《2009年聖誕首爾之旅》- 第三天(1) – 土俗村人參雞、景福宮

2009年12月24日(星期四)，天晴，氣溫：around零度

 

今次旅行唔打算去太多地方，所以跟住呢兩日冇set定幾點起身，一於訓到夠為止。就係咁，今日差唔多十一點先至出門口。今日主要係去參觀景福宮，下午就留係明洞一帶行街shopping，夜晚會上南山首爾塔睇夜景。

 

到達地鐵景福宮站之後，先去有名嘅人參雞店土俗村食返個人參雞湯當係早餐連午餐。土俗村係一條橫街入面，照住旅遊書介紹由景福宮站2號出口行出地面，然後直行見到一條橫街嘅街口有一間GS25（便利店），左轉入去行5步就到架啦。

 

 

同之前係明洞百濟食嘅相比，土俗村嘅參雞湯確實係好多D。

* * * * *

 

食完嘢我地就沿路行返地鐵站再行去景福宮，到達嘅時候啱啱舉行完守城兵換班儀式，不過唔緊要，換班儀式係每小時一次（整點），呢班睇唔到可以較啱時間睇下一班。

 

其實景福宮並唔係好大，如果唔係好有興趣去慢慢欣賞古建築的話，一個鐘時間已經足夠。我地用左啱啱好一個鐘，出返黎剛好睇到守城兵換班儀式。

 

 

待續. . . . . .