东京一人自由行：东京出Trip一个人游东京

文章发表日期：2024-06-23 | 文章分类：旅游攻略

旅游教室» 旅游资讯» 旅游攻略» 东京一人自由行：东京出Trip一个人游东京

N年前去东京公干出Trip，趁住每日开会前后嘅空档时间，试吓系东京一人自由行嘅滋味。出Trip嘅时间系11月尾，已经过咗东京嘅红叶季节，所以睇唔到好靓嘅红叶，不过都仲有唔错嘅黄叶美景。由于公干时间只有4日，呢次一个人游东京嘅时间唔多，只系去咗涉谷、新宿、银座、上野、皇居等地打打卡，走马看花。

用埋呢个95折Klook优惠码，订飞就更划算啦！

一个人游东京Day 1：出发

今次经香港出发去东京，坐下午3点几机，11点前到达码头，然后搅埋飞机check-in同行李寄仓，再系码头干等个几钟，终于上得船，今次坐头等位。

机场喷射飞航头等位嘅早餐

由澳门坐船去香港机场只需要45分钟，1点3就到左香港机场嘅海天码头，攞返HK$120机场税退税之后，就坐接驳车去候机大楼等上机。

下午3点35分飞机准时起飞，飞行时间大约3个半小时，去到日本成田空港大约系日本时间夜晚8点，不过成田空港真系好大，架飞机降落左之后行去停机位都足足行左10分钟。

飞机上面

从飞机底部闭路电视影到地勤人员开始做嘢

8点15分落机之后，要再坐一段无人架驶小火车去入境大楼。去到见到好多人，而且外国人入境柜位又少，D日本仔留返晒D柜位俾自己人，我见D日本人一黎到好快就过左海关，而我地就排左成一个钟先入到境。出到去取行李时，D行李已经放晒系地下等人认领，搭咁多次飞机今次系第一次行李等人。

一个人游东京Day 2：夜游涉谷

今日嘅schedule系9点半开始开会，中午有个半钟lunch时间，下午又再开会，然后坐车去食dinner。由于逗留系东京嘅时间无多，所以想抓紧一D空档时间去多几个地方睇下，好为下次自己黎自由行探路。

所以今朝一早6点半（即系澳门时间5点半）就起身，然后由酒店附近个地铁水天宫站坐左一个站去三越前站，睇下日本桥同东京车站附近景点。由于时间尚早，街上未有太多人，不过都已经有学生坐地铁返学，而且有好多仲系5~6岁嘅小妹妹，单独或者两三个一齐坐地铁返学，本来想影下佢地个得意样架，不过怕俾人以为我想做咩，所以都系冇影佢地。

酒店门外

酒店出面条大街，好干净

地铁购票机

买地铁飞嘅方法同大阪一样，系呢度讲一讲俾未买过嘅朋友知，已经系日本通嘅朋友可以跳过。

首先系购票机上面嘅路线图睇下你想去嘅站显示嘅价钱，然后入银仔或者纸币，当你要买嘅价钱著灯就可以按下佢出飞同找钱。

东京地铁最低消费一程160円，就算一个站都要咁贵，而最贵系270円。通常市中心都系160円或者190円，由西面嘅上野或者浅草去到东面嘅新宿或者涉谷都系190円。

如果买单程飞又需要转车的话，要留意系边个站转车，有D站转车要行一段好长嘅路，有D就会短D。同埋系东京地铁转车一般需要先出左原来条路线嘅出口闸，再行去另一条线嘅入口闸入返车站上车。所以出闸果阵要睇清楚，一定要由写有另一条线嘅闸口出闸，如果由普通闸口出，佢会以为你已经到站而唔系转车，咁就会食左你张飞架啦，咁嘅话你就唯有再买多次飞。

除左JR之外，东京地铁由两间公司经营，分别系Tokyo Metro同都营，其实市区主要嘅景点坐Tokyo Metro都可以去到，最多系兜远D路转车，所以如果只系去市中心，最着数系买返张Tokyo Metro一日券或者两日券，唔一定要坐都营或者JR。Tokyo Metro一日券710円，只要坐到4程以上已经抵返。

