2014年圣诞节北海道赏雪之旅(Day 1) – 初踏雪地
同2009年果次去北海道一样,今次都系过香港坐大韩航空经首尔转机,无他,因为平,圣诞节旺季都系5千蚊有找,而且澳门亦冇机直飞北海道,不过因为零晨机,上次试过已经知道会好辛苦。
呢两个新喼今年新买冇几耐
去香港机场最后一班船系夜晚八点,我哋坐零晨一点机,去到机场仲要呆等差唔多四个钟。12月澳门码头刚刚重新装修完,真系大咗又靓咗㖞。
大韩航空由香港经首尔去札幌会先坐一程机由香港去仁川机场,再转坐另一班机去札幌,所以喺香港机场check-in时已经出定两程机嘅登记证,而行李就会由香港直挂札幌,转机果阵唔使攞行李。
圣诞节出游嘅人真系好多,呢程由香港去首尔嘅机full晒。
到咗仁川机场转机旅客要过安检先可以去返候机楼,记得09年果次好似冇咁严。
上次转机知道候机楼有可以俾人休息嘅地方,因为仲要等差唔多四个钟先上机,所以上去抖抖。上面有得上网,不过通常冇晒位,有长凳同梳化可以训,仲有地方冲凉添。
抖咗一阵再去食个韩式早餐
等上机啦
由首尔飞两个半钟就到札幌,喺机上外望,哗,大地上白色一片啊。
今次嚟到新千岁机场同上次唔同晒,国际线大楼装修过又大咗啲,而且可以直接同国内线大楼连接,过咗海关出到入境大堂,沿着呢条通道直行就会去到国内线大楼,JR车站同租车公司counter都喺国内线大楼,如果想去多啦A梦乐园,可以坐扶手电梯上去上一层,即系三楼。
国内线大楼呢边有好多商店,再加埋三楼多啦A梦乐园,如果要行半日都可能唔够。
新千岁空港嘅商店留返走果日先行,而家先坐JR去札幌。JR駅喺国内线大楼地底B1F层,但唔系部部lift都可以去到B1F层,亦唔系每部扶手电梯都可以连接B1F层。呢部喺正大堂中央嘅lift可以去B1F层,但因为位置太当眼,好多人用呢部,而人人都推住行李车,所以我哋都排咗好耐队先搭到。
初嚟步到对新千岁机场环境唔熟嘅情况下,真系好难揾到另一条路落去JR站。不过,今年7月再到北海道嘅时候,因为有唔少时间留喺新千岁空港,所以有时间摸熟呢度嘅环境,下面介绍一下由国际线入境大堂去JR火车站嘅路线,同埋可以去到B1F层的各部升降机同扶手电梯位置,等好似我哋呢次咁初到新千岁机场嘅朋友可以参考下。
国际线入境大堂喺二楼,出到入境大堂沿通过直行就系国内线大楼,而国内线大楼二楼系国内线嘅出境大堂,同埋有好多售卖北海道特产同手信嘅商店。
下图将二楼国内线大堂嘅平面图放大一啲,图上面红色圈标示嘅位置就系可以去到B1F层嘅三部升降机,其中中间果部就系上面见到喺大堂中央好多人搭果部,而左右两部因为位置唔显眼,少人知所以搭嘅人少啲。另外,蓝色圈标示嘅位置系可以去到1F层再转去B1F层嘅两部扶手电梯,如果搭唔到lift用呢两部扶手电梯都可以。
下面呢张系国内线大楼1F层平面图,可以见到1F层被一条弧形行车道分开咗成两部份,上面弧形果部份系国内线入境大堂同埋租车公司counter,而下面果部份系停车场。只有入境大堂果度先有扶手电梯连接JR火车站,所以系二楼见到嘅扶手电梯,只有上面张图蓝色圈标示果两部可以去到国内线入境大堂,其他扶手电梯虽然都可以去到1F层,但就连接唔到可以去到B1F层嘅扶手电梯。
注:新千岁空港各楼层嘅详细平面图可以参考呢度。
如果坐扶手电梯去B1F层,会先经过呢个国内线入境大堂,面积唔系好大。
再转呢个落去B1F层嘅扶手电梯
再一直行就系JR駅
JR新千岁空港駅出入口
出入口旁边有自助售票机
再过阻离系人手售票
由新千岁空港到札幌嘅指定席车票,1,380yen。
旁边仲有呢个JR Information Desk,专for外国旅客,可以喺呢度出示护照攞返张免费上网卡,不过其实出发前已经用Apps攞咗user id同password,唔使再攞呢张上网卡,只系攞呢睇下。想了解多啲关于NTT东日本免费上网卡点用同点样用Apps预先攞user id同password,可以参考呢篇文章介绍。
坐火车去札幌中…
虽然唔系第一次见到落雪,但咁大雪嘅环境就系第一次,所以系街度行路都要特别小心翼翼。
喺便利店买咗呢种防滑鞋套,不过因为经常又著又除好麻烦,用几次之后就冇再用。如果想买记得睇多几间便利店,因为每间便利店卖嘅款式唔同,价钱都相差几远。
呢间札幌三井花园酒店就系头两晚喺札幌住嘅酒店,详细介绍可以睇返呢篇文章。
北海道嘅冬天好早就天黑,系酒店check-in完虽然只系3点几,但4点落返街个天已经黑晒,所以第一日冇去其他地方,只喺札幌駅行下。
喺北海道嘅第一餐,去咗呢间鳗鱼饭好出名嘅老店宫川本廛食。
Day 1完,返回《2014年圣诞节北海道赏雪之旅》总目录
相关文章:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!