2013年首尔赏枫自由行 – Day 6 (Part 1)：昌德宫秘院赏红叶

黎到旅程最后一日，因为回程航班嘅时间系夜晚9点几，所以今日仲有大半日时间可以用。今日主要行程系去昌德宫，而且仲会入去被列入为世界历史文化遗产嘅昌德宫秘院。

酒店嘅最迟退房时间系11点，所以出发前要先做左check-out先，再将行李寄存系酒店大堂。之后先去食早餐，今日选择系呢间系明洞街嘅神仙雪浓汤食雪浓汤。

每碗雪浓汤都有碗饭跟，份量都足够饱肚。

食完早餐我地坐的士去今日唯一嘅景点昌德宫，昌德宫就系仁寺洞附近，坐车去好快就到。

昌德宫嘅售票处设系正门敦化门旁边，入去前先系呢度买飞。昌德宫系世界历史文化遗产，所以入场费比其他古宫贵D，而且昌德宫嘅后花园，即系所谓嘅秘院，要跟导赏团先可以入去，而导赏团嘅位要先系网上预约，但系讲普通话嘅中文导赏团每日只有12点半一场，我地之所以去到最后一日先去昌德宫，就系因为之前几日嘅中文导赏团已经full晒，只有呢日先有位。

买飞嘅时候要出示呢张预约confirmation，预留方式系呢篇文章末段再为大家介绍一下。

入场券分为入昌德宫同入秘园两种

昌德宫正门入口敦化门

昌德宫地图

从敦化门步行到秘园入口需要10分钟左右，离12点半仲有大半个钟，可以慢慢行参观下宫入面其他地方先。

呢度就系昌德宫秘园入口，大家系度等导赏团开始。

如果冇预约，都可以系呢度碰下运气，如果有D预约左嘅人冇黎出飞，就可以即时买到飞。

秘园之旅由呢度开始，游览秘园全程大约两个钟，开始之前大家一定要先去一去厕所，因为里面只得一处有厕所。

虽然导游用普通话讲解，但系发音唔系咁正，而大部份人都冇咩兴趣去听讲解，只系挂住影红叶。

呢度叫芙蓉池，系秘园里面最靓嘅地方，而且亦系唯一有厕嘅地方。

虽然红叶季节已过，但系昌德宫秘园嘅红叶仲系相当靓。

两个钟嘅游览行程终于走完

如何预约昌德宫秘园导赏团

最后，介绍一下网上预约昌德宫秘园导赏团的方法。因为预约网页有英文版，所以操作并不困难。

1. 在昌德宫的英文版官方网站menu选择Tour Reservation > Secret Garden Tour，然后在日历上click你要预约的日子。

2. 第6个导赏团是讲普通话的中文团，每日只有一团50个名额，所以很快full，想预约就要快手。网站规定每个月的第二个星期二开始就可以预约下一个月的导赏团。Click “Click to make a reservation”进行预约。

3. 填写你的姓名、密码(密码是在之后要修改预约时使用)、电话、email、人数，然后按”Reserve”预约。

4. 完成预约之后将网页上显示的confirmation打印出来，购买入场券时需要将confirmation交给售票员。

– Day 6 未完，待续 –

相关文章：

• 首尔明洞酒店推介
• 2014年韩国首尔新酒店
• 住@首尔明洞天空花园酒店(Hotel Skypark Central Myeongdong Seoul)
• 住@首尔明洞王子酒店(Prince Hotel Seoul)
• 首尔免费无线上网 (Seoul Free WiFi)
• 2013年首尔赏枫自由行 – Day 1 (Part 1)：坐真航空澳门飞首尔
• 2013年首尔赏枫自由行 – Day 1 (Part 2)：夜游清溪川首尔灯节
• 2013年首尔赏枫自由行 – Day 2 (Part 1)：土俗村人参鸡、游览景福宫
• 2013年首尔赏枫自由行 – Day 2 (Part 2)：仁寺洞、平安道猪手
• 2013年首尔赏枫自由行 – Day 3 (Part 1)：南山公园睇红叶
• 2013年首尔赏枫自由行 – Day 3 (Part 2)：巧遇首尔初雪
• 2013年首尔赏枫自由行 – Day 4 (Part 1)：德寿宫
• 2013年首尔赏枫自由行 – Day 4 (Part 2)：梨大、宏大、东大门批发市场
• 2013年首尔赏枫自由行 – Day 5 (Part 1)：广藏市场、鹭梁津水产市场
• 2013年首尔赏枫自由行 – Day 5 (Part 2)：明洞购物、景福宫烤肉
• 2013年首尔赏枫自由行 – Day 6 (Part 1)：昌德宫秘院赏红叶
• 2013年首尔赏枫自由行 – Day 6 (Part 2)：坐首尔机场火车去仁川机场，首尔再见了
• 2009年圣诞首尔之旅