Tokyo Metro一日乘车券，系酒店买只需要600円，平左110円

地铁入闸机

地铁月台，好多都好窄，人又多，好难行

电车埋站

地铁车厢内

由水天宫前坐去三越前只需3分钟，一出地铁站就系三越百货公司，同埋日本桥。

三越百货公司

三越百货公司对面嘅日本桥

日本桥附近街道

高岛屋百货

东京车站，呢度系背面，由于时间关系冇行去正面嘅旧车站建筑，不过第二日去左

东京车站系JR总站，呢个系新干线闸口

日本银行，行返去地铁站时影，冇时间行埋去睇

酒店附近嘅水天宫神社，专保佑顺产

Agoda优惠码

咁样兜左一圈只系用左一个钟，返到酒店系8点钟，跟住换埋衫去join埋同事食早餐，然后开始开会……食lunch……再开会。5点3左右终于开完第一日会议，然后坐大会安排嘅巴士去到另一间位于六本木嘅酒店入面间日本餐厅食晚宴。

出发之前睇天气预报，话东京温度系5度至15度之间，黎到呢几日都维持系10至12度左右。不过之前听人讲东京室内都有暖气，所以都唔敢带太多衫，除左西装西裤之外，casual衫只系带左两件长袖衫，同埋一件羽绒褛。点不知都仲系感觉带错衫，因为D长袖衫同件褛都仲系太厚。

系东京室内嘅暖气真系太劲，连地铁站都有，一入到去感觉好焗，再坐耐D就成身汗，有时感觉就算只系著一件短袖衫系室内都会觉得热。但系一行出门口就会好冻，因为室内同室外温差好大，一冷一热，唔习惯好易早招，小弟就系咁去到last day就带埋感冒返黎做手信。

我谂冬天去东京最好只带一D簿身长袖衫，再加一件长褛，系室内除左件褛，出门口之前著左件褛再行出去，咁就冇咁易病，又唔怕室内热。至于羽绒，我觉得11月尾同12月都仲未需要。仲有就系千其唔好著一D难除嘅衫，例如羊毛内衣同冷衫呢类，一定唔著得，唔系出到去又热又除唔到盏死……

日本仔真系几有时间观念，plan左晚宴会系8点半结束果然就真系准时结束。8点9就坐返专车返酒店，因为呢个时间放晒工冇塞车，所以唔洗15分钟就由六本木返到酒店。之前睇杂志话六本木D圣诞灯饰好靓，但系车上沿途都唔觉有咩灯饰，之后去银座、涉谷同新宿都唔多觉有咩圣诞灯饰。

返到酒店好快咁换埋衫，就即系出发去涉谷。今晚发现原来酒店地下就系地铁站入口，好方便，等我今朝仲行左一段路去左另一个入口添。

由水天宫前去涉谷坐地铁半藏门线唔洗转车可以直到，车费190円，车程20分钟，未到10点就到左涉谷。

涉谷果然系旺区，一出车站周围都系人，同我地住嘅酒店附近水静河飞真系两个世界，不过呢度似乎唔系太多系游客，好似都系日本人，周围所见只系得我同个同事两个人系度影相，感觉有D怪，不过都唔理，黎到影返多D相先。

涉谷地铁站出口

地铁站出口隔离就系涉谷JR站出口

呢度系涉谷车站前嘅广场

呢度就系涉谷车站前嘅十字路口

呢度又系涉谷车站前嘅十字路口

呢度都系涉谷车站前嘅十字路口

系涉谷车站前影左一轮相之后就过马路周围行下，其实都系D横街窄行，好多食店同埋……风俗案内所（唔知系咩，迟D问下人），周围仲有好多人派传单好似想叫你帮衬，好好其想入去睇下架，不过由于时间关系冇去到。

