2012年巴黎、伦敦双城之旅 – Day 7:尽用London Pass,一天游览西敏寺、泰晤士河、伦敦塔
寻日一到伦敦就去攞左张两日期嘅London Pass,今日开始使用。为左尽用张Pass,今日嘅行程集中安排去几个重要又可以用到London Pass入场嘅伦敦著名景点,不过伦敦嘅旅游景点好多都系下午5点就关门,所以一日其实去唔到好多地方。
今日嘅行程安排系:酒店 (步行) > 西敏寺(Westminster Abbey) > 唐宁街(Downing St) > 皇家骑兵卫队总部(Horse Guards) > 皇家骑兵博物馆(The Household Cavalry Museum) > 国宴厅(Banqueting House) > 大本钟(Big Ben) > 威斯敏斯特大桥 > 威斯敏斯特码头 > 泰晤士河游船河 > 伦敦塔(Tower of London) > 塔桥(Tower Bridge)
开始今日行程之前,先系酒店附近间Starbucks食早餐。
第一个景点系西敏寺(Westminster Abbey),直译系威斯敏斯特教堂,从我地住嘅酒店行5-6分钟就到。
西敏寺入口设系教堂侧边,持有London Pass可以行专用通道,唔洗排队,不过因为时间尚早,入场游客唔多,未见有人龙。
教堂入面有中文导赏耳机,地方虽然唔大,但慢慢参观都行左成个钟时间,可惜教堂里面禁止影相,冇相睇,不过教堂内院嘅走廊可以任影。
教堂出口旁边有间手信店,售卖嘅主要系同西敏寺有关嘅纪念品,唔少只系呢度先有得卖。
国会大厦附近今日有劳工团体游行
人有三急,不过呢头好难揾到toilet,唯有帮衬地铁站入口里面呢间收费厕所。
参观完西敏寺,跟住要去皇家骑兵卫队总部睇换更仪式,呢度附近仲有皇家骑兵博物馆、唐宁街、 国宴厅等景点,都集中系连接特拉法加广场同国会广场之间嘅呢条Whitehall大街。
呢条就系唐宁街,首相府就系围栏入面嘅唐宁街10号。
重头戏系呢个皇家骑兵卫队总部,除左可以同威风凛凛嘅骑兵合照之外,最主要嘅节目系黎呢度睇骑兵换更仪式,而且唔洗入场费,绝对不容错过。皇家骑兵卫队换更仪式系上午11点举行,黎到时间啱啱好。
换更仪式系骑兵卫队总部里面嘅泥地广场举行
系举行换更仪式嘅皇家骑兵卫队总部嘅泥地广场旁边有一个小型嘅皇家骑兵博物馆,横掂用London Pass可以免费入场,所以睇完换更仪式顺便入去参观下,不过里面其实冇咩特别,如果冇Pass要另外买飞就冇谓入去啦。
离开皇家骑兵卫队总部之后,顺道过去对面嘅国宴厅(Banqueting House)参观,国宴厅开放参观嘅地方就只系得呢个大厅,一眼睇完。
系国宴厅只系逗留左一阵,之后行返过去威斯敏斯特大桥(Westminster Bridge),呢度系影国会大厦同大笨钟嘅最佳位置。
从大桥上观赏泰晤士河同对岸嘅伦敦眼。
威斯敏斯特大桥旁边嘅威斯敏斯特码头(Westminster Pier),系乘搭游船游览泰晤士河嘅起点。
系呢度行落去就系码头
用London Pass可以免费坐City Cruises嘅游览船,不过都需要系售价亭出返张正式嘅船飞。
出完船飞就由呢边入去码头等船到。
船到啦,呢只就系City Cruises嘅游览船。想360度无遮无挡欣赏泰晤士河景色就要坐顶层嘅露天座位,如果怕大风亦可以坐楼下。
游览船驶离威斯敏斯特码头,呢一段系影大笨钟同国会大厦嘅最佳时机。
再停靠对面岸伦敦眼下嘅码头上另一批乘客。
之后就慢慢欣赏泰晤士河沿途景色
City Cruises游览船从威斯敏斯特码头开出,终点站系格林威治,中途会停靠伦敦塔,因为呢度系重要景点,大多数游客会系呢度上岸,我地亦都坐到呢度为止,上岸去伦敦塔游览。
开始参观伦敦塔之前先医饱个肚先。
伦敦塔入口,用London Pass可以唔驶排队。
伦敦塔地方虽然唔系好大,但系值得睇嘅嘢唔少,系呢度都用左唔少时间。
伦敦塔旁边呢座桥就系塔桥,两座塔同塔顶之间嘅连接通道系介绍塔桥历史嘅展览厅,趁未关门去埋呢个景点。
呢日游览景点嘅入场券,因为伦敦塔同国宴厅就咁出示London Pass就可以入场,所以冇入场券。今日去嘅景点如果单独买入场券,以当时价钱计算总共要66.5英镑,而2 days嘅London Pass折左之后就只系57.95英镑,未计第二日去嘅景点入场费,都已经悭左好多。
– Day 7 完 –
Related posts:
- 伦敦通行证(London Pass): 伦敦自由行必买! – 如何购买伦敦通行证 (内附最新折扣代码)
- 伦敦旅游交通费悭钱攻略:应该购买 Oyster 还是 Travelcard?
- 伦敦景点门票“两人同行一人价钱” (London Travelcard 2FOR1 Offers)
- 巴黎旅游交通费悭钱攻略:如何使用自助售票机购买地铁Ticket t+车票?
- 游巴黎,Paris Pass与Museum Pass哪种更省钱?
- 如何购买欧洲之星(EuroStar)车票
- 住@巴黎Hotel Cordelia Paris
- 住@伦敦St Ermin’s Hotel – MGallery Collection
- 伦敦酒店推介
- 伦敦免费WiFi网络
- 2012年巴黎、伦敦双城之旅 – Day 1:飞向巴黎
- 2012年巴黎、伦敦双城之旅 – Day 2:游览巴黎圣心堂
- 2012年巴黎、伦敦双城之旅 – Day 3:巴黎圣母院、罗浮宫、凯旋门
- 2012年巴黎、伦敦双城之旅 – Day 4:凡尔赛宫、艾菲尔铁塔、塞纳河游船河
- 2012年巴黎、伦敦双城之旅 – Day 5:巴黎老佛爷百货扫货
- 2012年巴黎、伦敦双城之旅 – Day 6:坐欧洲之星巴黎到伦敦
- 2012年巴黎、伦敦双城之旅 – Day 8:圣保罗大教堂、Covent Garden
- 2012年巴黎、伦敦双城之旅 – Day 9:白金汉宫看禁卫军换更
- 2012年巴黎、伦敦双城之旅 – Day 10:大英博物馆
雖然官網沒有特別說明, 但我想只要在London pass有效的日子之內, 任何一天都應該可以換到一張1天有放的City Cruises船票, 一天之內可以無限次坐船. 即是如果你買的是2 days的london pass, 第一天可以換一張船票, 第二天也應該可以再換到一張.
City Cruises的時間表可以在以下網頁下載:
http://citycruises.com/userfiles/files/2013_Winter_Timetable.pdf
Dilber您好:我想请问买两天London Pass搭City Cruises系无限次还是有限次数,开船时间系由早上十点,我想请问最后一班船会系几点?唔该嗮