2013年日本關西、北陸賞櫻自駕遊

上年3月尾嘅京阪之旅,本來一心想到京都、大阪賞櫻,只可惜舊年天氣回暖嘅時間比正常遲左,攪到係我地旅程期間只係二條城睇到少少早開嘅櫻花。所以今年決定再接再厲,plan好係櫻花盛開期再到京阪賞櫻,點知今年情況剛好與上年倒轉,唔係遲開,而係早開左足足一個星期。嚎啕大哭

2013 Osaka Trip

 

今次旅程原本嘅計劃係八日行程全程都係大阪、京都、神戶同奈良一帶嘅櫻花名所賞櫻,但係當越黎越接近出發日子時,日本各大櫻花預測網站嘅資料都顯示關西嘅櫻花已經提早開花,數手指計一計,到我地到達關西果陣,應該已經係櫻吹雪嘅花期末段,已經唔會再有櫻花盛開嘅靚景。傷心

 

咁嘅情況唯有調整行程啦,好在所有酒店都係經樂天旅行book,房錢未俾而且三日前仲可以取消,所以決定臨時變陣,縮短係關西嘅時間,轉戰較遲開花嘅北陸,同時亦加遊高山同白川鄉兩地。另外,亦係豐田租車網更改租車個booking,因應行程編排將租車日數延長多一日。

 

最後,今次八日七夜日本關西、北陸自駕之旅嘅行程就鐵定如下:

 

Day 1:澳門至大阪,夜遊大阪城,住宿大阪心齋橋Cross Hotel Osaka

Day 2:開始自駕,遊覽大阪櫻之宮公園、萬博記念公園,睇下呢兩處櫻花名所仲有冇櫻花睇,遊覽京都市

區,住宿京都新・都酒店

Day 3:遊覽京都醍醐寺、平安神宮、仁和寺呢D開花較遲嘅櫻花名所,繼續住京都新・都酒店。

Day 4:離開京都前往高山市,途經彥根市,遊覽琵琶湖邊嘅櫻花名所彥根城,遊覽高山市

,住宿高山市本陣平野屋別館

Day 5:離開高山,沿途遊覽白川鄉、金沢近江町市場同埋兼六園,住宿加賀片山津溫泉佳水鄉

Day 6:返回大阪,沿途遊覽東尋坊、敦賀市日本海さかな街魚市場,住宿大阪心齋橋Hotel Vista Grande Osaka

Day 7:遊覽櫻花名所吉野山,返回大阪還車,心齋橋shopping,繼續住大阪心齋橋Hotel Vista Grande Osaka。

Day 8:回程返澳。

 

想知我地最後睇唔睇到櫻花,就要留意之後嘅每日遊記啦!

 

以下先將整個行程嘅重要景點用Google Map整理出黎先。


在較大的地圖上查看2013年日本關西、北陸賞櫻自駕遊

 

今次旅程嘅旅費比平常貴左少少,主要係由於Air Macau機票超貴,但因為有老人家同行唔想經香港,所以貴都冇法,其次係因為行程中有兩日要住京都,而且其中一日仲係星期六,所以京都嘅住宿費比較貴,至於其他酒店價錢同埋租車就同平時差唔同,而且今次入住嘅兩間溫泉旅館都比較平,所以拉暈平均每人每日洗費都係HK$2100左右。

 

今次租車都係經豐田租車店網站租,因為想指定車款租Toyota Sienta呢款車。2010年到關西果次租過Toyota Sienta呢款車,覺得好啱四人同行使用。架車嘅車尾設計同七人車類似,屬於揭背式,車尾有足夠空間可以放得落3-4個26吋旅行喼。而且架車嘅長度又比七人車短,同一般四人房車差唔多,所以好適合一D怕開大車嘅朋友。而更重要嘅係,Toyota Sienta屬於P2 class,一日租車費用只係大約6500円,比P3 class嘅七人車平20%。

 

Toyota Sienta外觀(底下兩張係2010年果次影嘅)

Toyota Sienta_01Toyota Sienta_02

Toyota Sienta_03Toyota Sienta_04

 

車尾空間(下面果張係2010年果次影嘅)

Toyota Sienta_05Toyota Sienta_06

 

車箱內籠

Toyota Sienta_07

Toyota Sienta_08Toyota Sienta_09

 

今次旅程總共租六日車,使用Hertz #1 Club會員卡嘅10%優惠,租車費合共35000幾円,平均每日唔洗6000円。另外,因為旅遊保險已經cover左租車自負額賠償,所以今次租車冇買到每日要1050円嘅免責補償制度

