2015年韩国首尔+釜山赏樱之旅(Day 6) – 汝矣岛樱花、新沙洞Line Store、酱油蟹

今日喺首尔嘅行程主要都系去行吓街，食吓嘢，同埋都会去一去首尔最主要嘅赏樱热点汝矣岛睇一睇有冇樱花，虽然明知睇到樱花嘅可以性唔高，但一场嚟到点都要去撞一撞。

今日嘅早餐唔再系Isaac三文治，因为今日已经踏入复活节假期，Isaac排队嘅人实在太多，所以转食呢间系Savoy Hotel入面嘅Beansbins Coffee。

可能太早，冇人嘅。

果少少嘢成27,100won，都几贵。

食完早餐先去汝矣岛睇下，由明洞去要先坐地铁4号线到铜雀站，再转9号线。不过9号线嘅列车有快车(Express)同慢车之分，快车只停汝矣岛站，唔停国会议事堂站。本嚟打算喺比较近轮中路嘅国会议事堂站落车，但点知上咗部快车，唯有喺汝矣岛站落，落咗之后又唔想再等，所以直接出地面。

由汝矣岛站穿过国际金融中心出到地面之后，沿公园行去汉江边。

果然不出所料，首尔嘅樱花比釜山迟，大部份都仲未开花。

有少部份啱啱开，但都唔太靓。

既然都未开，行咗一半决定穿过国会议事堂去地铁站坐地铁去行街算啦。

呢个系国会议事堂站嘅6号出口，有扶手电梯同升降机。

汝矣岛嘅樱花主要集中喺国会议事堂同汉江之间嘅一段中轮中路的路边，如果只想精华游，可以坐地铁到国会议事堂站落车，再按下面地图中红色线嘅路线行。

离开汝矣岛，顺路去一去高速公巴士客运站嘅GOTO MALL地下购物街。高速公巴士客运站喺三条地铁线嘅交汇站，而GOTO MALL地下购物街就喺9号线嘅车站。

最后一站系去新沙站行街，不过未行街之前先食lunch。最近去韩国嘅人都好兴去食酱油蟹，我哋又跟风去试下。呢间好出名嘅酱油蟹店叫PRO酱油蟹，中文叫专业酱油蟹或者普乐酱油蟹，喺新沙洞站4号出口冇几远。

喺4号出口行出嚟直行第二个街口转入去就系

入口唔系呢度

呢个先系佢嘅入口

两个人点左四样嘢，主菜当然系佢嘅招牌酱油蟹，不过咁食生蟹真系接受唔到，有D后悔嚟食，其他菜式味道同样麻麻。呢餐食咗大约130,000won，系咁次旅程中第二餐觉得唔值嘅午餐。

开始行街街，目的地系新沙洞林荫道。呢度路中间几棵樱花树开得唔错啊。

呢间开喺新沙洞嘅Dormy Inn Premium Seoul Garosugil系日本Hotespa.net酒店集团喺日本以外开设的第一间dormy inn，间酒店喺2015年5月1日先至开业，酒店位置唔系，就喺新沙洞站8号出口同林荫道中间，下次再去首尔可能都会试下住。

呢条就系新沙洞林荫道

呢间Line Friends Store系今次行新沙洞嘅主要商店之一

Line Store座落喺新沙洞林荫道嘅中段

间Store面积其实又唔算好大，分为三层，地下入口呢层主要卖文具、公仔。

负一层有个小小嘅Cafe

另一边主要卖杯、公仔、袋仔同杂物

楼上果层主打卖衫，同埋细路仔背囊。去嘅时候啱啱做紧半价promo，一件衫都只系10,000won，抵啊。

店入面放咗唔少公仔，大家入嚟唔多唔少都系为咗同佢地影吓相。

喺首尔嘅最后晚餐我哋去咗东大门食陈玉华一只鸡。陈玉华一只鸡嘅位置就喺东大门站同钟路5街站之间嘅一条叫一只鸡胡同的小巷里面，由呢两个地铁站过去嘅距离差唔多。

我哋由东大门站行过去

见到有光同人群聚集嘅地方就系啦

哗，好多人。

要攞筹仔

如果陈玉华一只鸡同孔陵一只鸡只可以二选一，咁一定系食陈玉华一只鸡啦。

Day 6 完，返回2015年韩国首尔+釜山赏樱之旅目录。

相关文章：

• 住@首尔明洞Loisir Hotel Seoul Myeongdong
• 住@首尔明洞天空花园酒店
• 住@首尔明洞王子酒店
• 住@釜山Hotel Aventree Busan(亚云树酒店)
• 首尔明洞酒店推介
• 韩国外国人专用火车通行证KR Pass
• 韩国MobilePOP Pocket WiFi Router使用分享
• 如何网上预约首尔昌德宫秘苑导赏团门票