2015年韩国首尔+釜山赏樱之旅(Day 4)下 – 镇海军港节樱花祭

由釜山嘅西部巴士总站去镇海，车程大约个半钟，沿途嘅公路旁边种咗好多樱花树，而且越接近镇海密度就越大。入到镇海，大街小巷所见嘅都系樱花，真系有D怀疑呢个城市除咗樱花树之外，仲有冇种其他树木？！

先嚟睇下镇海嘅地图同埋我哋行程嘅步行路线(蓝色线)

巴士喺镇海巴士总站停车，呢个巴士总站位于镇海市区最南边嘅山边，返去釜山嘅巴士亦喺呢度上车。

落咗车过马路向北行300几米就系镇海军港节嘅主会场

军港节期间有穿梭巴士，不过由巴士总站去市中心嘅主会场、帝皇山公园、镇海火车站同埋余佐川都唔远，行路都可以，但如果要去庆和火车站甚至长福山公园呢D较远嘅景点，就一定要坐穿梭巴士啦。

到咗镇海之后天气冇今朝行挂法樱花隧道果阵咁好，天阴阴仲间中落下雨咁。

镇海真系每条街都系樱花，成个城市都系赏樱景点。

行咗冇几耐见到街上有成排帐篷嘅物体，睇怕呢度应该就系军港节会场啦。

军港节会场其实主要就系一条食街，乜都有得食，有正餐当然亦有很多小食啦。

先揾档坐低食饱个肚先

食完嘢行去镇海最主要嘅赏樱景点余佐川，途经右手边呢度系镇海邮政局。

再直行300几米就系镇海火车站

镇海火车站细细地，冇乜嘢睇，行入嚟主要系因为呢度有厕所。

车站度停咗架军港节期间先有嘅樱花火车，每日上午7点左右由首尔开出，12点几到镇海。

余佐川喺镇海火车站后面，要经过火车站左边嘅行人隧道过去。

因为系最主要嘅赏樱热点，所以呢度超迫人。

余佐川上第一座桥迫满晒人，完全行唔到埋去。呢度咁多人唔系因为呢个景最靓，而系因为呢度最近入口，D人一嚟到就走晒埋去影相，尤其系旅行团，其实更靓嘅美景系后面，而且余佐川好长，唔使系度迫餐死。

下面系余佐川最近入口呢段嘅相

呢度因为有心形布景，所以系影相热点，要埋去影相就要自觉排队啦。

过咗心形布景板之后，余佐川上面开始有唔同嘅装饰，衬托起嚟影相更加靓。

去到后段，会有楼梯可以行落去余佐川河底。

余佐川旁边嘅马路亦都设有好多小食档位

最后俾多两张樱花近照嘅大特写大家睇下

去完余佐川我哋再行返去市中心嘅军港节会场，目标系会场旁边嘅帝皇山公园。

上去帝皇山公园可以行楼梯上去，又或者坐小型缆车上去。

坐缆车要排几个字队

来回缆车一个人3,000won

从缆车上睇落去会场

帝皇山唔系好高，坐缆车一阵就到。

上山嘅楼梯

其实帝皇山公园冇乜特别，呢度嘅樱花亦唔系特别靓，唔上去都冇乜损失。

游完帝皇山公园落返去再扫多一轮街之后，系时候返去啦。

去返中午落车嘅镇海巴士总站坐巴士

返到釜山今朝上车嘅西部巴士总站，喺售票大堂可以跟住指示牌穿过旁边嘅商场直接落去地铁站。

今晚嘅天气唔错，BIFF广场上面嘅小食档比寻晚都多D。

Day 4 完，返回2015年韩国首尔+釜山赏樱之旅目录。

相关文章：

• 住@首尔明洞Loisir Hotel Seoul Myeongdong
• 住@首尔明洞天空花园酒店
• 住@首尔明洞王子酒店
• 住@釜山Hotel Aventree Busan(亚云树酒店)
• 首尔明洞酒店推介
• 韩国外国人专用火车通行证KR Pass
• 韩国MobilePOP Pocket WiFi Router使用分享
• 如何网上预约首尔昌德宫秘苑导赏团门票