2014年环濑户内海自驾游(Day 7) – 大阪新地标:阿倍野Harukas 300展望台
六日嘅自驾行程今日结束啦,从赤穗温泉返去大阪大约两个钟车程,中途唔会去其他景点,所以今日大部份时间会系大阪,而今日系大阪主要会去一去系天王寺新落成有六十层楼高嘅阿倍野Harukas 300展望台。
起身之后先到露台睇下海景先
跟住就去食早餐啦,食早餐之前当然有再浸多次温泉啦。
起程返大阪啦
中途系休息站见到有呢种自助咖啡机,入左钱选择左想要嘅咖啡之后,等2分钟就会冲好一杯热咖啡出黎架啦。
好快又黎到最怕行嘅大阪环状线啦
返到大阪先去一个新景点,就系座落系JR天王寺駅对面近铁阿倍野桥总站上盖系今年三月落成嘅阿倍野Harukas大楼顶楼嘅阿倍野Harukas 300展望台。300代表展望台离地面300米,足足有60层楼高,系大阪最高嘅建筑物。
阿倍野Harukas本身有停车场,不过full左,我地泊左系对面Q’s Mall个停车场。
Q’s Mall旁边就系Hotel Trusty Osaka Abeno
对面就系阿倍野Harukas
几座大建筑物由行人天桥相连
过左天桥就会见到上去Harukas 300展望台入口嘅电梯大堂,不过唔好心急入去住,因为买飞嘅售票处唔系上面,而系系行天桥呢层嘅商场入面。
阿倍野Harukas大楼地下几层系近铁百货,呢个系行人天桥呢层嘅平面图,Harukas 300展望台嘅售票处就系百货公司北面入口。
沿天桥行过去就系百货公司北面入口
呢个就系北面入口
一入去就会见到售票处架啦,不过呢度只可以买到当日嘅入场券,如果想买往后日子嘅入场券,可以睇下官网介绍。
超多人排队买飞
当日入场券嘅价钱系1,500日元
买左入场券可以去返头先个电梯大堂坐电梯上去入口大堂啦
呢几部电梯唔系直接上去Harukas 300展望台,只系坐到去位于16楼嘅入口大堂,所以就算冇入场券一样可以上去架。
呢度就系展望台嘅入口大堂
系呢层有一个空中花园,比起梅田大阪駅上面JR大阪三越伊势丹9楼个空中花园仲高几层,如果唔打算买飞上去Harukas 300展望台都可以净系上黎呢层睇下架。
上去Harukas 300展望台嘅电梯系呢度过去
A果边先系去上Harukas 300展望台嘅电梯口,B果边系如果提早买左换票券去换当日入场券嘅地方。
如果提早买左指定日子嘅换票券,就要黎呢个counter换当日入场券,亦可以系呢度买以后日子嘅换票券。
因为新开冇几耐,当日上去展望台嘅日本游客好多。
上去展望台嘅电梯只有两部,不过好在系高速电梯,而且每部可以入到好多人,所以等嘅时间都唔算好耐。
电梯嘅速度配合埋电梯槽内嘅灯光,好有cyber效果。
一阵间就由16楼去到60楼
呢度就系最高嘅60楼距离地面300米嘅Harukas 300展望台啦
展望台可以360度从不同方向睇晒成个大阪
有几块玻璃会标示望出去嘅地标
有胆量可以行上玻璃地板望下脚底嘅地面
有兴趣可以揾专人影返张相,当然系要收费架啦。
从展望台一边望向另一边
除左60楼之外,楼下仲有两层都系,其中59楼系手信店同搭电梯落返楼下嘅地方,而58楼系食野嘅地方,同埋有个大平台。
落去一样要排队
16楼有扶手电梯连接楼下嘅食肆层,先落黎食午餐。
今日选择食呢间好出名嘅竹叶亭馒鱼饭
呢间新开嘅近铁百货真系超大,一场黎到冇理由唔行下架,所以食完饭先系度行下先。最后系度买到第一日系心斋桥见到想买但因为冇退税而冇买到嘅Samantha袋,呢度有退税,不过退税嘅office唔系咁好揾,好彩揾到个职员带我地过去。
离开天王寺之后先去左酒店Check-in,之后再开返架车去租车店还车。今晚都系住系难波、心斋桥一带,不过今次想住近D难波车站,所以book左难波东方酒店,方便听日坐南海电铁去机场,同埋听朝行过去黑门市场都近D。酒店介绍可以参考呢篇:住@大阪难波东方酒店(Namba Oriental Hotel)。
还车之后落黎嘅时间就系系难波同心斋桥行街shopping啦
虽然觉得蟹道乐冇以前咁好味,但系每次去大阪都总有一餐系食佢。
– Day 7 完 –
返回游记主目录 >> 2014年环濑户内海自驾游 – 序章
↓ 在Google地图上查看今日行车路线和景点 ↓
往年日本关西游记:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!