2015年韓國首爾+釜山賞櫻之旅(Day 3) – 釜山南浦洞BIFF廣場黑糖餅、富平巨人炸雞
第三日至第五日呢三日我哋會去釜山同鎮海睇櫻花,頭兩日喺首爾完全見唔到有櫻花,希望去到釜山真係有櫻花睇啦。
喺釜山返嚟首爾之後我哋會繼續住返Loisir Hotel Seoul Myeongdong,所以將其中一個行李喼寄存喺酒店,只帶一個去釜山。
今朝早餐又係食Isaac,不過買咗之後攞去火車站先食。
今日由首爾去釜山同埋三日後由釜山返首爾嘅KTX車票本嚟喺仁川機場個Travel Center換KR Pass果陣已經買好咗,不過回程車票買咗下午兩點半,後尾諗諗下不如晏D返,等第三日喺釜山有多D時間去多個景點,所以去到首爾站先去售票處cancel原來張回程車飛,重新買過下午四點半果班KTX。因為我哋用KR Pass,所以cancel同買過另一班車都唔需要再俾錢。
改完車飛仲有時間,係大堂坐低食埋個Isaac三文治先。
係時候上火車啦。火車嘅上車月台可以喺大型顯示屏見到。
坐KTX感覺好求其,因為冇任何閘口,亦冇人查車飛,自己行落去月台上車就得。
火車上面可以放大行李喼嘅行李架其實唔多,如果從首爾出發,最好早D上車以防冇位放行李,如果行李架真係Full晒,可以將行李喼塞入最後一排座位後面嘅空位,背囊之類就可以放喺座位上面嘅架度。
開車啦,下面係幾張沿途風景。
去到南部,路邊開始見到有櫻花啦。
KTX上面雖然話有免費WiFi,但係信號好弱,完全上唔到網,好彩自己有租WiFi蛋。
坐咗差唔多三個鐘終於去到釜山啦,落車同上車一樣又係冇閘口同查車飛,就咁落車行出去就係。
KTX釜山站同地鐵釜山站唔係相連,如果要坐地鐵要先行出火車站,再入去地鐵站。由於落緊雨,我哋出咗火車站見到的士就即上。我哋喺釜山住嘅酒店叫Hotel Aventree Busan,中文叫亞雲樹酒店,或者叫阿文樹酒店,就喺南浦洞離釜山站唔遠,坐的士都只係5,000幾won。呢間酒店真係很正,詳細介紹可以睇下呢篇《住@釜山Hotel Aventree Busan(亞雲樹酒店)》。
下面係酒店附近嘅地圖
酒店Check-in完先落街搵嘢食,酒店附近就係BIFF廣場,有好多小食檔,不過今日落雨有唔少攤檔都冇開。
呢度最出名係黑糖餅,真係好好味。
BIFF廣場對面馬路就係札嘎其市場,不過今日未去住。
今日下午嘅行程原本係Plan咗去海雲台,但係由於落大雨決定取消,留喺南浦洞行下街。南浦洞最主要嘅購物街就係呢條光復路,可惜今日落雨路上顯得好冷清。
附近嘅國際市場
喺光復路向東行到督就係樂天百貨,百貨公司同地鐵站入面條地下街相連,落雨絲濕最好入去呢D地方。
樂天百貨天台係個展望台,可以睇晒成個釜山港。
冇嘢做先食個甜品攝時間
地下街由南浦站通到去札嘎其站,由地下街行返酒店唔使淋雨。
返酒店休息下到夜晚雨勢好似轉細咗
出發去食晚餐啦,今餐去食富平市場嘅巨人炸雞。
下面張地圖係巨人炸雞嘅位置
喺光復路向西行,會去到富平洞豬腳街,呢度有好多食店架,而且開到好夜。喺右圖掛住welcome招牌嘅小巷入去。
一直行就會見到富平市場
穿過富平市場右手邊就會見到呢間唔起眼嘅舖頭,就係巨人炸雞啦。
餐牌只有韓文,不過呢度食嘅嘢只係獨姑一味,指住人哋枱上面果碟order就得啦,唯一唔同係人哋張張枱都係啤酒餸炸雞,我哋係汽水。碟炸雞16,000won,再加兩支汽水,Total 19,000won。
食唔晒可以打包,打包嘅膠掛咗係墻上,可以自己攞嚟用。除咗打包D炸雞之外,沿路仲喺便利店買D生果返酒店食。
Day 3 完,返回2015年韓國首爾+釜山賞櫻之旅目錄。
相關文章:
- 住@首爾明洞Loisir Hotel Seoul Myeongdong
- 住@首爾明洞天空花園酒店
- 住@首爾明洞王子酒店
- 住@釜山Hotel Aventree Busan(亞雲樹酒店)
- 首爾明洞酒店推介
- 韓國外國人專用火車通行證KR Pass
- 韓國MobilePOP Pocket WiFi Router使用分享
- 如何網上預約首爾昌德宮秘苑導賞團門票
人氣文章:
Klook / Kkday最新優惠碼
Agoda最新10%折扣代碼
Hotels.com最新折扣代碼
Trip.com最新優惠碼
永安旅遊最新推廣碼
樂天旅行最新住宿折扣券
樂天旅行最新租車折扣券
日本樂天市場最新優惠券
人氣文章:
Klook.com
如果喜歡這篇文章,請點個「讚」吧!
如無法顯示,可點擊這裡前往Agoda網站
最新酒店、機票、旅遊商品及網購優惠碼
Agoda最新10%訂房優惠代碼
Hotels.com最新10%訂房折扣代碼
Expedia最新訂房折扣代碼
Trip.com最新訂房、機票折扣代碼
永安旅遊最新訂房、機票推廣碼
日本樂天旅行最新訂房、租車折扣券
最新Klook優惠碼 + KKday優惠碼
日本樂天市場最新購物折扣券與優惠情報
廣告
本站文章分類
最新訂房折扣代碼
訂房省錢攻略
網上預訂酒店教學
網上訂購機票教學
購買門票車票教學
日本自駕遊租車教學
韓國自駕遊教學
澳洲自駕遊教學
冰島自駕遊教學
旅遊資訊與攻略
旅行工具(上網卡、WiFi蛋、手機App)
各地酒店推介
我住過的酒店介紹與評價
我的遊記
網上購物
搜尋本站文章
15間質素佳位置好的首爾明洞酒店推介
【首爾住宿•推薦】首爾索拉利西鐵酒店
【釜山住宿•推薦】釜山亞雲樹酒店
【濟州住宿•推薦】濟州新羅舒泰酒店
【濟州住宿•推薦】濟州樂天城市酒店
韓國酒店退稅:資格、對象和退稅手續
韓國鎮海軍港節櫻花季+釜山賞櫻勝景推薦
如何購買韓國KoRail Pass火車通行證
租借韓國WiFi蛋:主要租機公司介紹和比較
韓國上網卡:選購、速度與價格比較
如何網上預約首爾昌德宮秘苑導賞團門票
韓國自駕遊全攻略
韓國AJ Rent a Car租車教學與取還車流程