广告
2013年日本关西、北陆赏樱自驾游
 |  |  |  |  |
上年3月尾嘅京阪之旅，本来一心想到京都、大阪赏樱，只可惜旧年天气回暖嘅时间比正常迟左，搅到系我地旅程期间只系二条城睇到少少早开嘅樱花。所以今年决定再接再厉，plan好系樱花盛开期再到京阪赏樱，点知今年情况刚好与上年倒转，唔系迟开，而系早开左足足一个星期。
今次旅程原本嘅计划系八日行程全程都系大阪、京都、神户同奈良一带嘅樱花名所赏樱，但系当越黎越接近出发日子时，日本各大樱花预测网站嘅资料都显示关西嘅樱花已经提早开花，数手指计一计，到我地到达关西果阵，应该已经系樱吹雪嘅花期末段，已经唔会再有樱花盛开嘅靓景。
咁嘅情况唯有调整行程啦，好在所有酒店都系经乐天旅行book，房钱未俾而且三日前仲可以取消，所以决定临时变阵，缩短系关西嘅时间，转战较迟开花嘅北陆，同时亦加游高山同白川乡两地。另外，亦系丰田租车网更改租车个booking，因应行程编排将租车日数延长多一日。
最后，今次八日七夜日本关西、北陆自驾之旅嘅行程就铁定如下：
Day 1：澳门至大阪，夜游大阪城，住宿大阪心斋桥Cross Hotel Osaka。
Day 2：开始自驾，游览大阪樱之宫公园、万博记念公园，睇下呢两处樱花名所仲有冇樱花睇，游览京都市
区，住宿京都新・都酒店。
Day 3：游览京都醍醐寺、平安神宫、仁和寺呢D开花较迟嘅樱花名所，继续住京都新・都酒店。
Day 4：离开京都前往高山市，途经彦根市，游览琵琶湖边嘅樱花名所彦根城，游览高山市
，住宿高山市本阵平野屋别馆。
Day 5：离开高山，沿途游览白川乡、金沢近江町市场同埋兼六园，住宿加贺片山津温泉佳水乡。
Day 6：返回大阪，沿途游览东寻坊、敦贺市日本海さかな街鱼市场，住宿大阪心斋桥Hotel Vista Grande Osaka。
Day 7：游览樱花名所吉野山，返回大阪还车，心斋桥shopping，继续住大阪心斋桥Hotel Vista Grande Osaka。
Day 8：回程返澳。
想知我地最后睇唔睇到樱花，就要留意之后嘅每日游记啦！
以下先将整个行程嘅重要景点用Google Map整理出黎先。
在较大的地图上查看2013年日本关西、北陆赏樱自驾游
今次旅程嘅旅费比平常贵左少少，主要系由于Air Macau机票超贵，但因为有老人家同行唔想经香港，所以贵都冇法，其次系因为行程中有两日要住京都，而且其中一日仲系星期六，所以京都嘅住宿费比较贵，至于其他酒店价钱同埋租车就同平时差唔同，而且今次入住嘅两间温泉旅馆都比较平，所以拉晕平均每人每日洗费都系HK$2100左右。
今次租车都系经丰田租车店网站租，因为想指定车款租Toyota Sienta呢款车。2010年到关西果次租过Toyota Sienta呢款车，觉得好啱四人同行使用。架车嘅车尾设计同七人车类似，属于揭背式，车尾有足够空间可以放得落3-4个26吋旅行喼。而且架车嘅长度又比七人车短，同一般四人房车差唔多，所以好适合一D怕开大车嘅朋友。而更重要嘅系，Toyota Sienta属于P2 class，一日租车费用只系大约6500円，比P3 class嘅七人车平20%。
Toyota Sienta外观(底下两张系2010年果次影嘅)
车尾空间(下面果张系2010年果次影嘅)
车箱内笼
今次旅程总共租六日车，使用Hertz #1 Club会员卡嘅10%优惠，租车费合共35000几円，平均每日唔洗6000円。另外，因为旅游保险已经cover左租车自负额赔偿，所以今次租车冇买到每日要1050円嘅免责补偿制度。
以下是今次旅程中入住嘅五间酒店嘅介绍同住宿评价，有兴趣可以睇住先。
- 住@大阪Hotel Vista Grande Osaka
- 住@大阪Cross Hotel Osaka
- 住@京都 新・都酒店(New Miyako Hotel)
- 住@飞騨高山本阵平野屋别馆
- 住@加贺片山津温泉佳水乡
最后，系今次2013年日本关西、北陆赏樱自驾游嘅每日游记：
- Day 1：大阪城夜樱
- Day 2：大阪樱之宫公园、万博记念公园
- Day 3：京都醍醐寺、平安神宫、仁和寺
- Day 4：彦根城、高山市
- Day 5 (Part 1)：宫川朝市、白川乡
- Day 5 (Part 2)：金沢近江町市场、兼六园
- Day 6：东寻坊、日本海さかな街渔市场
- Day 7：吉野山
- Day 8：旅程结束啦！
请问Sienta有倒车影像吗?我之前几次租小车都没有,上次租了serena,有雷达和影像,非常好。如果有的话我下次就租这种model了。谢谢:-)
有没有倒车影像要视乎车辆出厂时的配备或者租车公司在购入车辆后有没有额外安装. 一般较新出厂的车辆会有, 而较大的租车公司亦很大机会有安装.