涉谷一带

又系涉谷一带

都系涉谷一带

仲系涉谷一带

树上嘅灯泡就系呢度嘅圣诞灯饰

涉谷车站对面嘅药店，系我所见呢区唯一一间，不过去到已经关门

优良风俗？

呢D书仔入面唔知有D咩？好想攞返本睇下

呢区仲有好多呢D咸书店，唔记得买返本送俾个friend添

行行下有D肚饿所以揾左间寿司店食下野，两个人食左10几件都系一千円多D。

企系度食嘅寿司店，未试过企系度食所以入去试下

寿司店内唔系好大

D餐牌都系日文，唔识睇，好彩寿司就系面前整，有样睇，手指指搅掂

寿司放系竹叶上

一个人游东京Day 3：皇居外苑、银座、新宿

同寻日一样，今日一大早就起身，6点50分左右又坐车铁出去，今次主要系去东京车站同埋附近嘅皇居外苑。由于今日计划会去几个唔同地方，所以前一日系酒店买左一张特价东京地铁一日券，600円可以一日内无限次乘搭东京地铁八条线，最后计返全日坐左六程车，如果散买加埋要1,020円，节省左420円。

地铁站内嘅自动擦鞋机，只需100円，可惜冇著皮鞋出黎

由酒店下面嘅水天宫前坐半藏门线，坐两个站去大手町站，约需4分钟，一出地铁站对面就系东京车站正面，寻日去日本桥果边系东京车站背面。

东京车站系20世纪初建筑，可惜正在进行维修，俾木板围住晒

东京车站出面街道

东京车站出面街道，呢头系商业区，不过因为仲早，唔系太多人

东京车站内

东京车站门外嘅警岗，个警察系真人黎架

系东京车站影完相之后，照地图向西方向行去天皇住嘅皇宫，日本人叫皇居。皇居系正东京嘅正中央，睇地图地方真系好大架，皇居好似冇得入去，我地都只系系皇居外苑同埋护城河外围影下相咁。

途经进入皇居外苑嘅和田仓门遗址

和田仓喷水公园，D树好靓

皇居外苑，一边系空旷宁静嘅皇居，另一边就系高楼林立嘅商业中心，好大对比

皇居外苑

穿过皇居外苑嘅大街-内堀通，前面远处系东京铁塔

护城河内嘅皇居

皇居

皇居重地，有警察把守

皇居入口-二重桥

二重桥近镜

樱田门

Trip.com最新优惠

系皇居外苑行左45分钟左右，大约8点2就系樱田门附近坐地铁返酒店，8点半返到酒店，上房换埋衫再食埋个早餐，啱啱好9点半准时开会。今日只有半日开会时间，11点9开完会，12点就坐专车去附近嘅东京交易所食farewell lunch，食完lunch再去交易所交易大厅参观一阵，再影埋张大合照，全部官式活动就完结啦，下午可以有半日时间自由活动，好嘢……

东京交易所交易大厅，平时电视见到讲东京股市都会播呢个地方，不过因为而家已经系用电子交易，个交易大厅已经唔会有人系度做交易，只系用黎俾人参观

下午2点返到酒店，换完衫之后就先坐地铁去银座，由水天宫前去银座要去三越前转银座线，不过中间要行成400米路，好长，车程加行路时间total用左15分钟。

银座中央通

Fancl Square，系地铁银座线银座站嘅银座四丁目交差点出口一出黎就系（向南行少少）

Fancl门口，地下卖护肤品，不过唔系好大，先入去帮人扫货，只系照单拾药，好快就搅掂走人

扫完Fancl再向南行，仍然系银座中央通

第二站系Burberry日本旗舰店，系银座八丁目，由Fancl行三个街口对面马路就系

Burberry Blue Label，系地下负一层，好多讲广东话嘅人系入面买嘢，呢度原来唔俾影相，影影下俾佢sales发现，好彩冇叫我delete

呢度虽然系旗舰店，不过手袋款式都唔系好多，受人所托我地两个人total买左三个袋，扣埋税九万几円。记得带护照去，俾钱果阵俾本护照佢，就会同你扣埋税收net数，唔洗去其他地方退税架。

