2012年巴黎、伦敦双城之旅 – Day 6:坐欧洲之星巴黎到伦敦
系巴黎停留四日之后,今日要离开法国过海去英国伦敦啦。从巴黎到伦敦我地会坐欧洲之星火车,开车时间系上午11点几,因为怕迟到上唔到车,所以我地9点就系酒店check-out出发去巴黎北站。
要同呢间住左四晚嘅Htel Cordelia Paris讲拜拜啦。
欧洲之星巴黎嘅车站设系巴黎北站(Gare du Nord),由我地住呢区去巴黎北站如果唔转车只可以坐RER铁路E线,从Haussmann – Saint-Lazare总站坐到巴黎北站旁边嘅Magenta落车。因为拖住喼行楼梯好唔方便,所以之前已经探定路,知道系老佛爷百货嘅Lafayette Gourmet有扶手电梯落去地铁站,入左地铁站就可以直接通到去RER E线嘅Haussmann – Saint-Lazare站,不过因为地铁站同RER站之间相距都几远,所以路程唔短。巴黎地铁同RER可以转乘,所以系入地铁站果阵插左地铁飞之后,去到RER站唔需要另外再入飞。
RER铁路站与站之间相距好远,所以由Haussmann – Saint-Lazare站到Magenta站之间只系相隔一个站。落车之后只需要系室内沿指示行几分钟就可以去到巴黎北站,欧洲之星车站系地面果层,
再系呢度上去就系欧洲之星车站位置,地方唔大。
我地嘅欧洲之星车票出发之前已经自己print左出黎,所以唔需要再出票,如果选择系车站出票,可以系车站内嘅服务柜台或者自助机出票。有关购买欧洲之星车票嘅介绍可以参考呢篇《如何购买欧洲之星(EuroStar)车票》。
进入欧洲之星候车室之前需要先通过英国海关嘅入境检查,同机场入境检查一样,填好一张入境表,每件行李上挂上一个欧洲之星嘅行李牌再过X光检查就可以,过程好快,如果人少唔洗排队10分钟搅掂。
仲有时间入闸前先系车站食埋最后一餐法国早餐
欧洲之星嘅候车室,地方唔系好大。
候车室里面都有间PAUL饼店,买定D饼车上食。
上车啦,车票有划位唔洗急,不过如果想有位放行李,都系保险D早D上车啦。
车上放置大件行李嘅行李架。
欧洲之星车厢
车上有一卡系小卖部
沿途风景
经过两个钟多D嘅车程终于到达伦敦圣潘克拉斯火车站(St Pancras),不过因为英国同法国相差一个时区,所以到达伦敦时只系当地中午12点半。
圣潘克拉斯火车站(St Pancras)同地铁King’s Cross St. Pancras站相连,搭地铁之前先系地铁站嘅Travel Information and Tickets Center买两张Oyster卡先。
呢两张就系黎紧五日伴随我地穿梭伦敦嘅Oyster卡啦,想了解多D关于Oyster嘅介绍可以参考呢篇《伦敦旅游交通费悭钱攻略:应该购买 Oyster 还是 Travelcard?》。
今次系伦敦入住嘅酒店系白金汉宫附近,旁边就系地铁St. James’s Park站,由King’s Cross St. Pancras站坐Circle线唔驶转车。
呢间就系我地今次旅程系伦敦入住四晚嘅酒店,叫St Ermin’s Hotel – MGallery Collection
,详细嘅酒店介绍同住宿评价可以参考呢篇《住@伦敦St Ermin’s Hotel – MGallery Collection》。今次之所以会入住呢间咁高级嘅酒店,系因为用HotelsCombined揾酒店嘅时候,无意中发现呢间酒店做紧promo,价钱比正常平好多。
因为未到check-in时间,我地将行李放低系酒店之后,先出去玩。酒店旁边就系Victoria Street,街对面有个小市集,先过去睇睇。
沿Victoria Street向维多利亚火车站行冇几远,系就到火车站之前有一间威斯敏斯特主教座堂(Westminster Cathedral),唔洗入场费可以免费入去参观。
