2013年清境、台北自由行 – Day 5：第一次北投浸溫泉
到過台北咁多次，今日係第一次去北投浸溫泉。雖然從西門町坐捷運去北投都好方便，不過因為唔想拖住行李咁麻煩，所以今日check-out之後先將行李寄存係inHouse Hotel，等聽日中午返黎攞返再去機場。
雖然inHouse Hotel有提供免費早餐，不過今日想食鴨肉扁，所以唔係酒店食，check-out之後寄存好行李，就先到鴨肉扁食嘢。鍾意鴨肉扁其實並唔係覺得佢嘅鵝肉好味，而係鍾意佢碗米粉。
今日上午嘅行程主要都係食嘢，係鴨肉扁食完早餐冇幾耐，我地又去到忠孝敦化站附近間度小月食午餐。
佢嘅擔擔麵我地比較鍾意撈麵，感覺比湯麵好味，當然兩者各有風味。
食完度小月，再行過去東區粉圓，因為冇肚食太多，只係要有一碗。
食完晒嘢係時候入去北投溫泉啦，由市區去到北投溫泉大約要大半個鐘，需要係北投站轉車到新北投站。從北投去新北投嘅路程好短，行走兩個站之間嘅列車係以北投溫泉作為主題設計嘅特制車廂。
捷運新北投車站
今次係北投溫泉入住嘅係一間比較新嘅小型溫泉旅館，叫倆人旅店，詳細嘅住宿介紹可以參考呢篇住@北投倆人旅店(Hotel Double One) 。
到左新北投站之後我地第一時間打電話去旅館，好快就有車出黎載我地入去。
以下係倆人旅店嘅部份照片，詳細內容請睇呢篇住@北投倆人旅店(Hotel Double One) 。
係旅店抖左一陣之後，我地就從倆人旅店步行出去地熱谷同北投溫泉博物館一帶行下。
呢間係北投溫泉新開嘅日本溫泉酒店日勝生加賀屋國際溫泉飯店(Radium Kagaya)，從外面睇已經感覺好豪，而且酒店就係北投溫泉博物館，距離捷運新北投站亦好近。
另一間距離捷運新北投站更近嘅溫泉酒店係呢間水美溫泉會館(Sweetme Hotspring Resort)，一行出捷運站向前行過左馬路就係，超近。
住係溫泉旅館嘅節目通常都只係食下晚餐，浸下溫泉hea下。不過呢間倆人旅店並冇大浴場，只可以係房內浸，唔係太過引，而晚餐時間連埋我地亦只得三枱人，好冷清。
– Day 5 完 –
Related posts:
- 台北酒店推介(Part 1) – 西門町附近10間精選酒店住宿推薦
- 台北酒店推介(Part 2) – 台北車站附近10間精選酒店住宿推薦
- 台北中山區酒店推介
- 台北廉價住宿推介
- 台中酒店推介
- 台灣清境民宿推介
- 住@台北西門町薆悅酒店(inHouse Hotel)
- 住@台北西門町頭等艙飯店(Airline Inn)
- 住@台北寶格利時尚旅館(Burgary Hotel)
- 住@台北丹迪旅店-天津店(Dandy Hotel Tianjin)
- 住@台北馥敦飯店-復北館(Fullerton Hotel North)
- 住@北投倆人旅店(Hotel Double One)
- 住@台中碧根行館(Beacon Hotel)
- 住@台中公園智選假日酒店
- 住@清境香格里拉音樂城堡
- 台灣iTaiwan免費Wifi開放遊客申請
- 如何申請台灣7-11 免費wifi帳號
- 2013年清境、台北自由行：
如果喜歡這篇文章，請點個「讚」吧！