2007年吉隆坡公干之旅（Day 1 – Part 2）

之前讲到系酒店check-in完已经7点几，跟住见肚饭（因为机上个饭实在太少），所以先出去揾下野食先啦。

吉隆坡同澳门冇时差，但系由于系西面，而且又近赤道，所以7点钟太阳都仲未落山。由于初到贵境人生路不熟，所以决定坐轻轨火车（Monorail）去比较多人嘅Bukit Bintang（星光大道）一带睇下先。

要去Monorail车站好容易，只要跟住架空嘅路轨行就可以架啦。我地住嘅Shangrila Hotel啱啱系正Bukit Nanas同Raja Chulan两个车站之间，第一次唔识路所以决定行去Bukit Bintang方向嘅Raja Chulan站，行左大约5分钟就到，后来发现Bukit Bintang近D，行过去只需2~3分钟，所以之后几日都系去Bukit Bintang站。

酒店前嘅十字路口（呢张相系第二日朝早影架）

想过马路记得要按一下呢个制，如果唔系有排都唔转绿灯

Monorail Bukit Nanas车站（呢张相系第二日影架）

Mono火车埋站（呢张相都系第二日影架）

Mono火车架驶室（呢张相又系第二日影架），呢边系车尾，所以唔见个司机

其实吉隆坡市区并唔系太大，由酒店行去Bukit Bintang都系只需要10~15分钟时间，如果坐Monorail，要坐两个站，车费RM1.2，车程唔洗3分钟就到。

Monorail Bukit Bintang车站

落左车就系Bukit Bintang路同Sultan Ismail路交界处嘅十字路口，D人叫Bukit Bintang路做星光大道，记得几年前跟星马团黎过呢头，不过果阵坐旅游巴，黎完都唔知自己系边。

Bukit Bintang路同Sultan Ismail路交界处嘅十字路口，成日都好多人

Bukit Bintang路，又系超多人

又系Bukit Bintang路

我地系Bukit Bintang路行左一阵，见到有间叫新驰名鸡饭嘅舖头门面几靓，又几多人食，于是入去医下肚先。

新驰名鸡饭，位于Bukit Bintang路50号，由Bukit Bintang路同Sultan Ismail路交界处嘅十字路口向西行（即系亚罗街方向），大约100米就到

餐牌

招牌菜鸡饭，RM6.5一个，碟菜系另叫架；个饭系鸡油饭（即系海南鸡饭果种），好好味，碟鸡唔知点整，唔系海南鸡，不过好好好味，唔怪得个个都叫呢味。

食完饭之后行左过去对面D商场行下，因为第一次黎，虽然有地图在手，但系都搅唔清楚D商场嘅位置。不过之后几日再黎过两次，已经摸清晒D位置。

Bukit Bintang可以以Sultan Ismail路做分界，西面系一D比较大众化嘅商场同食店，而东面睇落就high好多，有好多名店同餐厅。

其实Bukit Bintang一带都好细，D商场又系好细，而且一个连住一个，如果唔买野，唔洗半个钟就行完。Bukit Bintang西面主要嘅商场有Sungei Wang Plaza（金河广场）、BB、Low Yat Plaza、Imbi Plaza，另外行过Imbi路对面有间呢区最大嘅Time Square。而东面就有Lot 10…..其他唔知，因为太high冇行过，只系过去影下相。

星光大道

金河广场门口

从马路对面影嘅金河广场正门（呢张相系第二日影架）

金河广场入面，同旺角D商场冇咩分别

金河广场隔离嘅Plaza Low Yat，专卖电脑产品同手提电话

第一日到步，行到9点几探完路就坐返Monorail返酒店休息先，今次坐去Bukit Nanas站落车。