再向前行就系维多利亚火车站
英国嘅物价好高,旅游景点嘅入场费亦绝对唔平,所以我地系出发之前已经上网买左两张两日嘅London Pass,而且选择系伦敦攞卡。系维多利亚火车站附近行左一阵之后,我地就坐地铁去攞London Pass。想了解多D有关London Pass同购买方法嘅介绍,可以参考呢篇《伦敦通行证(London Pass): 伦敦自由行必买!》。
攞London Pass嘅地点系Leicester Square地铁站附近,出左地铁站向特拉法加广场方向行冇几远就到。
攞London Pass嘅地方就系呢个圆顶亭里面。
攞完London Pass我地顺路行过去特拉法加广场(Trafalgar Square)。
广场后面系国家美术馆(National Gallery),入去睇左一阵觉得冇咩兴趣。
从特拉法加广场右边嘅大街向北行10分钟可以去到Piccadilly Circus。
Piccadilly Circus系个好易认嘅地标,好多人坐系度休息。
Piccadilly Circus向东到Charing Cross Road嘅Leicester Square地铁站之间系伦敦唐人街,呢区特别热闹,虽然感觉有D杂,但系对于中国人呢度点都会俾到你一种熟识嘅亲切感。
Piccadilly Circus西北边嘅摄政街(Regent St)系伦敦高级购物区,从Piccadilly Circus沿摄政街至牛津街(Oxford St)一带特别热闹,不过呢区酒店超贵,如果唔系都会住系呢头。
放工时间牛津街上嘅Oxford Circus地铁站超多人,都系行夜D先返酒店。
返到酒店佢地已经帮我地安排好间房,不过入到房发现间房唔系我地book果种,虽然呢间房比我地book果间高级D又大间D,但系呢间系一间两张床嘅Twin Room,所以都系坚持要求佢地换房。
最后终于换左间房俾我地,可以好好休息啦。
– Day 6 完 –
Related posts:
- 伦敦通行证(London Pass): 伦敦自由行必买! – 如何购买伦敦通行证 (内附最新折扣代码)
- 伦敦旅游交通费悭钱攻略:应该购买 Oyster 还是 Travelcard?
- 伦敦景点门票“两人同行一人价钱” (London Travelcard 2FOR1 Offers)
- 巴黎旅游交通费悭钱攻略:如何使用自助售票机购买地铁Ticket t+车票?
- 游巴黎,Paris Pass与Museum Pass哪种更省钱?
- 如何购买欧洲之星(EuroStar)车票
- 住@巴黎Hotel Cordelia Paris
- 住@伦敦St Ermin’s Hotel – MGallery Collection
- 伦敦酒店推介
- 伦敦免费WiFi网络
- 2012年巴黎、伦敦双城之旅 – Day 1:飞向巴黎
- 2012年巴黎、伦敦双城之旅 – Day 2:游览巴黎圣心堂
- 2012年巴黎、伦敦双城之旅 – Day 3:巴黎圣母院、罗浮宫、凯旋门
- 2012年巴黎、伦敦双城之旅 – Day 4:凡尔赛宫、艾菲尔铁塔、塞纳河游船河
- 2012年巴黎、伦敦双城之旅 – Day 5:巴黎老佛爷百货扫货
- 2012年巴黎、伦敦双城之旅 – Day 7:尽用London Pass,一天游览西敏寺、泰晤士河、伦敦塔
- 2012年巴黎、伦敦双城之旅 – Day 8:圣保罗大教堂、Covent Garden
- 2012年巴黎、伦敦双城之旅 – Day 9:白金汉宫看禁卫军换更
- 2012年巴黎、伦敦双城之旅 – Day 10:大英博物馆
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!