《2010年新春台北之旅》- 第一天(1) – 丹迪旅店天津店(大堂篇)
[ 2010年2月14日 (星期日,年初一);日间天晴,晚上微雨;气温:around 15度]
终于等到虎年大年初一啦,因为要坐朝早7:35飞机,所以年三十晚食完团年饭之后,就返屋企训觉,连赌场都唔去。
系澳门坐飞机既好处就系唔洗咁早去机场,我地坐7:35飞机,6:15先出门口,6:30已经到机场,check-in完都未到6:45。
年初一晨早嘅机场都有好多人,系我地之前有两班机起飞,一班机去长沙,另一班去胡志明市。见有咁多人以为我地果架机都好多人坐,点知去长沙同胡志明市果两班机走左之后,成个机场只剩返几丁友。
总于上机,睇下. . .架机只有20几个乘客,每人霸一排训觉都仲得。
由澳门去台北唔洗两小时机程,因为当时冇其他机降落,冇其他旅客争,所以话咁快就入左境,可以即时去坐机场巴士入市区。因为要系台北车站坐的士去丹迪旅店,所以今次都系选择坐国光巴士。虽然由桃园机场去台北车站嘅机场巴士会驶经丹迪旅店中山店附近,不过因为唔系咁熟路,为免麻烦所以都系选择去到台北车站总站落车。
系买巴士飞嘅时候个卖飞阿婶话买来回票一张可以平NT$10,由原价NT$125减至NT$115,来回就平左NT$20,虽然唔多,但系横掂回程都系打算坐国光,所以就听佢讲买来回票。回程票上面系冇乘车日期同时间既,几时坐都可以架。
国光巴士系台北车站落车嘅地方就系的士站,好方便,坐去丹迪旅店中山店几分钟就到,车费都只系NT$95。到达旅店时只系10:30左右,离3:00pm check-in时间仲有好耐,所以先放低行李,等够钟再返去check-in。系网上订房嘅时候系统会send份confirmation去你email,出发前最好print份email出黎带去,不过就算冇都唔紧要,因为佢有你个名,断估都唔会有两个同名同姓嘅人系同一日去同一间酒店挂。
下面先黎介绍间旅店,因为我地分别住两晚,而且两晚房间类型唔同,所以系呢度一次过介绍晒,方便查阅。
先睇下旅店外型,呢张系从街口影过去嘅旅店外貌,间旅店连埋地下果层其实只有四层,不过系旅店入面你会发现有五楼同埋六楼 系唔系好珍奇呢 其实系因为台湾人都一样咁迷信囉,佢系冇四楼架,第四层变左五楼,而六楼其实只系天台,上唔到去架。
地下果层叫一楼,系大堂同埋饭厅,客房只有二、三、五楼三层,所以客房数量有限。先黎show下大堂,地方都好细架,不过设计简约。
大堂行入去系电梯隔离就系饭餐,房价已经包埋早餐,就系呢度食,自助餐形式,款式唔多,不过味道都OK。
饭餐出面有部Apple,可以上网,如果需要打印可以问reception攞A4张,不过每日每间房只供应4张。
如果唔需要搬行李,其实返上房行楼梯都唔错架,佢每层嘅装修同装饰都有D唔同,几特别。
> 查看酒店资料、房价及住客评价
酒店资料:
地址:台北市中山区天津街70号
电话:886-2-2541-5788
网址:http://www.dandyhotel.com.tw/DandyT/index.aspx
交通位置:捷运中山站3号出口步行约6分钟
房间总数:30间
房间面积:16.5~33平方米
平日房价:NT$2,100~2,700/一间房
提供此酒店订房的主要订房网站:酒店官方订房系统 | Agoda | HotelClub | 乐天旅行 | 乐天旅行英文网站
>> 建议先使用HotelsCombined比较不同订房网站的价格
>> 查阅酒店在TripAdvisor的住客评价
因为每个post只可以放20张图,房间介绍就留系下个post啦。
待续. . . . . .
人气文章:
Klook / Kkday最新优惠码
Agoda最新10%折扣代码
Hotels.com最新折扣代码
Trip.com最新优惠码
永安旅游最新推广码
乐天旅行最新住宿折扣券
乐天旅行最新租车折扣券
日本乐天市场最新优惠券
Klook.com
如果喜欢这篇文章,请点个“赞”吧!