2007年吉隆坡公幹之旅（Day 2 – Part 3）

之前講到係南香食完lunch之後，我就一個人行去獨立廣場一帶睇風景。由中央廣場出發，沿住Sultan Abdul Samad Building、Royal Selangor Club、獨立廣場、DBKL Library同馬來西亞歷史博物館兜左一圈，只係影下相證明到此一遊，再返去中央廣場，全程都只係花左35分鐘。

行去獨立廣場嘅路上

呢條就係吉隆坡嘅發祥地Klang River

Sultan Abdul Samad Building背面

Jamek Mosque老清真寺

Royal Selangor Club，前面綠色草地就係獨立廣場

Sultan Abdul Samad Building與獨立廣場之間嘅馬路

獨立廣場上嘅世界最高旗竿

從獨立廣場上影到嘅吉隆坡塔

Sultan Abdul Samad Building正面

馬來西亞歷史博物館

雖然只係行左區區35分鐘，但係11月中吉隆坡嘅大熱天時底下，差D中暑。而且吉隆坡真係好多不知明嘅昆蟲，幾次停係大樹下諗住陽光冇咁猛可以舒服D影相，點不知次次都有D蟲蟲跌落我身上，真係俾佢嚇死。

去完獨立廣場之後，我又再次行返去唐人街，今次係想去搵下有冇地方賣拉茶同南洋藥油之類嘅手信。係吉隆坡好似唔係太多士多或者超市，唔知D人去邊度買日常用品架呢？反而7仔就最多，其次係萬寧。

搵左一輪最後終於係Pasar Seni車站附近搵到間叫做uo嘅超市，入面真係好多唔同牌子嘅拉茶同埋白咖啡，不過始終搵唔到藥油。最後買左朋友托買嘅一隻牌子嘅拉茶，呢隻牌子我淨係係呢間超市見過，其他地方都冇。

uo Supermarket，吉隆坡只此一間，其他分店係另外幾個城市

今日嘅收獲，6大包拉茶+2大包拉咖啡

從uo出黎之後，發現個天好似黑黑地，有D想落雨嘅跡象，再加上手上攞住兩大袋野，所以決定先返酒店放低D野先。今次選擇唔坐RapidKL，而係行去最近唐人街嘅Monorail站Maharajaleia坐輕軌火車。

途經唐人街南面嘅牌坊

呢段都係茨廠街，前面直去轉左就到Maharajaleia車站

途經陳氏書院，門口個阿伯叫我入去，我就指住個天示意就黎落雨，跟住急急腳行去車站

Monorail Maharajaleia車站

由Maharajaleia車站坐返酒店附近嘅Bukit Nanas全程5個站，大約10分鐘多D就到。返到酒店大約已經3點半，跟住就開始行雷閃電………

待續……….