2007年吉隆坡公幹之旅（Day 2 – Part 2）

之前講到我地11點3離開雙子塔之後，走去坐地鐵go to唐人街。其實由KLCC站去唐人街嘅Pasar Seni站都只係3個站，車程大約10分鐘。

地鐵（RapidKL）KLCC站

RapidKL

RapidKL有部分路段係地底，亦有部分地段係架空，KLCC站係地底站，而Pasar Seni係地面站。Pasar Seni站嘅一邊係條河，條河對面就係KL Railway Station，而站嘅另一邊就係唐人街一帶嘅區域。由Pasar Seni站向東面直行大約150米就到唐人街南面嘅牌坊，而向北直行大約200米就會到中央市場，其實成個區都唔係好大，就好似係高士德同三盞燈一帶咁上下。

從Pasar Seni站望向唐人街，從右邊條路直行就係唐人街南面嘅牌坊

去唐人街嘅主要目的係想去南香食佢著名嘅海南雞飯（聽講黎明好鍾意食），由於時間尚早，所以先行去中央廣場睇下野先。中央廣場係個賣紀錄品嘅低價商場，有好多唔同嘅店舖，最正就係入面有冷氣，行到成身汗入去抖抖就啱晒。

呢區嘅主要街度Jalan Tun Tan Cheng路口，前面直去10米就係中央市場，右邊行50米係唐人街北面嘅牌坊，左邊行過去有條橋，過左橋直去就係KL Railway Station。

中央市場正門

中央市場側面

中央市場裡面

中央市場附近

行完中央市場都差唔多12點半，開始肚餓所以行去唐人街食lunch。

Jalan Tun Tan Cheng，前面行人天橋附近就係唐人街

唐人街北面嘅牌坊，其實呢條街嘅正式名稱叫茨廠街Jalan Petaling

茨廠街入面，同香港女人街差唔多，專賣老翻

茨廠街真係冇咩好行

茨廠街中段轉向東，前面盡頭條街叫Jalan Sultan，轉右就可以去到南香海南雞飯架啦

呢條就係Jalan Sultan，向前行50米左右就到南香

終於搵到南香海南雞飯啦

南香裡面，唔係好多人食

專程黎試呢味海南雞飯，不過食落覺得麻麻地，個飯唔夠香，D雞又太多油，海南雞飯始終係雀仔園果間最好味

食完飯之後大約都1點半，呢個時候就同同事分道揚鑣，佢返酒店，我就一個人去獨立廣場一帶睇下風景。由唐人街行去獨立廣場要經過中央市場，所以又行返去中央市場，再由果度出發。
待續……….