2007年大阪、京都五天自由行(计划篇)

早排做野做到闷闷地,好想出去旅行下,咁啱十一国庆有两日假,仲咁好彩撞正系星期一二添,只要请多两三日假就有个long vacation啦,啱晒去旅行。咁啱CTMAir Macau又有promotion,用尊壹会会员卡买大阪package可以减成1千蚊咁着数,于是决定就去大阪囉。

 

去到旅行社一问,9月30日 出发班机原来仲有last两个位。咁好彩 唔去都唔得啦,哈…哈…。之后睇下睇下,原来旅行社自己卖嘅package计落仲抵过用CTM尊壹会会员卡买Air Macau个package,所以最后都系买左东X游旅行社(个字太深唔识打)个大阪5日4夜package,来回机票加4晚酒店(酒店住心斋桥Cross Hotel包早餐),每人都只系港币3,899。不过佢个package就限死左只可以留5日,冇得extend。横掂自己都只系plan去玩5日,都冇打算再留长d,所以个package啱晒,而且仲唔洗自己回程时打电话去confirm机位添。

 

由于今次决定去旅行嘅时间比较赶,由决定到出发都只得10日时间,所以冇咩时间做详细嘅planning。买左package之后,第一时间去书店买返本旅游书先。我觉得“长空自游系列006” 呢套书几好,所以今次都系买左呢个系列嘅“京都大阪…食玩买终极天书”。

 

不过旅游书只可以作为到时嘅盲公竹,用黎按图索骥咁揾d旅游点,但系对于plan个行程冇咩大帮助。要plan旅游行程,最方便、可靠、快捷又update嘅方法就系上网睇下人地post出黎嘅资料,网上好多讨论区同埋BLOG都有好多人将自己旅游嘅资料同心得post出黎,等有需要嘅人参考。我就系参考下面呢几个关于日本关西自由行嘅post黎plan今次个行程,呢几个post嘅作者真系好有心机,d资料好啱用,最啱我呢d唔识日文又系第一次去日本嘅新仔。

 

关西(大阪、京都、神户一带)旅游资料分享(新增:购物篇)! – by mcmelody

http://www14.discuss.com.hk/viewthread.php?tid=4325627&extra=page%3d1

(多相)2006年尾京都红叶+和歌山温泉+大阪9天游(终于完成!) – by mcmelody

http://www5.discuss.com.hk/viewthread.php?tid=5074956

(多相)2007年初夏关西京阪神饮饮食食+有马温泉+热到儍8天游 – by mcmelody

http://www5.discuss.com.hk/viewthread.php?tid=4626047

日本旅游精华录 – 入面有好多9月尾10月头既新post

http://www18.discuss.com.hk/forumdisplay.php?fid=642

谭生的逸游馆

http://piggus.net/japan/post/1/241

 

plan行程嘅第一步当然系决定去边d地方先啦,所以要先睇下旅游书嘅景点图片同介绍,又花左一d时间睇网上其他人嘅分享,睇下有边d值得去。决定左去边d地方之后,下一步就系将d要去嘅地方串联起黎,计划个行程点样走。呢个step都几重要而且又几烦下架,因为要预计每个地方要花费几多时间行同玩,同埋要睇埋用咩交通工具去同要花几多时间到,而且仲要留意景点嘅开放时间,唔系去到摸门丁就唔好啦。

 

经过几晚努力之后,今次大阪、京都五天自由行嘅planning终于搅掂,五日嘅行程大致系:

Day 1 – 坐飞机(话就话5日,但系因为飞机中午1点几先起飞,所以第1日主要系坐飞机。)

Day 2 – 游览京都(岚山、天龙寺、清水寺、祇园、河原町)

Day 3 – 环球影城、梅田

Day 4 – 大阪城、天保山、心斋桥、道顿堀、难波

Day 5 – 黑门市场、堀江、美国村、南船场,坐飞机(好彩回程系夜晚7点机,第5日都仲有6~7个钟玩)

 

最后计埋成个行程嘅预算,大致系咁:

(用澳门币计)

机票连酒店Package(因为已经俾左,系实数唔系预算)            8,048

机场税+燃油附加费(都系已经俾左,系实数唔系预算)           1,180

交通费+入场券                                                                                   2,200

Lunch+Dinner+食野                                                                            4,000

两个人嘅旅费总预算大约系MOP15,428(唔计买野同手信)

 

计划完成,等出发………

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share