难食，上机前食定嘢先。

– Day 6 完，旅程结束 –