2011年秋日本北九州自駕遊 – Day 4 (Part 2):阿蘇火山
從阿蘇駅去阿蘇火山大約要再行半個鐘車程,離開阿蘇駅之後嘅上山路段兩旁種沒參天大樹,感覺好似將會進入一片森林。
但其實上山之後係黎到一大片草原嘅高地,景色真係好靚。
前面黑色嘅山就係阿蘇火山,山下面呢片草地叫草千里,呢個影相位一定要停低影返張相啊。
過左草千里就到阿蘇火山下面嘅登山纜車車站
不過因為索道正在進行維修,所以停止運行,呢個消息係出發前已經知道。
纜車站旁邊仲有個小型神社
坐唔到登山纜車,想上去火山口就唯有坐車上去,係纜車站旁邊有小巴上火山口,不過我地自己開車黎,當然唔洗坐小巴,可以自己開車上山,每架車只需要俾600日元路費。
上山路段嘅收費亭
從山下嘅纜車站開車上到火山口旁嘅纜車站只需要4分鐘時間
火山口旁嘅纜車站出面有停車場,將架車泊係度之後就可以開始遊覽阿蘇火山嘅火山口。
火山口旁邊裝有警報器,如果火山出現危險狀況就會發出避難警報。
火山口周圍分佈左好多呢D好似碉堡咁嘅避難處
火山口周圍一片荒涼
呢個就係阿蘇火山嘅火山口
從火山口望返山上嘅纜車站
今晚嘅住宿地點係熊本市內,從阿蘇火山到熊本市大約50公里,行車時間1小時15分鐘左右。
呢間就係今晚入住嘅酒店,叫熊本和数奇司館,個名雖然有D怪怪地,但酒店質素唔錯,房間空間亦相當闊落,最重要係酒店位置極佳,相當方便。
熊本和数奇司館位於熊本市主要嘅購物旅遊區,座落係上通り步行街旁邊,距離熊本市內最熱鬧嘅通町筋只係數步之遙,而且步行3分鐘就可以去到熊本城。
通町筋係熊本市內最熱鬧嘅街道,主要商場和步行街都集中係這裡。
係酒店check-in後先到熊本城旁邊嘅桜の馬場城彩苑桜の小路
桜の小路其實只係一片仿古建築嘅商店街
行完桜の小路返去下通り步行街搵嘢食
是日晚餐
上通り步行街
呢間加茂川旅遊書介紹D雞肉燒出名,所以雖然已經食左晚餐,但都入去食少少當宵夜,好彩仲未關門。
– Day 4 完 –
相關文章:
- 2011年秋日本北九州自駕遊 – Day 1:福岡
- 2011年秋日本北九州自駕遊 – Day 2:門司港、別府
- 2011年秋日本北九州自駕遊 – Day 3 (Part 1):別府地獄
- 2011年秋日本北九州自駕遊 – Day 3 (Part 2):湯布院
- 2011年秋日本北九州自駕遊 – Day 4 (Part 1):九重夢大吊橋
- 2011年秋日本北九州自駕遊 – Day 4 (Part 2):阿蘇火山
- 2011年秋日本北九州自駕遊 – Day 5 (Part 1):熊本城
- 2011年秋日本北九州自駕遊 – Day 5 (Part 2):坐汽車渡輪從熊本到長崎
- 2011年秋日本北九州自駕遊 – Day 6:長崎原爆資料館、烏栖Premium Outlet、福岡
- 2011年秋日本北九州自駕遊 – Day 7-8:福岡Marinoa City
- 住@由布院温泉 朝霧のみえる宿 ゆふいん花由
- 住@別府明礬温泉 岡本屋旅館
- 日本Pocket WiFi Router租借服務:主要租機公司介紹和比較
- 日本忍者WiFi九折優惠益讀者
- 日本九州自駕遊必買:外國自駕遊旅客專用的九州高速公路ETC卡 – Kyushu Expressway Pass
- 如何網上預約熊本至島原的汽車渡輪
熊本和数奇司館的停車場是倉儲式, 位置就在酒店正門旁邊的小巷駛進去, 很方便不會麻煩, 不過如果在出車時遇到有車駛進來, 駛出的車輛需要倒後返回停車場入口前較大的空位, 等來車可以駛進來, 這點算是有小小麻煩.
請問這間旅館泊車麻煩嗎?
【駐車場】
料金 時間
ホテル駐車場 800円 15:00~翌11:30 台数/50台
提携先駐車場 1,000円 15:00~翌11:00
好勁, 咁都食得落宵夜~~~ :P:P