2010年秋日本中部自驾游 – Day 6：金沢兼六园、近江町市场、金沢21世纪美术馆

金沢系北陆地区最大嘅城市，市内同周边都有唔少景点。金沢系我地系北陆嘅最后一站，我地会系呢度住宿两日。由于原本plan左今日会去嘅黑部峡谷系寻日已经提前去左，所以今日系温泉旅馆食完早餐之后就check-out前往金沢。

系温泉旅馆例牌会系朝早浸多次温泉，跟住舒舒服服食埋个早餐先check-out起程。

一边食早餐一边欣赏窗外美景

宇奈月温泉距离金沢大约110公里，行高速公路个半钟就到，

去到金沢第一站先去兼六园。兼六园附近有个叫石川県兼六驻车场嘅室内停车场，系离兼六园最近嘅停车场，我地将架车泊系呢度，行过对面马路再行上呢条斜路就系兼六园。

兼六园对面系金沢城，不过今次冇入去参观。

兼六园出面有一排商店

兼六园入口

兼六园景色好标致，不过冇咩红叶。

行完兼六园下一站去近江町市场。近江町市场附近横街有唔少小型停车场，揾车位泊唔难。

黎到近江町市场当然要食海鲜丼，呢间近江町 海鲜丼家 ひら井系呢度出名食海鲜丼嘅食店，有本店同いちば馆店，两间都系近江町市场，我地去呢间系本店。

好丰富足料嘅海鲜丼

今日最后一站去金沢21世纪美术馆，美术馆有个大型地下停车场，泊车好方便。

金沢21世纪美术馆里面好多展品我地呢D冇乜艺术细胞嘅人睇唔明

金沢21世纪美术馆里面最出名嘅展品系呢个泳池，其实只系系池底开左个地下室，透过透明玻璃望落去就好似人系水底。

今次系金沢住嘅酒店系天然温泉 加贺の涌泉 ドーミーイン金沢(Dormy Inn Kanazawa)，间酒店位于金沢駅前面，交通好方便，质素亦保持左Dormy Inn一贯嘅特色，可惜系酒店内影相唔多，所以唔能够单独写篇住宿评价。

金沢周围仲有唔少质素同样好好嘅酒店，呢间位于Dormy Inn旁边嘅ダイワロイネットホテル金沢(Daiwa Roynet Hotel Kanazawa)亦系唔错嘅选择。

Check-in之后先去酒店对面间商场逛下

金沢駅

金沢駅附近并唔系太多地方可以行，所以转到金沢购物中心香林坊。

最后系香林坊食晚餐

– Day 6 完 –

相关文章：

• 2010年秋日本中部自驾游 – Day 1：名古屋
• 2010年秋日本中部自驾游 – Day 2：土岐Premium Outlet、惠那峡
• 2010年秋日本中部自驾游 – Day 3：游下吕温泉合掌村、飞騨の里、高山古并町老街
• 2010年秋日本中部自驾游 – Day 4：宫川朝市、樱山八幡宫、飞騨古川、误闯雪山
• 2010年秋日本中部自驾游 – Day 5：立山駅、美女平、黑部峡谷观光火车
• 2010年秋日本中部自驾游 – Day 7：白川乡
• 2010年秋日本中部自驾游 – Day 8：长岛三井Outlet
• 2010年秋日本中部自驾游 – Day 9：名古屋城、荣、大须商店街
• 2010年秋日本中部自驾游 – Day 10：中部国际空港
• 名古屋酒店推介
• 住@名鉄イン名古屋桜通
• 住@スパホテルアルピナ飞騨高山 (Spa Hotel Alpina Hida Takayama)
• 住@下吕观光ホテル本馆
• 住@宇奈月温泉 ホテル黒部 (Hotel Kurobe)
• 日本中部自驾游必买：外国自驾游旅客专用的中日本高速公路ETC卡 – Central Nippon Expressway Pass
• 日本Pocket WiFi Router租借服务：主要租机公司介绍和比较
• 日本忍者WiFi九折优惠益读者