2008年东京春季赏樱＋温泉之旅（第六天） – 仙石原一之汤、大涌谷、箱根汤本

2008年3月31日（上午有雨，下午天晴，气温7~14度）

行程：一之汤温泉旅馆 _ 大涌谷 _ 箱根汤本 _ 新宿 _ 涉谷

呢一晚真系成个行程中训得最好嘅一晚，不过半夜就发生左一D不可思议事件。话说我地系雨天下听住雨声好舒服咁入睡之后，训训下去到大约半夜时份，俾D”沙沙”声嘈醒左，本来唔想理佢架，不过嘈住晒好硬耳，于是咪起身睇下囉，原来系个电视自己开着左，不过画面就只得雪花。我估可能系之前只系用遥控器熄部电视，之后因为机器故障而引至自动开返啦。不过当时都唔得闲分析咁多，因为好眼训，所以将电视机个制熄左佢就继续训觉，好彩佢之后冇又再开返。

训左一觉好觉果朝7点半就起左身，可能呢几日都习惯左呢个时辰起身啦。于是趁住未有早餐食同埋唔系咁多人，再去浸多一次温泉。今次又系得我一个包晒个场，朝早因为光D，所以可以睇清楚个室外温泉嘅环境，同前一晚浸嘅Feel又有D唔同。

其实朝早8点开始就有得食早餐，只要入去食堂有位就可以食架啦。我地摸到8点半先去食，发现果晚除左我地之外，仲有几个香港人同几个台湾人。

早餐，左下角条鱼系主食，味道唔错架，而左上角果旧系豆腐球，超难食

因为个天仲系不停咁落雨，所以我地都唔急住走，慢慢食完早餐之后再摸到差唔多10点先Check-out走人。因为落雨关系，所以决定今日只系去大涌谷，然后返去箱根汤本买完手信就早D返新宿。

因为谂住从桃源台坐吊车上大涌谷，所以今次唔系去返寻日落车个大原巴士站坐巴士，而系去仙石原文化センター前个巴士站等车，发现路程比去大原长左一半，不过其实都系好快到姐。

仙石原文化センター前个巴士站

可能朝早巴士班次少，我地足足等左20分钟先有车，当时又冻又落住雨，巴士站附近又冇瓦遮头，好惨。

可能星期一又早嘅关系，大涌谷唔系太多游客，主要都系一车车旅行团。

呢度就系大涌谷啦，未行出去已经闻到好刺鼻嘅硫磺味

系一之汤浸嘅温泉就系呢D水

担住遮行上去都好唔方便，其实主要都系上去上面间屋仔度买返一包黑玉子姐

大涌谷出名嘅黑玉子就系呢度卖，500円一包有6只，平过山下卖果D，又新鲜D

黑玉子其实就系用温泉水煮熟嘅鸡蛋，不过因为有硫磺，所以浸完个外壳变成黑色，听讲食一只可以延长寿命十年架，我地买左一包，有6只，每人分左两只，各增加左20年寿命，嘻嘻。

系大涌谷逗留到大约12点，之后我地就坐返吊车转缆车到强罗，再转坐登山电车去箱根汤本，准备买完手信就返新宿。

箱根汤本駅出口

一出箱根汤本駅就系手信街，好多手信卖，所以如果打算系箱根汤本坐车返东京，可以留返系呢度先买手信，唔洗系山上买左攞住咁辛苦啦。

箱根汤本手信街

都系箱根汤本手信街

好古老嘅收银机啊

箱根汤本手信街后面有条咁嘅河

河上有条桥，对面就系富士屋

我地系箱根汤本行左两个钟，揾左间舖头食完Dinner就走人囉。因为人唔多，好容易可以买到指定席飞。因为系箱根汤本上车嘅人唔多，其实就算唔买指定席飞都有位坐，不过费事中途俾人叫起身，所以都系用多870円买个安心好D。

唔知系唔系个天玩我地，当火车开始离开箱根汤本时，个天就唔再落雨，之后仲慢慢有返阳光添，不过沿途仍然冇机会睇到富士山。

回程都系坐左大约个半钟多D，4点4左右就返到新宿駅，跟住先顺便行过去买定后日去机场嘅巴士车飞，车费要3,000円一位。5点返到新宿太子Check-in，之前几日住对住火车轨果边，觉得火车经过时有D嘈，所以今次要求佢俾另一边对住歌舞伎町嘅房，不过觉得都系无乜分别既。

系酒店休息左个几钟，系时候出去揾食啦，今晚决定去位于涉谷嘅美登利食寿司。美登利就系对住涉谷车站嘅Mark City4楼，Mark City入面冇咩舖头，不过因为系转车必经之路，所以都好多人。我地去到果阵大约系7点，已经有20几人排紧队啦，最后排左45分钟先入到去食，真系好受欢迎啊。

美登利门口

我地点左嘅其中两样野，一个寿司Set，另外一个海鲜蒸水蛋，好味…..

食完野跟住系涉谷行下，然后就返酒店休息啦。

涉谷车站外，棵樱花树好靓啊

涉谷