2014年环濑户内海自驾游(Day 4)上篇 – 道后温泉本馆、松山城
我地系四国只系停留短短两日,今日会离开四国前往广岛。由松山去广岛市大约有180几公里,中间会先去松山松,之后再到濑户内海上嘅大三岛上嘅大三岛藤公园睇下盛开嘅紫藤,最近先到广岛市内酒店Check-in。
一早起身浸完温泉就去食早餐
食完早餐未Check-out住,先行过去温泉旅馆旁边嘅道后温泉本馆参观下。
道后温泉本馆系一个历史悠久嘅公众温泉浴场,仲系对外营业紧,里面有两个温泉浴场,分别系神の汤同霊の汤,想入去参观最佳嘅方法是买飞入去浸温泉,入场费分四级,分别系410円、840円、1,250円同1,550円。410円只可以净浸温泉(神の汤),不可以用休息室,亦冇毛巾同浴衣供应,而且亦唔可以参观天皇用过嘅又神殿,不过就可以参观馆内其他地方。840円除左可以系神の汤浸温泉外,仲可以用二楼神の汤休息室,可以借用浴衣,不过都系冇毛巾供应,但就可以参观全馆,包括又神殿。1,250円可以系霊の汤浸温泉,同埋可以用二楼霊の汤休息室,亦可以借用毛巾同浴衣,当然可以参观包括又神殿在内的全馆啦。最贵嘅1,550円基本有齐所有野,而且系三楼仲有专用嘅个室休息室添。
如果唔想浸温泉,亦可以净系入去参观,入场费250円,我地就只系买飞入去参观。
道后温泉本馆正门入口,入去之前要除鞋,大门度有多个locker可以用黎存放鞋同杂物。
入口之后嘅走廊
有兴趣可以买呢度出品嘅浴衣、毛巾之类做纪念品
入到去会先由专人带你去参观天皇用过嘅又神殿,而且会有讲解(当然系只得日文啦),不过系又神殿里面唔俾影相。之后就系自由参观嘅时间,其实可以参观嘅地方主要系得三楼一间房。
馆内地方狭小,所以楼梯同走廊都好窄。
上到三楼行到走廊尽头有一间好似展览室嘅客户
其他地方因为有客人使用中,不便影相啦。
参观完道后温泉本馆,再行多次温泉街顺便买D手信。
温泉街上卖用物嘅手信店唔多,最大间系呢间。
柑系爱媛县特产,所以呢度D果子都有用柑做嘅,而且外型同包装都做到好似真柑咁。
其他柑味产品
最后买D用鱼肉做嘅小食食下,不过味道一般。
我地住嘅大和屋本店可以去到中午12点先Check-out,比一般温泉旅馆要10点Check-out晏好多,不过我地都唔需要等到12点,大约11点左右就Check-out走人,跟住仲要去埋松山城。
松山城系松山市嘅市中心,距离道后温泉不足2公里,开车几分钟就到。
街上行驶嘅电车
松山城有几个入口,最方便系从东边嘅东云口坐登山缆车上去。系登山缆车车站隔离街有一个官方嘅收费停车场,我地就系将架车泊系呢度,不过其实系附近横街有几个小型时租停车场,计落泊车费仲平D,而且仲近D缆车站。
泊好车跟住指示牌行一阵就可以去到缆车站
缆车车飞系采用自助售票方式发售,不过旁边有位著古装嘅姐姐指导。
系呢位姐姐嘅指导下,话咁快就买好飞,来回500円。
松山城模型
松山城嘅武士吉祥公仔
坐车地点系车站二楼
呢条缆车道有两款车,一款系缆车,另一款系呢种吊椅,张车飞两款车都可以上得,有胆心嘅当然要坐吊椅啦,而且唔洗等车,即时坐上去就走得。
其实呢款吊椅好安全,离地面唔系好高,而且仲有围网就算真系跌左落去都可以弹返起,冇事。不过呢款吊椅速度超慢,坐上去只是开头几分钟觉得好玩,之后就超闷,唔怪得迎面而来果D人个个低头玩手机。
另一款就系呢种缆车,速度快好多,不过每10几分钟先有一班车。
从缆车站仲要行一段斜路先会去到松山城
上到去可以远眺松山市景色
松山城系一个咁colorful嘅武士公仔衬托下,感觉好卡通。
如果要入城参观需要另外俾钱
缆车站附近有一间专卖今治出产嘅毛巾产品嘅商店,离开四国前系呢度买D今治毛巾先。
– Day 4 未完,待续 –
返回游记主目录 >> 2014年环濑户内海自驾游 – 序章
↓ 在Google地图上查看今日行车路线和景点 ↓
往年日本关西游记:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!