2010年秋日本中部自驾游 – Day 5:立山駅、美女平、黑部峡谷观光火车
按计划今日会上立山黑部,系今次旅程嘅重头戏。不过因为寻日气温突降,系立山山上落左场大雪,今日去到山脚嘅立山駅先知道山上嘅立山高原巴士停驶,食左闭门羹。
寻晚见天气转差已经心知不妙,今朝一早系酒店大堂用电脑上去立山黑部官方网站睇下有咩新消息,但系网站冇发布任何消息,所以决定按原定计划前往立山駅睇睇。
富山市内嘅主要交通工具系电车,可惜未有机会试坐。
从富山市前往立山駅嘅路上,虽然天阴阴,但好在已经停左雨。
接近山脚可以见到满山红叶
无论系唔系自驾,立山黑部嘅行程都令人好头痛,因为立山黑部路线由西至东贯穿立山,如果想要有充足时间游览,最好系由其中一边上山,再由另一边落山,咁样就唔洗行返转头,唔洗赶时间。不过如果自已开车去,因为架车泊左系山脚,所以冇办法一定要系上山嘅同一边落下攞返架车。其实就算唔系自驾,带住大件行李上山亦都唔系咁方便。
立山黑部西边嘅出入口系立山駅,东边系扇泽,两地之间相距170公里,开车要3个半钟。如果自驾又想系一边上山,另一边落山,可以帮衬车辆回送服务,帮你将架车由一边开去另一边,不过服务费要2万几日元。如果唔系自驾,亦可以帮衬行李回送服务,每件千几日元。
立山駅出面有多个停车场,免费任泊,今山上唔到山所以停车场空空如也。
如果唔系自驾,可以由富山駅坐富山电铁到山立駅。
因为封山,立山駅周围都好冷清。
立山駅
售票处就系车站右边,可以系呢度买飞,如果旺季怕买唔到,亦可以先系网上预约。
由于山上落雪,立山駅呢边只可以去到美女平。虽然美女平冇乜嘢睇,但系一场黎到冇理由唔上一上去。立山駅至美女平嘅登山缆车来回车票。
立山駅
车站内设有几个Locker
立山駅到美女平坐嘅登山缆车
缆车车道
窗外美景
到左美女平,车站显示室堂附近”吹雪”,高原巴士停驶。
GPS显示我地身处美女平
因为停驶,美女平駅出面嘅巴士都停晒系度。
美女平本身冇乜嘢睇,系度影下相返落山。
从登山缆车望落立山駅
冇得上立山黑部,唯有提早入去字奈月温泉。本黎系计划听朝先去坐黑部峡谷观光火车,而家改变行程,今日先坐小火车游览黑部峡谷啦。
黑部铁路字奈月駅出面有个大停车场,不过系要收费架。
车站里面亦有Locker可以放行李
虽然车票都可以网上预约,但手续好麻烦,都系去到车站大堂先买车票好D。
黑部峡谷观光火车分为普通客车、特别客车同逍遥客车三种不同的车种,普通客车系开放式车厢,冇遮冇挡,由于峡谷里面好大风,而且天气又冻,坐普通客车可能会冻僵,所以我地选择坐特别客车,虽然要另外俾多300几Yen买多张特别客车车票,但系都值得。而逍遥客车就比特别客车高级一D,但系要俾多500几Yen。
呢种就系普通客车,如果唔系夏天坐起黎风凉水冷都几辛苦。
我地坐呢种特别客车
黑部峡谷观光火车月台
黑部峡谷系今个旅程见到最靓红叶嘅地方,风景一流。
黑部峡谷观光火车分别设有宇奈月、黒薙、钟钓同榉平四个车站,买车票时一定要指定去边个站,唔可以买一张车票个个站都落车,因为车票系落车之后就会冇效,所以就算你买左张由宇奈月到最后一个站榉平嘅车票,如果你中途系黒薙或钟钓落左车,想再去返榉平都要重新买过车票,所以如果想个个站都去,可以分别到各个站嘅单程车票,例先买由宇奈月到黒薙嘅单程车票,再买由黒薙到钟钓嘅单程车票,然后买由钟钓到榉平嘅嘅单程车票,最后买由榉平返宇奈月嘅单程车票。
我地只系由宇奈月直接去榉平,冇去黒薙同钟钓。
榉平駅
车站内有食事处,中午就系呢度食。
榉平駅外嘅观景台
从宇奈月坐观光火车到榉平单程差唔多要80分钟,唔计游览时间净系坐观光火车来回都要接近三个钟。游览完黑部峡谷,今日嘅旅程又结束啦,今晚入住宇奈月温泉呢间叫宇奈月温泉 ホテル黒部嘅温泉旅馆,详细介绍可以睇呢篇住@宇奈月温泉 ホテル黒部。
今晚间房
今晚晚餐
– Day 5 完 –
相关文章:
- 2010年秋日本中部自驾游 – Day 1:名古屋
- 2010年秋日本中部自驾游 – Day 2:土岐Premium Outlet、惠那峡
- 2010年秋日本中部自驾游 – Day 3:游下吕温泉合掌村、飞騨の里、高山古并町老街
- 2010年秋日本中部自驾游 – Day 4:宫川朝市、樱山八幡宫、飞騨古川、误闯雪山
- 2010年秋日本中部自驾游 – Day 6:金沢兼六园、近江町市场、金沢21世纪美术馆
- 2010年秋日本中部自驾游 – Day 7:白川乡
- 2010年秋日本中部自驾游 – Day 8:长岛三井Outlet
- 2010年秋日本中部自驾游 – Day 9:名古屋城、荣、大须商店街
- 2010年秋日本中部自驾游 – Day 10:中部国际空港
- 名古屋酒店推介
- 住@名鉄イン名古屋桜通
- 住@スパホテルアルピナ飞騨高山 (Spa Hotel Alpina Hida Takayama)
- 住@下吕观光ホテル本馆
- 住@宇奈月温泉 ホテル黒部 (Hotel Kurobe)
- 日本中部自驾游必买:外国自驾游旅客专用的中日本高速公路ETC卡 – Central Nippon Expressway Pass
- 日本Pocket WiFi Router租借服务:主要租机公司介绍和比较
- 日本忍者WiFi九折优惠益读者
有关上网买立山黑部车票,我见要填地址,那预订是票会寄给我们还是到店时预定号码即可?thanks
车票是在车站售票处取的, 这是官方的Q&A:
You can receive your ticket on the date of boarding by showing the “Message from Web Ticket Office” or providing the reservation number and identification at the Web ticket office.
其实你只要填饭店的地址就可以
因为不是寄车票去酒店的,是通过电邮通知你的,所以……他只是要一个你在日本时的地址
谢谢你的回复啊!
但去到黑部水库已经差不多尾站?你记得大概用了多少时间?
谢谢!
我没有实际去到, 因为封山去不到, 只是在planning时估计过时间, 大既2点半左右可以从立山駅去到黑部水库, 不过如果是旺季, 可能就不可能.
我有去,我是4月17日上山的,早上9时在立山駅出发,大约在下午3时在黑部湖回程,回到立山駅刚好下午5时半
Hi,
谢谢你的分享啊!
我们3人将会6/23-7/7到名古屋, 大概14日, 预算去的地方跟你的差不多, 但会去埋上高地, 第一晚到名古屋已经晚上8点, 我们正在苦恼到立山那天, 怎样处理行李, 请问你们是给立山回送行李费,或代驾?
Thanks!
Gladys
我去立山时因落雪封了山, 只上了美女平. 因为自驾又不想花费请公司代驾去山另一边, 所以我们原本的计划都是打算下午2点去到黑部水库后折返立山駅.
你好呀,我想有少少关于上立山既问题问下~~
因为我会开山第一日上山,3月17号开始卖飞,我上网买,但系佢唔俾我地俾钱,我上网揾点解,有BLOGGER话最后佢自己都要用AEON先买到,我想问,如果我开山果日预先买唔到飞,我会唔会有机会上唔到山﹖
因为我本身系10月买左HKE大阪特价机票,咁岩撞到佢4月16开山,我15号到大阪
由于突然决定去,成本增加左好多,所以想确定一定去到
我2010年去果阵立山黑部嘅网上预售车票仲未有呢个官方英文版, 所以唔清楚系英文官网买票系唔系可以用海外信用卡付款, 不过从呢个英文官网嘅Q&A中, 付款方式只得一种, 就系信用卡, 可能海外信用卡都可以用, 你可以试下.
http://www.alpen-route.com/ticket/en/index.html
嗯,好……THX~~
我终于买到喇,唔该晒~~