2014年圣诞节北海道赏雪之旅(Day 5) – 踏雪游小樽
今次旅行系hea游,所以行程好轻松,而今日全日只得一个节目,就系留喺小樽慢游,其实主要就系行小樽堺町通,游完小樽傍晚时份先坐火车返札幌。
朝早天气都OK,望出去小樽运河暂时都冇落雪。
食早餐前先浸多次温泉
今日早餐系自助式
揾咗个对住小樽运河嘅位食早餐
虽然堺町通就喺我哋入住嘅旅馆附近,不过为免行到一半要返旅馆check-out咁麻烦,所以都系先check-out,再寄行李寄存喺旅馆之后先出去慢慢行。
朝早虽然都落雪,不过个天都OK清,天气算唔错。
雪地上慢慢移动,先过前面小樽运河影下相。
气温只系-0.9度,并唔算低,不过感觉真系好冻。
喺咁冻的天气之下影相系一大问题,因为带住手套影相好麻烦,每次影相都要除手套先可以影,所以之前喺二去古影得好少相。虽然市面上有一啲手套嘅设计可以操控手机屏幕,不过实际使用上并唔系咁好用,而且呢类手套防寒能力一般比较低,除非买贵嘢。
今日喺小樽影相果阵发现咗一个方法,就系利用自拍神棍嘅遥控器,使用时最好唔用自拍神棍,只系将手机同遥控器用蓝芽连线,然后用带住手套嘅一只手攞手机,另一只唔带手套嘅手攞遥控器插入衫袋里面,咁就可以唔怕冻亲又可以影到相。不过有样好重要嘅嘢要留意,就系手机唔可以长时间留系室外低温之下,如果唔系好快就会冻坏,甚至死机,所以只喺影相果度先攞部手机出嚟,影完即刻收返埋入衫袋保温。如果你部相机都有遥控功能,都可以用呢个方法。
左边呢款手套嘅母指、食指同中指都可以touch手机屏幕;右边呢个就系自拍神棍嘅遥控器,相信好多人都有。
小樽运河
好多人落去行,我哋都落去行一段。
小樽嘅马路就算系主干道都照样被雪覆蓋,可能清唔切。
行完小樽运河,转过去手宫线旧火车路轨睇下。
跟住行去堺町通,沿路会经过小樽邮便局。
入去寄返张贺年卡俾自己,呢度对老人家嘅服务都几周到,枱上面放咗老花眼镜可以攞嚟用,啱晒。
从小樽邮便局开始向西南方向就系堺町通
呢日游客唔系咁多,有啲冷清。
有啲屋簷已经结咗冰
中途休息阵,入去食啲嘢先。
除咗食碗红豆汤暖下肚之外,呢个出名嘅彩虹雪糕就算出面冻冰冰都要试下。
继续行
メルヘン交差点,呢度系堺町通尽头。
先入去呢间龙猫馆睇睇
再入去小樽オルゴール堂本馆买返个音乐盒
买手信时间
回程时候,风雪又来啦。
趁住有风雪,先食个早晚饭,今次都系去小樽运河同出拔小路对面间政寿司食。
食完饭个天已经开始黑,其实都只系四点几。
食完饭返去旅馆攞返行李系时候去坐火车返札幌啦,虽然距离小樽駅唔远,但都系叫旅馆帮我哋Call咗架的士坐车过去。
小樽駅
小樽駅前面呢间Dormy Inn Premium Otaru系09年果次入住嘅酒店,呢间酒店都好正,如果我哋今次住嘅运河の宿 小樽 ふる川系First Choice,Dormy Inn Premium Otaru就一定系Second Choice。
买即走嘅火车飞
月台上超冻,火车头都结晒冰。
返到札幌先过去酒店check-in,喺札幌最后两晚住嘅系呢间札幌世纪皇家酒店(Century Royal Hotel Sapporo),之前去二世古果日已经将两个大喼寄存咗系度,所以check-in前先攞返行李。
呢间酒店位置超正,尤其系冬天唔想行出街就最啱住呢度,有关酒店嘅详细介绍可以参考返呢篇《住@札幌世纪皇家酒店》。
出去札幌駅行下顺便揾地方食晚饭
札幌駅南口广场
最后系札幌駅嘅Stellar Place楼上揾到呢间十胜豚丼いっぴん,超正,之后喺其他店都食唔返呢种味。
食完晚饭要再揾啲嘢做宵夜,目标系JR札幌駅西口旁边呢间手信店。
真正目标系呢个花畑牧场嘅牛奶软糖(花畑牧场 生キャラメル),呢只糖喺09年第一次到北海道果次有间食店送俾我哋做饭后甜品,入口即溶,超好味,可惜之后揾咗好多地方都揾唔到,今次终于系呢度撞返佢。
呢只花畑牧场软糖一定要放喺雪柜保存,常温下好快就会溶,所以好难买返去做手信,只有在当地食多啲。
今晚嘅宵夜都好丰富,仲有呢啲喺小樽买嘅食物。
Day 5完,返回《2014年圣诞节北海道赏雪之旅》总目录
相关文章:
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!