2013年首尔赏枫自由行 – Day 1 (Part 1):坐真航空澳门飞首尔
上次到首尔旅游已经系接近四年前嘅事,今年再到首尔好大程度上系陪家人出游。因为上次坐Air Macau零晨机去清晨机返嘅经历实在太辛苦,所以今次决定打死都唔坐,改坐真航空,中午机去夜晚机返,唔洗挨眼训咁辛苦。
系机场搅完check-in手续之后先系机场M记食早餐。
出发期间适逢系赛车周,机场大堂都放置左部方程式俾人影下相。
原来系澳门机场嘅候机室内新开左呢间英国著名百货公司Harrods嘅手信专门站
候机室展出紧澳门旧照片,个广告牌都好有型。
我地坐LJ028号航班,12:10出发。
从首尔飞黎嘅飞机啱啱到达,落客加油之后就会载我地飞去首尔。
虽然机票有包20公斤寄舱行李唔需要另外俾钱,亦有简单飞机餐,不过真航空其实都系属于廉价航空之列,但系价钱一D都唔算平,最近推出嘅super save特价机票连税都要2千4百几澳门币,而且数量唔多,我地今次买嘅系正常票价,连税3千2百几蚊。
我地嘅座位系三十几行,起初以为好后排,但原来真航空嘅座位编号从28号开始,三十几行算系前排架啦。真航空嘅座位比较窄,如果阁下系高人,一定会坐得唔舒服。
飞机餐超简单,一个餐盒,里面有一件蛋糕,一个包,一条香蕉,一盒布丁再加一杯水,好悭皮。 飞行途中空中服务员都有另外提供水、可乐等饮品。
食完嘢先埋好份入境申报表
窗外景色
由澳门飞首尔要三个半钟,食完训阵觉,离到达仲有半个钟有广播叫醒大家,一齐跟住空姐做健身操,松下骨。航中服务员穿着好casual,裇衫牛仔裤再加一顶鸭嘴帽,好有青春感。
仁川机场接近中…
降落啦
落机之后先坐一程接驳火车
首尔机场过关速度都好快,过关时亦需要打手指模同影张相。过完海关就系攞行李嘅地方,之后排队出去入境大堂。呢度有银行换钱柜位,我地系澳门已经换晒所需嘅韩圜,不过都八卦睇下汇率。系网上好多人都中意到韩国先至换钱,但系我地比较过无论系仁川机场定系明洞嘅银行同街边兑换店,兑换率同澳门都差唔多,系韩国换钱并唔会比系澳门换着数。
今次住嘅酒店系位于明洞嘅Hotel Skypark Central Meongdong,坐机场巴士去好方便。出发前已经print左呢只1000韩圜嘅折扣券。
记得09年果次去系要系入境大厅售票处买飞先可以用折扣券,所以第一时间先系售票处排队买飞,点知原来而家规矩改左,要系上车时直接俾钱司机先可以用折扣券,唔需要系售要处买飞。
不过要留意司机系冇散纸找赎,上车前要准备好10000韩圜嘅纸币,司机系收左你嘅10000韩圜纸币之后,1000韩圜折扣会系一个密封嘅钱箱度吐出黎俾你。另外一张折扣券只可以用黎买一张车票,如果有几个人,就要打印几张折扣券啦。
入境大厅机场巴士售票处,如果用折扣券就唔需要去呢度排除买飞。
机场巴士站系入境大厅5号出口同11号出口出面路边,巴士会先停5号出口出面个站,之后再到11号出口个站,系5号出口巴士站等车易D揾位。
– Day 1 未完,待续 –
相关文章:
- 首尔明洞酒店推介
- 2014年韩国首尔新酒店
- 住@首尔明洞天空花园酒店(Hotel Skypark Central Myeongdong Seoul)
- 住@首尔明洞王子酒店(Prince Hotel Seoul)
- 首尔免费无线上网 (Seoul Free WiFi)
- 2013年首尔赏枫自由行 – Day 1 (Part 1):坐真航空澳门飞首尔
- 2013年首尔赏枫自由行 – Day 1 (Part 2):夜游清溪川首尔灯节
- 2013年首尔赏枫自由行 – Day 2 (Part 1):土俗村人参鸡、游览景福宫
- 2013年首尔赏枫自由行 – Day 2 (Part 2):仁寺洞、平安道猪手
- 2013年首尔赏枫自由行 – Day 3 (Part 1):南山公园睇红叶
- 2013年首尔赏枫自由行 – Day 3 (Part 2):巧遇首尔初雪
- 2013年首尔赏枫自由行 – Day 4 (Part 1):德寿宫
- 2013年首尔赏枫自由行 – Day 4 (Part 2):梨大、宏大、东大门批发市场
- 2013年首尔赏枫自由行 – Day 5 (Part 1):广藏市场、鹭梁津水产市场
- 2013年首尔赏枫自由行 – Day 5 (Part 2):明洞购物、景福宫烤肉
- 2013年首尔赏枫自由行 – Day 6 (Part 1):昌德宫秘院赏红叶
- 2013年首尔赏枫自由行 – Day 6 (Part 2):坐首尔机场火车去仁川机场,首尔再见了
- 2009年圣诞首尔之旅
謝謝分享.