2014年圣诞节北海道赏雪之旅(Day 6) – 札幌白色灯树节

今日喺札幌嘅行程重点系夜晚去大通公园嘅札幌白色灯树节，其余时间主要都系行下街shopping。原本计划咗上午会去札幌场外市场，不过因为天气环境差，最后临时缩沙冇去，转战有瓦遮头嘅狸小路同地下街。

朝早起身做嘅第一件事，望下窗外天气，今日麻麻地个天白蒙蒙。

今日都买张一日乘车券，但系因为唔系星期六、日，所以一日乘车券要830yen，比之前Day 2星期六买嘅一日乘车券贵咗310yen。其实今日搭车次数唔多，唔买一日券应该仲抵。

按照今日嘅行程planning，朝早系去札幌场外市场食鱼生饭，所以买咗一日乘车券之后就坐地铁去二十四轩站，由呢度行600米左右就会去到场外市场，不过一出地铁站，见到路面啲积雪好厚，天气又麻麻，所以决定都系唔去囉，留返下次先啦。

冇得食鱼生饭，唯有到其他地方揾食，最后误打误撞喺大通公园旁边嘅丸井今井百货大通馆10楼揾到呢间叫茶寮嘅食店。

喺食店可以望到成个大通公园同札幌电视塔

可以睇晒成个札幌白色灯树节大通公园会场

街外面超冻

都系行有瓦遮头嘅步行街

中途tea一tea

行完街返酒店休息下，夜晚就出动去大通公园嘅札幌白色灯树节。

呢棵白色灯树就系主角

会场上有好多木屋仔，主要系卖嘢嘅小商店。

仲有小食店

由于会场太多人行过，地下嘅雪都已经俾人踩成一块溜冰场，行嘅时候要跣住咁行。

要睇晒大通公园札幌白色灯树节会场全景，当然系上去高位，最合适嘅地方就系上去札幌电视塔。除咗行地面之外，地下街都有入口可以上到去电视塔。

先到3楼售票处买飞

上札幌电视塔嘅入场券费用系720yen，不过有好多渠道都有提供九折优惠，例如系当地旅游中心可以攞到嘅coupon，随街都可以攞到嘅一啲旅游资料小册子，甚至喺官网都可以打印九折优惠券。不过最抵用嘅都系呢个叫“札幌旅游”嘅手机Apps里面嘅折扣券，只要买飞果阵show呢个Apps里面嘅札幌电视塔折扣券画面，就可以用570yen购买原价720yen嘅成人入场券，折扣率超过八折。

买好飞就排队搭lift上去展望台啦

平时上电视塔嘅人唔多，今晚比较多啲。

出面吹紧风雪，周围白蒙蒙。

转过头，哗，风雪停咗，即刻变返高清画面，个景完全唔同晒。

上完札幌电视塔，行去簿野揾地方食今次旅程嘅最后晚餐。

最后一餐通常食得豪啲，所以去咗食かに将军(蟹将军)，去到要等位，不过等位嘅人之中，三分二系讲广东话，三分一讲国语，食完总结：麻麻。

食完饭，终于要面对每次旅行最惨嘅时候，就系返酒店执行李装喼，谂起都怕怕。

Day 6完，返回《2014年圣诞节北海道赏雪之旅》总目录

相关文章：

• 住@札幌三井花园酒店
• 住@二世古ニセコ昆布温泉鹤雅别荘　杢の抄
• 住@运河の宿 小樽 ふる川
• 住@札幌世纪皇家酒店
• 札幌酒店推介
• 小樽酒店推介
• 2009年初秋北海道自驾之旅