广告
2014年环濑户内海自驾游(Day 4)下篇 – 大三岛藤公园
 |  |  |  |  |
由四国松山去广岛有两种方法，第一种方法系行水路坐汽车渡轮由松山港到广岛港，第二种方法是行陆路经濑户内海上嘅西濑户自动车道到本州，再行山阳自动车道到广岛。基本上两种方法用嘅时间差唔多，大约要2个半至3个钟，而我地就选择后者，从陆路行高速公路去广岛。
行陆路除左因为费用计落比坐汽车渡轮平D之外，最重要系因为我地要去一个叫大三岛藤公园嘅景点。
西濑户自动车道系四国呢边嘅起点系今治市，由松山去今治比较近嘅路有317号国道同196号国道两条路可以行，因为317号国道距离稍为短D，所以GPS选择左317号国道，不过317号国道大部份路段系山路，上山落山再加上路面较窄，行起黎比较辛苦，所以如果大家日后有机会由松山去今治，建议选择行196号国道，因为196号国道系起系海边嘅公路，好行好多，而且距离亦只系多5至6公里。
食排四国限定嘅柑味KitKat补充下体力先
终于黎到系今治嘅西濑户自动车道入口
入左西濑户自动车道冇几耐就会去到呢个来岛海峡休息站，呢度可以睇到来岛海峡嘅风景，顺便系度食埋晏。
今日嘅午餐
食完饭继续起程啦。呢条西濑户自动车道系由濑户内海上面六个大岛连接而成，岛与岛之间有桥相连，有长有短，一边行一边可以欣赏濑户内景色，真系唔错。西濑户自动车道亦叫做しまなみ海道(濑户内岛波海道)，系高速公路两边设有自行车道，系日本著名嘅自行车旅游路线，唔少外国人都会专登去呢度踩自行车架。
我地要去嘅大三岛藤公园位于其中一个叫大三岛嘅岛上，话咁快黎到出口啦。
离开高速公路之后大约行多7-8公里就到公园
大三岛藤公园本身冇电话，所以GPS可以set公园旁边嘅大三岛美术馆电话0897-82-1234，公园旁边有个免费停车场。
我地黎呢日已经系五月头，应该比盛开期过左一个星期左右啦，不过都仲好靓，未有掉落嘅情况。公园占地面积唔系好大，大约有10几个种紫藤嘅棚，最紧要一样嘢系完全免费，只系呢度冇巴士到，要黎一系自驾，一系踩自行车。可能啱啱过左黄金周假期，呢日公园里面包埋我地只系得6个人，冇人阻住影相都爽D。
游览完大三岛藤公园系时候要起程去广岛啦，从大三岛到广岛市中心差唔多仲有120公里，连埋休息要两个钟先到架。
头先上返高速公路之前唔记得去油站入油，搅到唔够油挨到去广岛市区，唯有揾个有油站嘅休息站入油顺便休息下。原来系休息站度嘅油站油费同出面差唔多，不过如果要系休息站嘅油站入油，最好等到休息完要入返高速公路之前先去入，因为系油站入完油驶出去就系要行去高速公路嘅单程路，如果想驶返转头返去休息站会有D危险。
入到广岛市区仲未天黑
不过去到酒店已经天黑啦，先系酒店附近呢间公众停车场泊好架车，因为会系广岛住两晚，而听日唔打算开车，改坐电车，所以架车会泊系度两晚一日。
系广岛住两晚嘅酒店广岛华盛顿酒店，呢间酒店新开冇耐，质素同位置都好好，想睇酒店介绍可以参考返呢篇住@广岛华盛顿酒店(Washington Hotel Hiroshima)。
酒店附近系广岛市最主要嘅购物区，入夜之后都仲好热闹，当然唔可以用大阪心斋桥呢D黎比啦。
今晚揾左间拉面店食拉面，味道唔错架。
食完野再行多阵街
最后买D糕点返酒店做宵夜
– Day 4 完 –
返回游记主目录 >> 2014年环濑户内海自驾游 – 序章
↓ 在Google地图上查看今日行车路线和景点 ↓
往年日本关西游记：
感谢您的分享，不过藤公园旁似乎不是美术馆，应该是神社?
从google地图上看, 藤公园的西边有一间美术馆, 南边有一间神社.