2015年韩国首尔+釜山赏樱之旅(Day 2) – 北村韩屋村、土俗村人参鸡、孔陵一只鸡、平安道猪脚

今日嘅行程主要会去一个未去过嘅首尔景点，就系北村韩屋村，其余行程都系到处食嘢，包括土俗村人参鸡、孔陵一只鸡同埋平安道猪脚。

出发之前先食咗早餐先。我哋住嘅Loisir Hotel Seoul Myeongdong正门隔离就系Isaac，所以今朝早餐就喺呢度买件三文治企喺街边食。

今日第一个目的地系去土俗村食人参鸡，喺地铁景福宫站2号出口行去路面之后，一直行见到间GS25便利店转入去就系，好近。

今次招呼我哋入近门口呢间房，有凳坐，唔使屈住脚坐咁辛苦。

都系叫咗例牌参鸡汤，30,000won。

食完人参鸡汤，有气有力可以去有好多斜路要行嘅北村韩屋村啦。为咗保存体力，我咃坐咗一个站地铁到安国站落车行上去。下面地图中蓝色线系我哋从地铁站出发，去北村韩屋村再落去三清洞，然后到仁寺洞嘅步行路线。

喺安国站2号出口出嚟之后一直系咁向前行…向前行，就会见到一个唔系咁显眼嘅北村韩屋村入口。

北村韩屋村有八景，最主要嘅系第六景，其他景都冇乜特别。

第八景系连接北村同三清洞嘅一条石级，可以从呢度落去三清洞，唔使走回头路。

三清洞有唔少小型商店，都好啱行街shopping。

行下行下唔觉唔觉已经去到仁寺洞

喺仁寺洞好多时都会遇到呢D著住韩国民族服装嘅表演队伍

仁寺洞呢档糖饼真系超好味，每次嚟亲都一定要食返件。档口位置就喺下面地图红圈的行人路，不过唔系日日有开。

行完仁寺洞系时候要食下一餐，呢餐去食孔陵一只鸡。孔陵一只鸡喺梨大站同新村站中间，喺边个站落都可以，我哋系由梨大站行过去。

唉，只系得韩文餐牌？！哦，原来另一边仲有个写中文嘅。

我哋食嘅呢个系19,000won嘅一只鸡，不过孔陵一只鸡只系D酱得，鸡就麻麻，鸡冇鸡味。

食完顺路去弘大又行下

跟住又系食，呢餐系去奖忠洞猪脚街食猪脚。我哋去嘅系平安道猪脚家，每次嚟首尔都有去，由东大入口站3号出口行出去转个弯就到。

一盘猪脚两个人食啱啱好，盛惠31,000won。

Day 2 完，返回2015年韩国首尔+釜山赏樱之旅目录。

相关文章：

• 住@首尔明洞Loisir Hotel Seoul Myeongdong
• 住@首尔明洞天空花园酒店
• 住@首尔明洞王子酒店
• 住@釜山Hotel Aventree Busan(亚云树酒店)
• 首尔明洞酒店推介
• 韩国外国人专用火车通行证KR Pass
• 韩国MobilePOP Pocket WiFi Router使用分享
• 如何网上预约首尔昌德宫秘苑导赏团门票