你是指七人車第三排的兩個座位嗎? 如果不需要這兩個座位改為用來放行可以收起它們, 有些車款可以收在底下, 有些只能收起掛起來.
你可以取車時叫職員幫你收起來, 用英文就可以了, 如果英文溝通上有問題, 可以再配合身體語言.
請問1下怎樣跟租車公司說不要最後的2個SEAT位?
1. 在關西機場，除了TOYOTA之外，Nippon Rent a Car, 日產和Times Car Rental(即以前的Mazda)都可以取車。這四個租車店的counter都是位於Aeroplaza一樓，即是關西空港日航酒店所在的大廈內。入境後上二樓經行人天橋去到JR車站售票處前你就可看見Aeroplaza，進去下一樓就是。TOCOO都是代理其他租車店的租車，只是你在ToCoo租以下租車店的車，選擇關西機場取車就可以了。
2. 行高速公路由大阪去京都市中心大約30-40分鐘，大阪去神戶20-25分鐘就可以。
3. 以的經驗，大部份出租車輛的GPS都沒用MAPCODE功能，主要靠用電話號碼來找目的地。
十分感謝你的解答,對我幫助很大,現在我應該會考慮自駕.
對了,還想問一下—–
1. 在關西機場,是不是只有TOYOTA可以取車?如果我在TOCOO.JP租車,你知道機場有櫃位取車嗎?
2. 至於從大阪去京都,大阪去神戶,分別需要幾多時間?
3. 大阪租車的GPS是否都是用MAPCODE的?
大阪市區的車較多，不過路面塞車並不是太嚴重，但上下班時間高速公路上可能會塞車，另外如果你也會去京都，京都塞車的機會會大一些。
在日本的城市，只要有一小塊空地，也會被開辟爲泊車位，所以要找泊車位並不困難，一般在橫街內都可以找到泊車位，但市區的泊車費較貴，一般地點較好的要500yen半小時，平的也要300yen半小時。
如果有小童和老人家同行，自己開車會比較舒服，因為上落地鐵站的距離也不近，對老人家來說很辛苦，如果要抱著小孩也很不方便。
請問一下,在大阪自駕會很塞車嗎?還有停車的地方多嗎?停車費貴嗎?
因為有小孩同行,所以覺得自駕好像比坐公共交通會好好多,請問你的意見…
我睇過toyota rent a car的網站內的Q&A，裡面有提到有個別租車分店可以借用etc卡，但冇講明邊間有，要打去分店問，難波果間分店電話係06-6647-0100，fax係06-6633-2532，冇獨立email。
佢個網話要打電話去問同預約，我email咗不過冇回覆。但我見到有台灣人係岡山借到。
個網係咁寫：
ナビ、ETCが標準でないクラスについてもご用意できる場合がございますので、予めトヨタレンタカー予約センター(0800-7000-111)またはご利用店舗へお電話にてお問合せください。
我係佢網站見唔到可以借ETC卡所以租車果陣都冇再問佢，如果下次租車果陣真係要試下當場問下。
我七月都會去關西，跟你一樣係難波豐田租車；我係官網book咗車，架車support ETC，但冇得confirm有冇ETC咭借，email佢又唔覆，有ETC路費平很多。想問你上次借唔借到ETC咭？
作者已經移除這則留言。