2012年双台风夹击下的台湾之旅(Day 2[上篇] – 从台中到日月潭)

台湾嘅电视媒体一向对新闻嘅报导方法都好跨张，寻晚电视不断报导台风动态，讲到情况非常严重，就好似世界末日将至咁，但系街外实情系风平浪静，雨势又唔大，真系唔知信唔信佢好，所以去唔去日月潭好都仲心大心细，心谂都系等天光睇下情况再决定听日行程啦。今朝起身第一时间睇下窗外环境先，睇个样天气又唔算太差，虽然有D雨，但只系细细雨，亦唔多觉太大风，应该冇问题。

梳洗完先落楼下M记食早餐，因为个风唔劲，仲要返工返学，所以M记都有唔少大学生系度买早餐。

食完早餐返上房执埋野就check-out走人啦。经过寻日考察完车站环境同今日天气情况，我地决定去返高铁台中站坐公共汽车去日月潭，因为咁嘅天气下估计去日月潭嘅游客应该唔多，而且系高铁台中站上车车站系室内，就算落大雨上车时都唔会咁狼狈，仲有第二个原因，就系去高铁台中站有免费公共汽车可以坐，悭返NT$200的士钱。(接驳公共汽车嘅资料可以睇返住@台中碧根行馆(Beacon Hotel)入面交通果Part嘅介绍。)

接驳公共汽车同去日月潭或者清境嘅南投客运公共汽车系高铁台中站嘅上落客地点位于同一层，接驳公共汽车系6号出口，而南投客运就系对面嘅5号出口。

– – – 下面先加插呢段介绍一下去日月潭同清境方向嘅公共汽车资料 – – –

由台中去日月潭、清境或者埔里嘅南投客运公共汽车，系由干城车站总站开出，之后再驶到高铁台中站，上埋系呢度嘅乘客。如果遇上旺季，系干城车站上车会稳陴D，平日嘅话系高铁台中站上车都应该仲有位坐。

干城车站位于台中火车站附近，就系台中公园快捷假日酒店隔离。

在较大的地图上查看干城车站的位置

南投客运每日有22班由台中出发前往日月潭的公共汽车，假日更会增至26班，大约每20-40分钟就有一班车开出(时间表)，单程车费系NT$190。

去日月潭嘅公共汽车有两条唔同行法嘅路线，一条(台中-高铁台中站-埔里-日月潭(国6)线)系中途先停埔里镇再去日月潭，而另一条(“台湾好行-日月潭线”)就唔入埔里镇，但系会去埔里附近嘅暨南国际大学上落客，然后再去日月潭，两条线嘅行车时间差唔多，大约1.5小时左右(由干城车站至日月潭)。

如果系去清境，系台中嘅上车地点同去日月潭相同，不过直达清境嘅公共汽车班次好少，多数需要先坐去埔里，再由埔里转车上清境，但系由埔里去清境嘅公共汽车班次其实都唔多，比去日月潭麻烦。(清境公共汽车时间表)

– – – 介绍完公共汽车资料，又再讲返我地嘅行程啦 – – –

到左高铁台中站啱啱有一班去日月潭嘅公共汽车就黎到站，真系好彩，二话不说先系5号出口旁边呢个counter买左车飞先，每人NT$190。

跟住就系5号出口外面排队等上车，一如预计坐车嘅人唔多，而且大部份系坐去暨南国际大学嘅学生。

架公共汽车都好大架，座位好宽阔，仲有戏睇，播紧嘅系大陆片"让子弹飞"。

由高铁台中站去到日月潭只系需要1个钟多D，开头半个钟行高速公路(6号国道)，去到埔里镇嘅爱兰交流道出高速公路，再行多半个钟头多D普通公路就到。

我地坐呢班车系“台湾好行-日月潭线”，唔停埔里镇，但系会去埔里附近嘅暨南国际大学。

之后再经过鱼池乡。

见到湖即系表示已经到达日月潭啦。

再驶经日月潭水社嘅名胜街。

公共汽车系日月潭嘅总站就系日月潭水社游客中心，呢度距离名胜街同水社码码只有100米。

游客中心入面有D旅游资料可以攞黎睇，亦可以将行李寄存系呢度。

游客中心旁边系公共汽车售票处，返去台中嘅公共汽车就系呢度买飞同上车

除左可以坐南投客运去台中之外，亦可以坐国光客运直接去台北，不过车程要3个半钟。

在较大的地图上查看日月潭水社游客中心的位置

去到日月潭都只系上午11点，落车之后先行去我地今晚入住嘅日月潭Spa Home放低行李，因为要等到下午3:00先可以check-in。如果想睇关于日月潭Spa Home嘅介绍同住宿评价，可以参考呢篇《住@日月潭Spa Home》，呢度唔再重复。

讲住咁多先，日月潭嘅行程留返下一篇再讲。

待续……