2012年巴黎、伦敦双城之旅 – Day 4:凡尔赛宫、艾菲尔铁塔、塞纳河游船河
系巴黎嘅第三日,朝早会去位于巴黎市郊嘅凡尔赛宫(Château de Versailles),下午返市区去艾菲尔铁塔(Tour Eiffel),夜晚再黎个坐船夜游塞纳河。
今日天朗气清,真系一个郊游嘅好日子。出发前先系附近呢间法国著名面包连锁店PAUL买包食。
今朝会去系市郊嘅凡尔赛宫(Château de Versailles),从巴黎市区去凡尔赛宫有两种方法,第一种系从圣拉查火车站(Gare Saint-Lazare)坐火车去,第二种是坐RER铁路C线。因为我地住嘅酒店就系圣拉查火车站附近,所以选择系圣拉查火车站坐火车去。
火车月台同售票处系火车站大楼二楼。
从圣拉查火车站到凡尔赛嘅火车飞每位4欧元。
火车月台睇落好似冇闸口,但系入口都设有入票机,上车前一定要记得插张车票入去入票机度等佢Mark底上车记录,因为系火车上会有人查票,如果张车票冇Mark会罚钱,我地入闸果阵就黎开车,系赶时间之下冇插到张车飞落入票机就上左车,好彩查票嘅人见我地系游客冇罚我地钱。
火车车厢好舒适,而且窗好大,睇风景一流,不过从圣拉查火车站到凡尔赛沿途冇咩风景。
从圣拉查火车站到凡尔赛Versailles – Rive Droite车站只系需要35分钟车程。
从Versailles – Rive Droite车站步行15分钟左右就可以去到凡尔赛宫,今日天气咁好,系小镇上散步真系好舒服,行下行下就到啦。
凡尔赛宫系法国著名旅游景点,冇理由咁少游客架。原来今日休息,My God!睇资料时睇漏左眼,凡尔赛宫系每逢星期一休息架。
今日休息入唔到去凡尔赛宫里面,唯有隔住玻璃窗装下入面啦。
虽然入唔到宫殿入面,但系后花园就可以免费随便参观。
哗,个花园洗唔洗咁大,都系系上面睇下相算啦。
RER铁路嘅Versailles – Château – Rive-Gauche车站离凡尔赛宫嘅距离比Versailles – Rive Droite火车站近,从凡尔赛宫入口步行8分钟左右就到。回程时我地就系Versailles – Château – Rive-Gauche车站坐RER铁路去艾菲尔铁塔。
从RER铁路C线嘅Champ de Mars – Tour Eiffel站出黎就系艾菲尔铁塔(Tour Eiffel)。
呢度超多白鸽,小心被空袭击中啊。
因为排队嘅人又系超多,同寻日罗浮宫一样打晒蛇饼,所以我地又放弃上去塔顶,只系塔下周围行下影相。
艾菲尔铁塔对开呢条桥叫耶拿桥,对岸系夏乐宫(Palais de Chaillot)。
巴黎市中心嘅旅游景点之间嘅距离其实并唔系太远,而且巴黎市内处处都系景点,所以游览市中心景点,用步行方式就最好。离开艾菲尔铁塔经过耶拿桥,我地步行穿过巴黎大皇宫(Grand Palais),再经香榭丽舍大道到达协和广场。
系巴黎其中一样最难揾嘅地方系厕所,就算系春天百货同老佛爷百货呢D大百货公司公司里面厕所数量都有限,更何况系街上。不过如果好彩见到有M记,咁入面就一定有免费厕所,要好好利用,只可惜系巴黎街头好少有M记。以下呢间系系香榭丽舍大道街边见到嘅厕次,第一时间入去解决左先,不过系要收费架。
系协和广场见到骑警,有一个仲系一名法国美女,不过下图呢位系男士。
协和广场望向香榭丽舍大道,远处就系凯旋门。
从协和广场向北到圣拉查火车站大约只有1.5公里,呢一区是巴黎其中一个主要嘅商业购物区,周围都系名店,著名嘅春天百货公司同老佛爷百货公司亦系呢区嘅奥斯曼大道上。我们住嘅酒店就系冇几远,所以离开协和广场我地就行返酒店,同时行下街。
协和广场同奥斯曼大道之间有一间马德莱娜教堂( L’église de la Madeleine),周围有好多餐厅仔,坐系度食下嘢感觉好休闲。
我地都系呢间好多人光顾嘅甜品店坐底high下tea先。
系马德莱娜教堂行前少少就到我地间酒店啦,返去小休一阵先,今晚仲要去塞纳河游船河。
系巴黎塞纳河有几个坐游船嘅码头,我地去呢个系艾菲尔铁塔对开嘅河边。我们系黄昏黎,咁样就可以系出发果段睇到日景,回程段又有夜晚睇,一个价钱两种享受。
黎到先系码头买张飞,六点半开船。
呢架就系我地坐嘅船啦,玻璃顶方便睇景。上船果阵会影返张相,到上岸之后如果中意可以买张相返去。
开船啦,全程呢位好靓仔有型嘅法国阿叔会用法文讲解同介绍沿途景点。
听唔明法文可以用呢部翻译机,不过只得英文同日文。
其实坐船睇同系岸上睇冇咩大分别,越坐越闷添。
架船驶过圣路易岛之后就掉头驶返出发码头,全程用左大约一个钟多D。
顺便睇埋巴黎铁塔夜景。
– Day 4 完 –
Related posts:
- 伦敦通行证(London Pass): 伦敦自由行必买! – 如何购买伦敦通行证 (内附最新折扣代码)
- 伦敦旅游交通费悭钱攻略:应该购买 Oyster 还是 Travelcard?
- 伦敦景点门票“两人同行一人价钱” (London Travelcard 2FOR1 Offers)
- 巴黎旅游交通费悭钱攻略:如何使用自助售票机购买地铁Ticket t+车票?
- 游巴黎,Paris Pass与Museum Pass哪种更省钱?
- 如何购买欧洲之星(EuroStar)车票
- 住@巴黎Hotel Cordelia Paris
- 住@伦敦St Ermin’s Hotel – MGallery Collection
- 伦敦酒店推介
- 伦敦免费WiFi网络
- 2012年巴黎、伦敦双城之旅 – Day 1:飞向巴黎
- 2012年巴黎、伦敦双城之旅 – Day 2:游览巴黎圣心堂
- 2012年巴黎、伦敦双城之旅 – Day 3:巴黎圣母院、罗浮宫、凯旋门
- 2012年巴黎、伦敦双城之旅 – Day 5:巴黎老佛爷百货扫货
- 2012年巴黎、伦敦双城之旅 – Day 6:坐欧洲之星巴黎到伦敦
- 2012年巴黎、伦敦双城之旅 – Day 7:尽用London Pass,一天游览西敏寺、泰晤士河、伦敦塔
- 2012年巴黎、伦敦双城之旅 – Day 8:圣保罗大教堂、Covent Garden
- 2012年巴黎、伦敦双城之旅 – Day 9:白金汉宫看禁卫军换更
- 2012年巴黎、伦敦双城之旅 – Day 10:大英博物馆
请问伦敦入 停4天 乘 Eurostar 过巴黎停3天
行程简简单单 应该点安排好呢?
我想请问如果我系四月中去噶话,坐几点噶船由黃昏黎到夜景?