2013年清境、台北自由行 – Day 3 (Part 3):台北西门町

同上年一样,今次系台北都系入住西门町嘅薆悦酒店(inHouse Hotel),不过今次被安排入住嘅房间系位于最低层嘅三楼,景观当然唔太理想。另外,今次亦发现原来inHouse Hotel嘅隔音唔系咁好,第一晚楼上间房成班人玩到好夜都唔散,嘈到差唔多两三点。

2013年台湾之旅_Day3_57

 

坐高铁由台中到台北大约一个钟,到台北火车站之后当然先坐的士去酒店。虽然薆悦酒店已经开左一段日子,不过的士司机仍然唔知系边。

 

今次入住嘅系最低层,即系三楼嘅308号房,房间面向西宁南路,由于楼层低,所以景观麻麻,而且落地玻璃窗外正好系酒店招牌位置,只好整日拉埋窗帘。

2013年台湾之旅_Day3_58

 

房间嘅style同上次住嘅一样,只系因为间隔有D唔同,所以布置亦有唔同。不过感觉上呢间房嘅面积比上次住嘅907细左D。

2013年台湾之旅_Day3_592013年台湾之旅_Day3_60

 

今次入住发觉薆悦酒店嘅隔音并唔系太得,第一晚俾楼上嘈到训唔到,上次冇遇到呢个问题可能系因为九楼系顶楼。

 

早餐券,另外仲送左两张免费咖啡券。

2013年台湾之旅_Day3_622013年台湾之旅_Day3_61

 

inHouse Hotel对面呢间“阿曼TIT”大楼上年黎果阵仲起紧,今年已经落成,呢座大楼上层系高级住宿,底下几层系商场,主要售卖手机同电子产品,亦有一D食店。

2013年台湾之旅_Day3_632013年台湾之旅_Day3_78

 

今日台北天气麻麻,所以只系打算系西门町行下,唔去其他地方啦。

2013年台湾之旅_Day3_642013年台湾之旅_Day3_65

 

因为早几日帮朋友订左西门町丰居旅店(Via Hotel),所以趁今日冇咩做就帮佢揾定酒店位置,顺便上去睇睇环境。丰居旅店系Agoda同TripAdvisor上嘅住客评价都唔错,所以亦系我系台北西门町酒店推介中推介嘅酒店之一。

 

丰居旅店嘅位置真系好好,系正西门町中心,而且超近捷运西门站,不过位置比较唔显眼,而且街上亦冇指示牌,所以可能会比较难揾。丰居旅店位于中华路一段同汉中路之间一条小巷里面,如果从汉中路呢边去,系 Uniqlo对面嘅7-11便行店行入去小巷就系。

2013年台湾之旅_Day3_882013年台湾之旅_Day3_89

2013年台湾之旅_Day3_66

 

行入小巷冇几远会见呢间卖衫嘅商场仔,丰居旅店(Via Hotel)就藏系里面啦。

2013年台湾之旅_Day3_67

 

旅馆系大厦二楼,有专用升降机上去。

2013年台湾之旅_Day3_68

 

旅馆地方细细,不过装修布置唔错。本黎我地都想book丰居旅店,可惜果几日都fuLl晒,冇机会试住。因为唔系住客,所以只影到大堂照片。

2013年台湾之旅_Day3_692013年台湾之旅_Day3_702013年台湾之旅_Day3_71

 

小巷系中华路一段嘅入口

2013年台湾之旅_Day3_73

 

除左丰居旅店之外,以下呢间永安栈(Westgate Hotel)都好想住,不过我地系台北果几日都一样系冇房。永安栈系2012年尾先开业,都系走时尚型格路线嘅精品酒店,而且位置就系正捷运西门站6号出口旁边,超方便,不过价钱方面就稍贵少少。

2013年台湾之旅_Day3_75

2013年台湾之旅_Day3_762013年台湾之旅_Day3_77

 

呢晚晚餐去左“阿曼TIT”大楼上嘅日本餐厅麻布茶房食,呢间餐厅系日本未去过,反而系台湾有机会试。

2013年台湾之旅_Day3_79

2013年台湾之旅_Day3_802013年台湾之旅_Day3_81

 

我地食左一个牛肉丼同一个蟹肉丼,味道唔错。

2013年台湾之旅_Day3_822013年台湾之旅_Day3_83

 

食完饭之后仲叫左两个甜品,左边嘅系红豆烧蕃薯雪糕,超正,不可不食,右边嘅红豆汤亦都好好味。

2013年台湾之旅_Day3_852013年台湾之旅_Day3_86

 

– Day 3 完 –

 

Related posts:

fb share

如果喜欢这篇文章,请点个“赞”吧!

fb share

One comment

  • Anonymous

    呢間Via Hotel真係好難搵,初初以為佢係鴨肉扁果條街,但係地毯式搵左兩次都唔見,轉左幾圈先知原來中間有條巷. 不過間酒店都幾OK,的的式式感覺都幾有home feel.

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share