 

以下是今次旅程中入住嘅五間酒店嘅介紹同住宿評價,有興趣可以睇住先。

最後,係今次2013年日本關西、北陸賞櫻自駕遊嘅每日遊記:

 

fb share

如果喜歡這篇文章,請點個「讚」吧!

fb share

13 comments

  • Tiny Tiny

    請問Sienta有倒車影像嗎?我之前幾次租小車都沒有,上次租了serena,有雷達和影像,非常好。如果有的話我下次就租這種model了。謝謝:-)

    • Dilbert MO

      有沒有倒車影像要視乎車輛出廠時的配備或者租車公司在購入車輛後有沒有額外安裝. 一般較新出廠的車輛會有, 而較大的租車公司亦很大機會有安裝.

  • Dilbert MO

    你是指七人車第三排的兩個座位嗎? 如果不需要這兩個座位改為用來放行可以收起它們, 有些車款可以收在底下, 有些只能收起掛起來.
    你可以取車時叫職員幫你收起來, 用英文就可以了, 如果英文溝通上有問題, 可以再配合身體語言.

  • Ivy Lam

    請問1下怎樣跟租車公司說不要最後的2個SEAT位?

  • Dilbert MO

    1. 在關西機場,除了TOYOTA之外,Nippon Rent a Car, 日產和Times Car Rental(即以前的Mazda)都可以取車。這四個租車店的counter都是位於Aeroplaza一樓,即是關西空港日航酒店所在的大廈內。入境後上二樓經行人天橋去到JR車站售票處前你就可看見Aeroplaza,進去下一樓就是。TOCOO都是代理其他租車店的租車,只是你在ToCoo租以下租車店的車,選擇關西機場取車就可以了。

    2. 行高速公路由大阪去京都市中心大約30-40分鐘,大阪去神戶20-25分鐘就可以。

    3. 以的經驗,大部份出租車輛的GPS都沒用MAPCODE功能,主要靠用電話號碼來找目的地。

  • Anonymous

    十分感謝你的解答,對我幫助很大,現在我應該會考慮自駕.

    對了,還想問一下—–

    1. 在關西機場,是不是只有TOYOTA可以取車?如果我在TOCOO.JP租車,你知道機場有櫃位取車嗎?

    2. 至於從大阪去京都,大阪去神戶,分別需要幾多時間?

    3. 大阪租車的GPS是否都是用MAPCODE的?

  • Dilbert MO

    大阪市區的車較多,不過路面塞車並不是太嚴重,但上下班時間高速公路上可能會塞車,另外如果你也會去京都,京都塞車的機會會大一些。
    在日本的城市,只要有一小塊空地,也會被開辟爲泊車位,所以要找泊車位並不困難,一般在橫街內都可以找到泊車位,但市區的泊車費較貴,一般地點較好的要500yen半小時,平的也要300yen半小時。
    如果有小童和老人家同行,自己開車會比較舒服,因為上落地鐵站的距離也不近,對老人家來說很辛苦,如果要抱著小孩也很不方便。

  • Anonymous

    請問一下,在大阪自駕會很塞車嗎?還有停車的地方多嗎?停車費貴嗎?
    因為有小孩同行,所以覺得自駕好像比坐公共交通會好好多,請問你的意見…

  • Dilbert

    我睇過toyota rent a car的網站內的Q&A,裡面有提到有個別租車分店可以借用etc卡,但冇講明邊間有,要打去分店問,難波果間分店電話係06-6647-0100,fax係06-6633-2532,冇獨立email。

  • Andy Wong

    佢個網話要打電話去問同預約,我email咗不過冇回覆。但我見到有台灣人係岡山借到。

    個網係咁寫:
    ナビ、ETCが標準でないクラスについてもご用意できる場合がございますので、予めトヨタレンタカー予約センター(0800-7000-111)またはご利用店舗へお電話にてお問合せください。

  • Dilbert

    我係佢網站見唔到可以借ETC卡所以租車果陣都冇再問佢,如果下次租車果陣真係要試下當場問下。

  • Andy Wong

    我七月都會去關西,跟你一樣係難波豐田租車;我係官網book咗車,架車support ETC,但冇得confirm有冇ETC咭借,email佢又唔覆,有ETC路費平很多。想問你上次借唔借到ETC咭?

  • Andy Wong

    作者已經移除這則留言。

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share