2007年东京公干之旅(Day 2)- Part 2
日本仔真系几有时间观念,plan左晚宴会系8点半结束果然就真系准时结束。8点9就坐返专车返酒店,因为呢个时间放晒工冇塞车,所以唔洗15分钟就由六本木返到酒店。之前睇杂志话六本木D圣诞灯饰好靓,但系车上沿途都唔觉有咩灯饰,之后去银座、涉谷同新宿都唔多觉有咩圣诞灯饰。
返到酒店好快咁换埋衫,就即系出发去涉谷。今晚发现原来酒店地下就系地铁站入口,好方便,等我今朝仲行左一段路去左另一个入口添。
由水天宫前去涉谷坐地铁半藏门线唔洗转车可以直到,车费190円,车程20分钟,未到10点就到左涉谷。
涉谷果然系旺区,一出车站周围都系人,同我地住嘅酒店附近水静河飞真系两个世界,不过呢度似乎唔系太多系游客,好似都系日本人,周围所见只系得我同个同事两个人系度影相,感觉有D怪,不过都唔理,黎到影返多D相先。
呢度又系涉谷车站前嘅十字路口
系涉谷车站前影左一轮相之后就过马路周围行下,其实都系D横街窄行,好多食店同埋……风俗案内所(唔知系咩,迟D问下人),周围仲有好多人派传单好似想叫你帮衬,好好其想入去睇下架,不过由于时间关系冇去到。
都系涉谷一带
仲系涉谷一带
树上嘅灯泡就系呢度嘅圣诞灯饰
涉谷车站对面嘅药店,系我所见呢区唯一一间,不过去到已经关门
呢D书仔入面唔知有D咩?好想攞返本睇下
呢区仲有好多呢D咸书店,唔记得买返本送俾个friend添
行行下有D肚饿所以揾左间寿司店食下野,两个人食左10几件都系一千円多D。
寿司店内唔系好大
D餐牌都系日文,唔识睇,好彩寿司就系面前整,有样睇,手指指搅掂
食完野都已经差唔多11点半,跟住行返地铁站坐地铁返酒店冲凉训觉。
由涉谷站出发嘅190円地铁车飞
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!