2014年环濑户内海自驾游(Day 6)下篇 – 广岛赏花行(下):世罗高原农场郁金香、冈山县和気町藤公园
上一篇讲到系广岛县世罗町游览左花梦之里同せらふじ园,仲系せらふじ园入面食埋田园烧烤。呢篇继续睇埋食完午餐之后去嘅第三个景点世罗高原农场,同埋系冈山县嘅和気町藤公园。
世罗高原农场距离せらふじ园亦唔系好远,开车过去好快就到。[GPS设定:电话0847-24-0014]
农场出面都有免费停车场,从车辆数目黎睇,黎呢度嘅人比前两个景点多好多㖞。
世罗高原农场入口
呢度嘅入场费都系800円
世罗高原农场系唔同季节会种植唔同嘅花卉,例如春季(4月中~5月中)会种郁金香,而夏季(8月)就系向日葵,所以今次我地系度睇嘅系郁金香。
呢度嘅郁金香唔只可以系度睇,仲可以买返屋企种架。
原来呢度都一样有烧烤食
农场里面仲有小卖部
世罗高原农场面积唔细,全个农场种晒郁金香,一排排唔同颜色嘅郁金香,望落去真系好壮观啊。
虽然唔舍得,但系游览完世罗高原农场真系要同广岛讲拜拜啦。由世罗町去今晚住宿嘅赤穗温泉要2个半钟车程,不过我地中途仲要去多个景点,就系距离赤穗冇几远系冈山县嘅和気町藤公园。
世罗町道路
上高速公路
和気町系一个乡下地方,系山阳自动车道嘅和気IC离开高速公路之后再行冇几耐就到。不过呢度D乡下小路比较狭窄,地方亦比较难揾,不过只要相信GPS跟住行就可以去到。[和気町藤公园GPS设定:电话0869-92-1135]
呢度个停车场真系好大,当然亦系免费啦,不过点解冇乜车系度既?
由停车场行过去小河对岸就系和気町藤公园,唔系间水过去,后面有条桥架。
根据官网讲呢度每年4月尾至5月头开催期间应该系好热闹架㖞,点解D摊贩都冇营业?
藤公园旁边系一间叫和気町神社嘅小型神社
过河小桥
呢度就系和気町藤公园啦
下,唔怪得人影都冇个啦,原来我地黎迟左,D花已经开始散落啦,仲点会有人黎。
不过就算系散落,都仲要用300yen买入场券先入得去。
虽然话和気町藤公园系西日本最有人气嘅紫藤公园,但过左盛开期就变得好失色啦,D紫藤花已经冇晒光泽,好沈色,同前日系大三岛藤公园同今日系せらふじ园睇嘅差别好大囉。
正所谓希望越大失望越大,本黎对和気町藤公园寄予厚望,以为会系呢度见到今次旅程中最靓嘅紫藤花,可惜时间唔啱,不过都算啦,之前果D都已经好靓,应该满足。
系和気町藤公园只系逗留一阵,结束今日游览行车开车去赤穗温泉嘅旅馆啦。由和気町去赤穗虽然唔远,但系都要行差唔多45分钟车先到架。
赤穗温泉属于兵库县
赤穗系一个小型工业城市,而赤穗温泉就系呢个城市海边,呢度唔算系好出名,温泉旅馆数目亦唔系好多,之所以系呢度过夜,系因为行完三个景点之后唔够时间直接返大阪,而且又想再住多晚温泉旅馆,而赤穗温泉正好系返大阪嘅路上,既可以作为中途站,又满足到浸温泉嘅要求。虽然赤穗温泉唔系好出名嘅温泉乡,不过由于位于海边,可以望住濑户内海浸温泉都几爽架。
呢间就系我地入住嘅温泉旅馆,叫银波庄,详细介绍可以参考呢篇住@赤穂温泉 夕映えの宿 银波荘。
房间对住濑户内海,仲有个大露台,日出日落都可以睇到,只可惜日出果阵仲见紧周公。
银波庄最正嘅系佢嘅温泉
今晚晚餐,食完饭浸下温泉就觉觉猪啦。
– Day 6 完 –
返回游记主目录 >> 2014年环濑户内海自驾游 – 序章
↓ 在Google地图上查看今日行车路线和景点 ↓
往年日本关西游记:
很细微详尽的游记,对我十一月去大阪周边游的帮助很大。谢谢楼主!???
请问世罗高原农场有没有巴士可以去到?
没有公共交通工具可以去到, 只有坐taxi或者自驾.