2013年清境、台北自由行 – Day 1 (Part 2):再遊逢甲夜市

係酒店安頓好後,先到附近行一行。台中公園智選假日酒店距離台中火車站唔遠,步行10分鐘就到台中火車站附近嘅中正路一帶嘅商業購物區。

2013年台灣之旅_Day1_34

 

酒店附近嘅街道,建築物大部份都比較舊,街上亦唔算熱鬧。

2013年台灣之旅_Day1_202013年台灣之旅_Day1_21

 

係繼光街見到呢間食綿冰嘅舖頭,先入去食碗綿冰解解暑,不過味道同口感唔係好得。

2013年台灣之旅_Day1_222013年台灣之旅_Day1_23

 

中正路一帶係台中火車站附近嘅商業購物區,呢度比台中公園果邊熱鬧好多。歡樂派對

2013年台灣之旅_Day1_252013年台灣之旅_Day1_24

 

行行下係中山路同綠川東街交界見到有好多人排隊,原來係排隊買雪糕。咁多人排應該好好味。不過因為實在排隊嘅人太多,所以決定聽日係清境返台中之後先試。味道係唔係真係咁得?Day 2行程話你知。眨眼睛

2013年台灣之旅_Day1_262013年台灣之旅_Day1_27

 

呢間舖頭嘅名叫宮原眼科。目瞪口呆?唔通係眼科診所?唔係,呢間其實係一間手信店。個名咁怪以為係日本舖頭,但其實又唔係喎。

2013年台灣之旅_Day1_28

2013年台灣之旅_Day1_292013年台灣之旅_Day1_302013年台灣之旅_Day1_31

 

呢間嘢賣嘅主要都係鳳梨酥、太陽餅呢D台灣手信,不過包裝好攪嘢,但就冇得試食,都唔知好唔好味。不過因為俾佢D包裝吸引,都打算買返D黎做手信,但係因為聽日仲會返台中,所以決定到時先買。最好有冇買?味道得咁得?Day 2行程話你知。眨眼睛

2013年台灣之旅_Day3_482013年台灣之旅_Day3_49

2013年台灣之旅_Day3_502013年台灣之旅_Day3_51

2013年台灣之旅_Day3_522013年台灣之旅_Day3_53

 

係台中火車站附近行到黃昏時候,決定去逢甲夜市掃街。因為係台中坐公車用悠遊卡好著數,而且係台北亦都要用到佢,所以先去7-11買張悠遊卡。不過係7-11買嘅悠遊卡係特別版,要額外俾NT$100卡費,唔似係台北捷運站買悠遊卡咁可以退返按金。不過因為都冇打算cancel張卡,所以都冇咩所謂啦。

2013年台灣之旅_Day1_32

 

去逢甲夜市嘅公車車站係台中火車站前面,坐25路或者35路公車都可以,係逢甲大學站落車就係,因為晚間路上少車,所以車程只係大約半小時。

2013年台灣之旅_Day1_332013年台灣之旅_Day1_342013年台灣之旅_Day1_35

 

用悠遊卡係上車同落車果陣要各嘟一次卡,係台中市內如果短程可以免費,不過遠程都有平,我地由台中火車站去逢甲大學站都係NT$3。

2013年台灣之旅_Day1_36

 

因為係星期日關係,逢甲夜市嘅遊人明顯比上年黎果次多好多。

2013年台灣之旅_Day1_372013年台灣之旅_Day1_38

 

第一時間先買件大腸包小腸食先,好味吐舌頭

2013年台灣之旅_Day1_39

 

跟住繼續一路行、一路食、一路買……

2013年台灣之旅_Day1_402013年台灣之旅_Day1_412013年台灣之旅_Day1_42

2013年台灣之旅_Day1_432013年台灣之旅_Day1_44

 

行完夜市坐返車返酒店休息。返上酒店前係附近便利店買定小食,準備聽日係去清境嘅車上食,仲買左呢隻溫泉蛋,味道唔錯。

2013年台灣之旅_Day1_45

 

– Day 1 完 –

 

Related posts:

fb share

如果喜歡這篇文章,請點個「讚」吧!

fb share

4 comments

  • vivi

    你好~我們也是澳門人。幾年前本來已計劃好到清境,日月潭等觀光,不過也碰巧遇上了颱風,所以最後只好刪除這段行程。今年5月打算再前往清境和日月潭,現想請教一下,我們是零晨機到台北桃園機場,後續的行程希望是先直接到台中,然後是否應從日月潭開始玩?第一晚夜宿日月潭,第二天便前往清境,夜宿清境,第三天回台北再繼續其他行程。這樣你覺得可行嗎?請問應怎樣排才能順一點?
    謝謝!

    • Dilbert MO

      我2012年第1次計劃到清境都係遇著台風被迫改行程.
      遊覽日月潭和清境所需的時間和從台中前往兩地的時間都差不多, 先去日月潭或清境都沒有問題, 最重要是看你哪一天可以訂到清境的心儀民宿.

發佈留言

發佈留言必須填寫的電子郵件地址不會公開。 必填欄位標示為 *

收到您的留言後,小弟會盡快回覆。如果您在留言中提供的電郵地址正確,且已勾選同意接收電郵通知,當您的留言通過審核並有回覆時,系統會寄出電郵通知您。回答您留言所查詢的問題有時候需要一些時間研究,請耐心等待。另外,如果您還未讚好過本Blog Facebook專頁,可以請給我一個讃嗎?!就當作是我花時間和精神解答您問題的一點支持吧。謝謝!

fb share

如果喜歡這篇文章,請點個「讚」吧!

fb share