仙石原一之汤网页度教人搭巴士去到”仙石原文化センター前”站落车，然后再行6分钟路就可以去到，不过之前系网上见有去过嘅人介绍系”大原”站落车会比较方便，所以我地都谂住坐去大原站。问左司机原来架车唔去仙石原文化センター前，但就会去大原，咁当然啱晒我地啦。

今日好兴奋啊，因为接住两日会离开东京去箱根游览，其实小弟对郊外地方比较有兴趣，反而大城市就麻麻地，所以对接住呢两日嘅行程好期待，可惜天公不造美，系东京嘅时候好地地，但系一去到箱根就落雨，仲系要落到我地上火车离开果阵就停，咁玩野，系唔系唔欢迎先？