2013年清境、台北自由行 – Day 1 (Part 1):直飞台中
去年(2012年)六月嘅台湾之旅,本来已经计划左去清境,入住嘅民宿都已经book好左,点知突然遇上双台风夹击台湾,上清境嘅行程被迫取消。今年再接再厉,又系选择系六月台风季节上清境。今次好好彩冇台风,但出发前却发生大地震,命苦!
两次想去清境都遇着天灾,系唔系咁唔想我去啊!本来有谂过再次取消清境行程,因为都担心有余震,不过如果今次又取消,以后可能会有心理阴影唔敢再提去清境,所以决定唔理咁多,死就死照去啦。
今次我地坐嘅系复兴航空,从澳门直飞台中。因为正值端午节假期,所以机场都好多人出行。
飞机起飞时间系中午12点,check-in完先去M记食个早餐先。
12:00准时出发
飞机餐超难食,好彩已经食左早餐打底。
由澳门飞台中只系个半钟,话咁快就到。台中机场并唔系好多航班进出,所以周围静英英,冇咩人。
入左境第一时间先去申请个iTaiwan免费WiFi帐户,申请地点就系位于入境大堂呢个旅游服务中心,一踏入入境大堂就见到架啦。iTaiwan免费WiFi帐户今年5月先开始俾游客申请,不过今次旅程都冇乜点用过,申请左只系攞黎傍下身。
Reference: 台湾iTaiwan免费Wifi开放游客申请
由台中机场出市区,一系坐的士,一系坐巴士。我地当然选择坐巴士啦,因为平吗。巴士站系地面果层,按照指示牌向公共汽车候车区行去就系,唔难揾。
我地今次入住嘅酒店系台中公园智选假日酒店,出发前系台中机场网站check过交通资料,由机场坐150路公共汽车可以直达台中公园总站,行100米就到酒店。
台中好多公共汽车都系由统联客运营运,150路公共汽车都系。公共汽车嘅车费系按段收费,由机场到台中公园总站车费系NT$57。车费系上车嘅时候俾,而且不设找续,如果有悠游卡亦可以用悠游卡。不过我地身上冇悠游卡,又冇散纸,好在系候车室度有巴士司机好好人同我地唱散。
巴士前面有位置可以放置行李,都几方便。虽然系机场上车嘅乘客唔多,但系入到市区之后就会好多人迫上巴士,所以记得揾个好位坐定定啊。
从台中机场到台中公园正常应该系大约1小时车程,不过台中市区嘅交通都几繁忙,所以我们用差唔多个半钟先到达。
巴士嘅终点站系台中公园(双十路)站,架巴士系呢度停一阵之后就会开返去台中机场。
我地入住嘅台中公园智选假日酒店,距离巴士站只有100米左右,落车之后向住行人天桥方向行,系斑马线过马路就系。
今晚停留台中嘅主要目的,系为左第二朝坐南投客运上清境,所以选择位于南投客运台中总站旁边嘅台中公园智选假日酒店。
房间面积比预期大,而且好新净,仲有个大落地玻璃窗对正台中公园,正!
>> Day 1 未完,待续……
Related posts:
- 台北酒店推介(Part 1) – 西门町附近10间精选酒店住宿推荐
- 台北酒店推介(Part 2) – 台北车站附近10间精选酒店住宿推荐
- 台北中山区酒店推介
- 台北廉价住宿推介
- 台中酒店推介
- 台湾清境民宿推介
- 住@台北西门町薆悦酒店(inHouse Hotel)
- 住@台北西门町头等舱饭店(Airline Inn)
- 住@台北宝格利时尚旅馆(Burgary Hotel)
- 住@台北丹迪旅店-天津店(Dandy Hotel Tianjin)
- 住@台北馥敦饭店-复北馆(Fullerton Hotel North)
- 住@北投俩人旅店(Hotel Double One)
- 住@台中碧根行馆(Beacon Hotel)
- 住@台中公园智选假日酒店
- 住@清境香格里拉音乐城堡
- 台湾iTaiwan免费Wifi开放游客申请
- 如何申请台湾7-11 免费wifi帐号
- 2013年清境、台北自由行:
150 路公共汽车是否取消了, 我9月尾到台中, 也是入住智选酒店, 请问有没有其他巴士呢? 谢谢