买完Burberry再行下隔离间toy park，因为有几袋嘢在手，所以决定行返去银座四丁目交差点个地铁站坐地铁返酒店放低D嘢先。

银座中央通，时间系下午4点11分，呢个时节东京好早天黑，四点几就已经开始黑啦

另一个方向嘅银座中央通

银座四丁目交差点地铁站

银座四丁目交差点

由于唔想再系三越前转车，因为要行400米路先转到车，所以决定行过去少少嘅丸之内线银座站坐丸之内线去大手町站转半藏门线返酒店。

去到地铁站入口附近，见到有间好大嘅药房，因为受同事所托要同佢地买D药同化妆品，但之前都见唔到有大嘅药房，所以今日见到就拿拿声入去买左先囉，惊之后买唔到交唔到差吗。点不知夜晚去新宿果阵先发现新宿超多药房，梗有5,6,7,8间系你左右，成个新宿可能有成二十间，入去夹下价先发现原来同一间药房，新宿D货平好多架，化妆品仲平成30%，因为新宿有得7折，银座就冇，今次真系惨.…..，自己买贵左都话姐，同人买贵左真系个心好唔舒服。

所以各位千其唔好学我地咁蠢，东京买药最好去新宿买，因为药房数量好多，价钱一定平，其他地方就算有，都唔系好多。（因为时间关系其实都唔系去过好多地方，不过所到几个地方都唔系太多药房，包括日本桥、银座、六本木、涉谷同埋上野，都系一间起两间止，上野多少少都系见过三间左右）

五点半返到酒店，因为行到出晒汗又有D累，所以先冲个凉抖抖先，七点左右先去食dinner。今次大会每人派左一张dinner餐券，可以去酒店入面任何一间餐厅食一餐set dinner，黎到日本当然系选择去食日本餐啦，听讲呢餐要成万几円。

好好味鱼生

睇返都想再食，仲有好多道菜架，呢度只post两张出黎

食完dinner之后，八点左右就出发坐地铁去新宿（坐半藏门线去大手町站转丸之内线到新宿三丁目站落车，全程连等车约30分钟），一出黎，哗，好多人同埋……药房。

新宿街头

新宿横街

歌舞伎町门牌，其实每条横街出口都有呢个牌

歌舞伎町内

风俗情报馆？

新宿比起涉谷仲多人，而且有好多旅行团游客黎，特别系歌舞伎町一带。呢头好似主要得三大类店舖：食店、药房同埋风俗XXX。

难得见到间生果店，最后买左一盒三个嘅富有柿，500円

新宿车站附近

新宿车站外

今晚冇咩心机同精力行，一来系之前买贵左嘢唔开心，二来可能系感冒开始黎紧唔系太舒服，所以10点几就坐地铁返酒店休息啦。

一个人游东京Day 4：上野恩赐公园

今日会坐下午3点半机去香港，然后再坐船回澳，所以上午都仲有时间去多一个地方行下，最后决定去上野，因为听讲果度买嘢食嘅手信又平又多款，为左有手信俾人，所以决定去呢树囉。

话说寻晚开始唔系咁舒服，因为作感冒，成晚喉咙鬼死咁痛，训得唔好，而且仲校错闹钟搅到唔知醒添，等到起身时已经系八点钟。于是又拿拿林洗面换衫，落去快快趣趣食埋早餐出去。其实间酒店嘅早餐自助餐都唔系咁好食，净系觉得佢D蜜瓜最正，所以今朝主要都系食蜜瓜做早餐。

食完早餐差唔多八点九，用左15分钟由酒店坐地铁去上野站（要系三越前转银座线，又用左7分钟行左400米）。九点钟到达上野站，因为时间尚早，所以先去上野恩赐公园行下。

JR上野站出口，右手边系地铁出口

地铁出口外嘅马路

地铁出口对面就系京成电车上野站，可以系呢度坐火车去机场，右边楼梯上去就系上野恩赐公园

上野恩赐公园正门，棵树都已经冇晒叶啦

上野恩赐公园内嘅西乡隆盛铜像（唔识佢）

上野恩赐公园内嘅清水观音堂

上野恩赐公园内

11月尾东京嘅红叶大部分都落晒叶，呢度系今次见到最多红叶嘅地方

上野恩赐公园内嘅不忍池上嘅小岛

不忍池原来系种满晒荷花，不过呢个季节全部谢晒

延仲阅读：

东京赏樱自由行：东京樱花景点推荐、满开时间、行程规划和游记分享

因为时间有限，所以只系系上野恩赐公园前半part游览，后面D展览馆同动物园冇时间去。九点九左右就行返去Ame横丁准备买手信，点不知去到发现大部分店铺都仲未开门，原来多数都系10点或者10点半先开门架。

