2013年首尔赏枫自由行 – Day 1 (Part 2)：夜游清溪川首尔灯节

我地到达首尔嘅时间啱啱系放工时间，所以入到市区都颇为塞车，用左差唔多个半钟先到达明洞。最接近我地入住嘅Hotel Skypark Central Meongdong嘅机场巴士站系乙支路嘅Royal Hotel Euijiro 1(il)-ga站，落车行两三分钟就到酒店。

今次入住呢间Hotel Skypark Central Meongdong系我地嘅3rd choice，因为first choice嘅Nine Tree Hotel同second choice嘅The Grand Hotel都冇房。想睇呢间酒店嘅详细介绍同我嘅住后感，可以睇下呢篇住@首尔明洞天空花园酒店(Hotel Skypark Central Myeongdong Seoul) 。

酒店大堂

Check-in完入到我地间double room，发现竟然系间冇窗嘅房，虽然间房睇落有个窗仔，但其实系个假窗，而且间房超细，超失望。点解会有部电风扇嘅？下文再讲。

虽然对间房好失望，但系都唔理佢住啦，出去食晚饭先。系首尔第一餐食嘅就系呢间凤雏，因为唔系咁食得辣，所以叫左唔要辣嘅，不过冇辣D味真系又争D。

食完嘢先系明洞行下，好多小食摊档。

呢几旧拔丝甜薯要成5000几韩圜，超贵。

每年11月首尔会举行首尔灯节，地点系清溪广场至三一桥之间嘅清溪川举行，趁未完第一晚先去左呢度先。从明洞去清溪广场其实行路都唔远，不过因为我地有长者同行，所以都系坐的士去。

我地从清溪广场行到乙支路入口站附近嘅广桥离开，呢度距离酒店唔远，慢慢行，行10几分钟就返到去。

今次系首尔嘅交通基本上都系坐的士，而家首尔的士起表3000韩圜，除左去江南车费会比较贵之外，去大部份地方都系4000至6000韩圜左右，而坐地铁一个人要1150韩圜，四个人加埋就要4600韩圜，所以有四个人坐的士都算化算。

如果打算坐的士，最好系出发前揾定目的地嘅韩文名称，print出黎上车时交俾司机睇，不过print嘅时候要用超大字体啊，因为大部份的士司机都上左年几，个个都有老花，字太细睇唔到。

前面讲过我地Check-in完入到房发现系间冇窗嘅房，超失望。点知去完清溪川返酒店之后，发觉除左间房太细之外，房里面嘅暖气空调系统好似都有D问题，面积细再加上暖气有问题，系房入面就好似系汗蒸幕咁，连呼吸都有D困难。

经过交涉之后酒店答应第二日会帮我地转另一间房，不过呢晚由于系星期六，客房全部full晒，所以冇办法即时安排另一间房俾我地，但系就为我地提供左一部风扇降温。

– Day 1 完 –

相关文章：

• 首尔明洞酒店推介
• 2014年韩国首尔新酒店
• 住@首尔明洞天空花园酒店(Hotel Skypark Central Myeongdong Seoul)
• 住@首尔明洞王子酒店(Prince Hotel Seoul)
• 首尔免费无线上网 (Seoul Free WiFi)
• 2013年首尔赏枫自由行 – Day 1 (Part 1)：坐真航空澳门飞首尔
• 2013年首尔赏枫自由行 – Day 1 (Part 2)：夜游清溪川首尔灯节
• 2013年首尔赏枫自由行 – Day 2 (Part 1)：土俗村人参鸡、游览景福宫
• 2013年首尔赏枫自由行 – Day 2 (Part 2)：仁寺洞、平安道猪手
• 2013年首尔赏枫自由行 – Day 3 (Part 1)：南山公园睇红叶
• 2013年首尔赏枫自由行 – Day 3 (Part 2)：巧遇首尔初雪
• 2013年首尔赏枫自由行 – Day 4 (Part 1)：德寿宫
• 2013年首尔赏枫自由行 – Day 4 (Part 2)：梨大、宏大、东大门批发市场
• 2013年首尔赏枫自由行 – Day 5 (Part 1)：广藏市场、鹭梁津水产市场
• 2013年首尔赏枫自由行 – Day 5 (Part 2)：明洞购物、景福宫烤肉
• 2013年首尔赏枫自由行 – Day 6 (Part 1)：昌德宫秘院赏红叶
• 2013年首尔赏枫自由行 – Day 6 (Part 2)：坐首尔机场火车去仁川机场，首尔再见了
• 2009年圣诞首尔之旅