2013年首尔赏枫自由行 – Day 2 (Part 2)：仁寺洞、平安道猪手

离开景福宫我地下一站去仁寺洞，其实由景福宫步行10分钟就可以去到仁寺洞，不过我地都选择坐的士，冇跳表车费3000韩圜。

仁寺洞街嘅街头

呢间位于仁寺洞街中段Ssamziegil商场地下入口嘅舖头卖嘅红豆饼好好味

因为听讲星期日嘅仁寺洞比平日热闹，所以行程编排上专登选择今日去。

韩国人好钟意食呢D煎饼，馅料有咸有甜，呢间路边摊卖嘅系甜嘅，好多韩国人排队，我地跟住排，排左成四个字先买到，不过真系好好味。

系塔洞公园附近每日都有人系度跳民族舞，仲会拉埋D游客一齐玩。

行完仁寺洞先坐的士返酒店抖抖回一回气先，顺便睇下酒店帮我地换左另一个间房未。

登登登~~~ 呢间就系新换嘅double room，同寻晚果间比真系正好多，唔单止面积大左，最紧要有个大窗，晒到太阳之外仲可以望到街景。

想睇多D酒店房嘅介绍，可以睇返呢篇住@首尔明洞天空花园酒店(Hotel Skypark Central Myeongdong Seoul)。

系酒店休息一阵，先系明洞行下，扫下D街边小食。

晚餐就去东大门附近嘅平安道猪水店食猪手，09年嘅首尔之旅本黎都想去呢间平安道，但系揾唔到，最后去另一间。其实平安道就系我地上次食果间舖嘅隔离，不过间舖系凹左入去嘅巷里面，上次冇行入去所以揾唔到。

呢日系附近猪手店食嘢嘅人唔多，大街外面嘅猪手店都冇咩人系里面，但系呢间平安道就坐满食客，果然名不虚传。

唔敢影人，只有影下墙。

系首尔有游客到嘅店舖例必有讲普通话嘅服务员，呢度亦不例外，所以点菜冇难度。系呢度独孤一味只有猪手，唯一分别只系size，有小、中、大、特大，我地四个人点左大嘅，份量啱啱好。

食完猪手见就系东大门附近，所以顺便去行下。

– Day 2 完 –

相关文章：

• 首尔明洞酒店推介
• 2014年韩国首尔新酒店
• 住@首尔明洞天空花园酒店(Hotel Skypark Central Myeongdong Seoul)
• 住@首尔明洞王子酒店(Prince Hotel Seoul)
• 首尔免费无线上网 (Seoul Free WiFi)
• 2013年首尔赏枫自由行 – Day 1 (Part 1)：坐真航空澳门飞首尔
• 2013年首尔赏枫自由行 – Day 1 (Part 2)：夜游清溪川首尔灯节
• 2013年首尔赏枫自由行 – Day 2 (Part 1)：土俗村人参鸡、游览景福宫
• 2013年首尔赏枫自由行 – Day 2 (Part 2)：仁寺洞、平安道猪手
• 2013年首尔赏枫自由行 – Day 3 (Part 1)：南山公园睇红叶
• 2013年首尔赏枫自由行 – Day 3 (Part 2)：巧遇首尔初雪
• 2013年首尔赏枫自由行 – Day 4 (Part 1)：德寿宫
• 2013年首尔赏枫自由行 – Day 4 (Part 2)：梨大、宏大、东大门批发市场
• 2013年首尔赏枫自由行 – Day 5 (Part 1)：广藏市场、鹭梁津水产市场
• 2013年首尔赏枫自由行 – Day 5 (Part 2)：明洞购物、景福宫烤肉
• 2013年首尔赏枫自由行 – Day 6 (Part 1)：昌德宫秘院赏红叶
• 2013年首尔赏枫自由行 – Day 6 (Part 2)：坐首尔机场火车去仁川机场，首尔再见了
• 2009年圣诞首尔之旅