Ame横丁与上野恩赐公园之间嘅上野中央通

Ame横丁入口，上野JR站对面

Ame横丁内，好多都未开门

Ame横丁就系JR架空铁路下面嘅两边横街

又系Ame横丁，好多卖鱼生档

Ame横丁

二木之菓子，好多书介绍呢度买手信平，不过10点先开门

终于等到佢开门啦

乐天旅行最新优惠

用左半个钟系二木之菓子买手信，买左成袋大包细包，都只系九千几円，不过D嘢食真系好重，返到酒店用左九牛二虎之力先至将佢地质晒入喼。

返到酒店拾埋行李11点半check-out完，跟住行过酒店隔离嘅Airport Limousine Bus坐机场巴士去机场，巴士班次都好密架，10~15分钟有一班车，去到先买飞，好似买地铁飞咁，入钱入去自动售票机，然后按下个掣就有车飞出，仲有埋张收据，方便claim数。

上面果张系行李单，落车攞行李果阵俾佢，咁就唔怕俾人攞错行李啦。下面果张系车飞收据，单程2,900円

Airport Limousine机场巴士

高速公路沿途风景

高速公路沿途田园

巴士行左45分钟就到左成田空港Terminal 2，一落车就系离境大楼，架巴士仲会继续开去Terminal 1，记得睇清楚自己坐果架飞机系边个Terminal登机先好落车啊。

机场巴士站

可能早左黎，国泰check-in柜位冇咩人搅紧check-in，唔洗排队好快就搅掂登机check-in啦，之后就即刻过海关入去候机大楼，因为仲有个重要mission未完成。

进入海关嘅离境闸口

离境比起入境快好多，一阵间就搅掂入到去候机大楼，可以进行最后一个任务，就系买免税化妆品。原来成田空港个候机大楼都唔系好大，好快揾到要买嘅目标。

海关柜位对面嘅化妆品免税店

系呢间免费店入边豪花左东京之旅最后一笔接近十万円嘅巨款，不过都只系换来几樽仔嘢

完成左最后一项任务之后仲剩返差唔多两个钟时间，咁唯有周围行下睇下野。

日本真系样样都有自动售卖机，连旅游保险都可以系机场上机之前用自助投保机购买

京都面油纸，上面绿色果种净系机场先有得卖，睇睇下又买左D做手信

好得意嘅菓子啊

呢盒嘢一千円，见有两个台湾女仔攞住本书黎买，所以我又跟佢地买左一盒，不过俾左人做手信，唔知好唔好食呢

行到咁上下开始肚饿，所以坐低食D嘢，不过呢个时候身上只剩返1,400円，只够食呢餐

食完嘢时间差唔多，可以去等上机，不过要坐一程无人架驶小火车过去登机嘅地方。

等紧无人架驶小火车

无人架驶小火车

对头车

无人架驶小火车车厢内

可以开始上机啦

今次回程呢只机又同黎果阵唔同，最大分别系个电视有好多自选电影可以睇，唔洗照佢嘅播放时间，仲有就系有得打机添

控制器背面系游戏机手掣

下午三点七左右飞机准时起飞（好似系，因为太累，起飞前小弟已经训著左），不过唔知点解，去果程飞左3.5小时，但回程就要5小时，足足多左1.5小时，唔系时差啊，系真系5小时，3点35分(日本时间)起飞，7点35分(香港时间)到达，即系日本时间8点35分，8减3等于5，真系足足5个钟架。

到左香港机场，我地冇入香港境，而系直接买10点由机场码头去澳门嘅喷射飞航船飞，票价HK$180，虽然要等两个钟，不过唔洗转的士，又唔洗攞行李，舒服好多架，D行李会直接由机场送去架船度架。如果要转船，记得千其唔好过海关啊，卖船飞嘅counter就系海关入境counter附近，对住扶手电梯，落机之后坐完无人架驶小火车，一上黎就见架啦。

因为要等船，所以系香港机场又食左餐dinner。10点开船，10点9到澳门，等埋行李出黎，返到屋企11点半，成个公干旅程终于告一段落啦。