五稜郭公園出發 其實去五稜郭公園只係上去呢個展望塔 五稜郭公園展望塔內 從展望塔俯瞰五稜郭公園全景 從展望塔遠眺函館山 離開五稜郭公園後開始向大沼公園進發，行函館新道唔洗半個鐘就到。

今朝起身第一件事做D乜？當然係打開窗睇下仲有冇落雨啦。哈…哈，個天總算俾面，今日陽光普照，都不知幾好天。 我地入住嘅Comfort Hotel Hakodate就係正函館駅對面，行過對面馬路就係函館朝市，好方便，而今日嘅早餐亦係朝市裡面食。

自駕雖然方便又自由自在，但係由於北海道太大，旅遊景點又太分散，用係行車上嘅時間實在太多，而且行車時間往往係日間最寶貴嘅時段，所以令到係景點遊覽嘅時間太少。另一個問題係，每日都要拾行李，都咪話唔煩。如果有多D時間，每個地方住兩晚咁就perfect啦。

玉乃湯只有20幾間房，感覺上好warm，不過職員就唔係太識英文，所以溝通起上黎有D難度，不過好彩都明白大家意思。而係溫泉方面，男女只有各一個室外溫泉，而且只屬一般。另外，佢嘅房間係冇沖涼設施架，一定要去溫泉浴場度先有得沖。至於晚餐同早餐亦屬一般，整體上我嘅評分都唔係太高。

日係連續六天自駕遊嘅開始。好多人去日本旅遊喜歡自駕，除左自駕有佢嘅樂趣之外，我覺得一定程度上都係迫不得意。其實係日本，除左大阪同東京兩地旅遊點比較集中之外，其他地方嘅旅遊點都相當分散，北海道就係其中最突出嘅地方…

九月尾嘅北海道一般係5:30pm左右天黑，一入黑係室外已經冇咩好行，所以行完大通公園之後就行返札幌站搵地方食Dinner啦。 呢間就係我地係北海道第一餐嘅開餐地點 – 蟹本家 呢間蟹本家位於札幌南口附近，另外仲有一間係薄野。

今次因為要就假期，所以選擇左係中秋+國慶嘅長假期到北海道，既非夏天花季，亦未到滿山紅葉嘅時候，對於旅程的確打左一D折扣，不過可以離開澳門，放低工作無憂無慮咁遊山玩水，即使景色冇預期咁靚，亦已經好開心啦。

等左大半年，今年嘅重點旅行計劃終於可以實現啦，今次嘅目的地就係. . . . . .北海道。其實係年初嘅時候已經計劃以北海道作為今年嘅重點旅遊目的地，而最初係計劃係暑假7月尾嘅時候去睇花架，連大假都已經mark左，只可惜年中時由於工作關係行唔開，最後只有取消計劃。

終於黎到旅程最後一日，因為坐黃昏機，所以都仲有大半日時間可以出去行下。朝早起左梳洗完先執埋行李check-out先，然後將行李寄存係酒店，再請酒店同我地接收李儀餅家會係中午時送到嘅手信。 一切安排好之後出發去忠孝敦化嘅度小月食嘢。

雖然係基隆夜市食左唔少嘢，不過坐左成個鐘火車返到台北之後，開始有D肚餓，所以都係要食返D正式嘅晚餐。於是決定照旅遊書介紹，去左捷運中山站附近嘅肥前屋食鰻魚飯。 我地由台北車站直接坐的士去，好快就到。肥前屋係橫街入面，架的士直接車我地到門口，所以唔洗搵，不過黎到已經見到好多人排緊隊。

今日嘅行程主要係去九份同埋基隆夜市，九份上次有去過，不過基隆夜市就係未去過嘅新景點。朝早起身之後先去西門町嘅鴨肉扁食早餐。 食完早餐先去台北車站買去瑞芳嘅火車飛，因為中午12點先有自強號列車去瑞芳，所以仲有時間係台北車站上面新開嘅微風台北車站(商場)行下。

係陽明山睇完櫻花之後，又坐公車去返捷運劍潭站，然後坐捷運去下一個目的地：淡水。淡水上次都有去過，今次又係重遊。

台灣由1月尾至3月係櫻花季節，雖然冇日本咁多咁靚，但一場黎到都想去睇下，所以今日行程主要係上陽明山賞花。 之前做左功課，以遊客黎講上陽明山最方便係先坐捷運到劍潭站，再坐紅5或260號公車上山，公車站就係面向士林夜市果邊嘅捷運站旁邊。

試過永康牛肉麵之後，我地去左忠孝新生站一帶行下，因為係星期日，所以亦去左附近嘅希望廣場，睇下台灣農產品，主要都係一D米同生果之類，冇咩特別，而且攤位亦唔多。 跟住去左食東區粉圓。 之後返西門町行下，買左少少手信返酒店。

第2日上午去又係一輪食食食，未食之前先去左位於中正紀念堂與永康街之間嘅東門外市場，不過冇咩睇。

繼2007年之後，2009年三月又去左第二次台灣，今次只係去台北hea五日，基本上都係去返上次去過嘅地方。其實呢次行程應該係北海道之旅之前寫完post出黎，不過因為工作關係未有時間，而之後又提唔起勁寫，所以一拖再拖。而家趁住剛剛寫晒首爾聖誕之旅嘅餘興，順便補返呢次台北之旅嘅網誌。

今日既行程係先去參觀世畀文化遺產姬路城，再去神戶食神戶牛和睇夜景。去姬路坐JR特急要差唔多一個小時，單程車票好似要大約1,000円，所以用2,000円買返張一日關西JR-West Rail Pass用黎去姬路、神戶，再返大阪有著數，可以節省差唔多三分之一車費。

因為check-in時預約左8點先食晚餐，返到酒店仲有成三個鐘時間，唯有先係酒店內周圍行下浸下溫泉先。呢間酒店其中一個特色就係大堂有個地方，放左好多和服係度，有不同款式，住客可以隨便取來穿著，所以每浸完一次溫泉搵一次衫都冇問題架，我地都換左幾套，最後check-out時房入面就留低成房和服係度。

今晚住既溫泉酒店叫浜千鳥の湯．海舟，好似2007年10月才開幕，只有一年時間，真係好新，同埋好正，由ToreTore市場開車去大約20分鐘時間。海舟算係白浜較高級既溫泉酒店，價錢比起其他都算係貴好多，今次我地係通過樂天訂房，因為有特價，一泊二食每人都係15,000円，不過呢個價都只係住佢最平果種房。