2013年日本关西、北陆赏樱自驾游 – Day 1:大阪城夜樱

今次去大阪都系坐Air Macau,因为佢嘅时间真系好正,由澳门去大阪系上午11点起飞,而由大阪返澳门就系下午4点半起飞;而且唔需要经香港,悭时间之余又唔会咁辛苦。不过自从Air Macau同ANA成为合作伙伴之后,多左好多日本人坐,想买到提前60日或30日嘅平机票已经越黎越难,而我地今次嘅机票就真系超贵。

2013年日本关西、北陆赏樱自驾游 – Day 1:大阪城夜樱

 

2013.4.5 | 雨

今日澳门机场并唔系太多人,9点几check-in完先去阁楼M记食早餐先。

2013OsakaTrip_Day1_01

 

Air Macau嘅航班虽然比人话成日delay,不过飞日本嘅航线就好少delay。

2013OsakaTrip_Day1_032013OsakaTrip_Day1_02

 

我地今次都系住心斋桥,所以到达关西机场之后,即刻上2楼对面嘅车站坐南海电铁去难波总站。买飞果阵因为有架空港急行列车就开,所以冇买特急ラピート(Rapit列车)车飞,而系坐左呢架空港急行。

2013OsakaTrip_Day1_04

 

由关西机场去难波,坐特急ラピート嘅时间系39分钟,而空港急行就要43分钟,其实两者时间相差不大,不过特急ラピート嘅车厢同座位比空港急行舒服好多,又系指定席,而且仲有放行李嘅地方,而空港急行只系普通列车,冇指定席,又冇专门地方放行李,所以要全程扶住个行李喼。其实特急ラピート嘅车费只系1200円,比空港急行嘅890円只系贵少少,不过就舒服得多,所以回程时都系坐返特急ラピート。

 

大约五点半左右终于到达今晚入住嘅大阪Cross Hotel,今次系第三次住呢间酒店,不过今晚只系住一晚,第二朝就会出发去京都啦。[想睇酒店介绍同住宿评价可以参考呢篇住@大阪Cross Hotel Osaka]

2013OsakaTrip_Day1_05

 

系酒店放低行李抖左一阵之后,系时间出去玩啦,今晚计划去大阪城睇夜樱。

2013OsakaTrip_Day1_06

 

出发前先医下肚先,由于时间有限,今餐只系求其食左碗牛肉饭。

2013OsakaTrip_Day1_07

 

以前曾经去过大阪城一次,当时系坐地下铁到谷丁四丁目駅,由西面入口进入大阪城公园,不过今次跟旅游书指示,坐地下铁到大阪城公园駅落车,由东面入口进入,点知咁就出事啦,俾佢老点左。惊讶

 

一出大阪城公园駅冇错就系大阪城公园,不过大阪城公园面积唔细,而大阪城同大阪城西の丸庭园系位于公园西边,距离大阪城公园駅比距离谷丁四丁目駅远好多。我地嘅目的地系要到大阪城西の丸庭园睇夜樱,但因为咁去到果阵已经过左最后入场时间。嚎啕大哭

 

下面系大阪城公园里面嘅樱花,不过已经过左满开期,开始凋落啦。

2013OsakaTrip_Day1_082013OsakaTrip_Day1_092013OsakaTrip_Day1_102013OsakaTrip_Day1_15

 

行左一大段路终于到左大阪城,不过西の丸庭园就已经闩左门。

2013OsakaTrip_Day1_112013OsakaTrip_Day1_13

2013OsakaTrip_Day1_122013OsakaTrip_Day1_142013OsakaTrip_Day1_16

 

行完大阪城公园之后,返酒店休息啦。系心斋桥駅行返酒店途中,系大丸百货附近见到呢间饼店好多人排队,所以都凑热闹买返件挞返酒店食,不过味道非常麻麻,唔知一早售罄果只干酪饼会唔会用食D。

2013OsakaTrip_Day1_172013OsakaTrip_Day1_182013OsakaTrip_Day1_192013OsakaTrip_Day1_20

2013OsakaTrip_Day1_252013OsakaTrip_Day1_26

 

临训前有D肚饿,所以行过去一兰食碗拉面做宵夜。

2013OsakaTrip_Day1_22

2013OsakaTrip_Day1_212013OsakaTrip_Day1_232013OsakaTrip_Day1_24

 

– Day 1 完 –

 

>> 返回2013年日本关西、北陆赏樱自驾游》总目录

fb share

如果喜欢这篇文章,请点个“赞”吧!

fb share

发布留言

发布留言必须填写的电子邮件地址不会公开。 必填字段标示为 *

收到您的留言后,小弟会尽快回复。如果您在留言中提供的电邮地址正确,且已勾选同意接收电邮通知,当您的留言通过审核并有回复时,系统会寄出电邮通知您。回答您留言所查询的问题有时候需要一些时间研究,请耐心等待。另外,如果您还未赞好过本Blog Facebook专页,可以请给我一个讃吗?!就当作是我花时间和精神解答您问题的一点支持吧。谢谢!

fb share

如果喜欢这篇文章,请点个“赞”吧!

fb share